Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

ПАВЕЛ АПОСТОЛЛЭН ЕФЕС КАРЫН УЛӤСЬЁСЛЫ ЫСТЭМ ГОЖТЭТЭЗ

Глава 2

2-тӥ ЛЮКЕТ

1Тӥ но асьтэлэн йыружъёсыныды, сьӧлыкъёсыныды сэрен кулэмын вал ни,2сьӧлыкъёс пӧлын улыкуды, та дуннеын улонлэн сямъёсызъя, али но Инмарлы пумитъяськисьёсын кивалтыса улӥсь омырын кузёяськись эксэйлы, со духлы тэрытскыса улӥды.3Азьвыл асьмеос но соос кадь ик лулмугормылэн кулэяськонъёсызлы тэрытскыса, лулмугормылэсь но малпанъёсмылэсь кулэ каронъёссэс быдэсъяса улӥмы. Куке но ваньмы асьмеос, мукет адямиос кадь ик, Инмарлэсь вожпотонзэ чиданы кылем нылпиос вал.4Но гажан-жалянэн узыр Инмар, Аслаз быдӟым яратонэныз яратӥз5асьмеды, – йыружъёсмы понна кулэмъёсты, Христосэн валче улӟытӥз, – Инмарлэн гажан-жалянэныз тӥ утемын вал.6Соин ӵош кулэмысь улӟытӥз но Инмысен Иисус Христос борды пуктӥз, –7асьмелы, Иисус Христос бордын улӥсьёслы, Аслэсьтыз ӟеч мылкыдзэ, дэлетлэсь туж бадӟым узырлыко луэмзэ вань вапумъёс ӵоже возьматон понна.8Уго оскон пыр тӥ Инмарлэн гажан-жалянэныз утемын. Но со утиськон тӥ бордысь уг поты, со – Инмарлэн кузьымез.9Уж понна но со ӧвӧл, нокин но медаз ушъяськы.10Асьмеды Инмар кылдытӥз, Иисус Христос бордын ӟеч ужъёс лэсьтыса улон понна асьмеды Со кылдытӥз. Ӟеч ужъёс лэсьтыса мед уломы шуыса, Инмар азьвыл ик соосты дасяз.

11Тодады вае: кылдэмдыя тӥ куке но язычникъёс вал. Вандӥськон сямзы мугор вылын, адями киын гинэ лэсьтэм ”вандӥськемъёс” шуыса нимаськисьёс тӥледыз ”вандӥськымтэос” шуо вал.12Тодады вае: со виын тӥ Христостэк улӥды. Израиль калыклэсь тӥ палэнтэмын вал, сӥзиськонлэсь курон-косонъёссэ уд тодӥське вал, оскиськонды ӧй вал, дунне вылын Инмарлы осконэз тодытэк улӥды.13Нош табере тӥ, куке но Инмарлы кыдёкын сылӥсьёс, Иисус Христос бордын, Солэн Вирыз пыр Инмарлы матэ луиды.

14Уго асьмелэн тупаса улонмы – Со Ачиз. Еврейёсты но язычникъёсты Со одӥг калык кариз, куспамы сылӥсь могӟетэз – тушмонъяськыса улонэз – Аслаз лулмугорыныз куашкатӥз.15Моисейлэсь курон-косонъёсын законзэ воштӥз. Ачиз бордын кык калыклэсь одӥгзэ – выльзэ адямиез – кылдытӥз, асьмелы тупаса улон вайиз.16Кирос бордын кулыса, кыксэ калыкъёсты одӥг мугор, Инмарен тупась кариз, куспазы тушмонъяськыса улонэз быдтӥз.17Христос лыктӥз но тӥледлы, кыдёкысьёслы, милемлы, матысьёслы но, тупаса улон тодытыны кутскиз,18малы ке шуоно Иисус пыр, одӥг Духен асьмеос Атай доры кариськыны быгатӥськомы.

19Озьыен, табере тӥ мурт адямиос, пыртос калык ӧвӧл ни, табере тӥ вань вӧсяськисьёсын ӵош одӥг семья, Инмарлэн адямиосыз луиськоды.20Апостолъёслэн но пророкъёслэн юнматэм инъет вылазы тӥ ӝутэмын, нош со инъетлэн возись изэз Ачиз Иисус Христос луэ.21Со бордын быдэс юрт возиське, радысь радэ пуктӥськыса вылӥе ӝутӥське но Кузё-Инмарлэн святой храмез луэ.22Христос бордын улыса, тӥ но мукетъёсын ӵош Дух пыр Инмарлэн улон юртэз луиськоды.


предыдущая глава Глава 2 следующая глава