Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

ПАВЕЛ АПОСТОЛЛЭН ЕФЕС КАРЫН УЛӤСЬЁСЛЫ ЫСТЭМ ГОЖТЭТЭЗ

Глава 1

1-тӥ ЛЮКЕТ

1Мон, Павел, Инмарлэн эрикеныз быръем Иисус Христослэн апостолэз, Ефесысь Иисус Христослы осконэн улӥсьёслы, вӧсяськись калыклы:2Инмар Атаймылэн но Кузё-Инмарлэн Иисус Христослэн дэлетэз, каньыллыкез тӥ бордын мед улоз.

3Данъямын мед луоз Инмар, Кузё-Инмармылэн Иисус Христослэн Атаез. Асьмелы Христос бордын Инмысь котькыӵе но духовной ӟечлыкъёс сётыса, Со асьмеды бакель кариз.4Дунне кылдытонлэсь азьло Инмар асьмеды Христос бордын бырйиз, Аслаз азяз асьмеос дун-сьӧлыктэмесь, дун-шектэмесь мед луомы, гажан-жалянэн мед уломы шуыса.5Аслаз ӟеч эрикезъя Иисус Христос пыр асьмеды Со азьвыл ик Аслыз нылпи карыны малпаз.6Солэсь данлыко дэлетсэ мед ушъяломы, сое Со асьмелы, Яратоно Пиез бордын улӥсьёслы, кузьмаз.7Яратоно Пиез бордысен, Солэн Вирыныз асьмеос сьӧлыкъёслэсь мозмытскимы. Солэн туж бадӟым гажан-жалянэз ванен сьӧлыкъёсмы куштӥськизы.8Бадӟым визьлыкен, валаса Со дэлетсэ асьмелы пачылаз сётӥз.9Ачиз ӟеч мылкыд карыса, Со Аслэсьтыз Христосэн герӟаськем малпанэзлэсь ватӥськыса улӥсь зэмлыксэ асьмелы усьтӥз, –10Инмарлэн сётэм дырыз вуиз ке, Со Инмысьсэ но, музъем вылысьсэ но Христослэн кивалтэм улсаз ваньзэ огазе кароз.

11-12Ваньзэ Лэсьтӥсьлэн малпамезъя-планэзъя, азьвыл ик Аслаз чакламезъя Христос пыр ми, нырысьёсыз Христослы оскисьёс, Инмарлэсь данлыксэ вылэ ӝутон понна люкет басьтӥсьёс луимы.13Зэмлыклэсь кылзэ, утиськондылэсь Ӟеч Иворзэ тӥ но кылӥды. Собере Христослы оскыны кутскиды но, Со бордын улэмды понна сӥзем Святой Духез Инмар тӥледлы сётӥз. Озьы, тӥ Солэн адямиосыз луиськоды шуыса, Со возьматӥз.14Солэсь данлыксэ вылэ ӝутон понна Святой Дух азьпал люкет басьтонмылэн оскытонэз луэ: Инмар асьмемыз, Аслэсьтыз адямиоссэ, сьӧлыкъёслэсь мозмытоз.

15Тӥляд Иисус Христослы осконды, ваньзэс вӧсяськисьёсты яратэмды сярысь кылӥ но,16чик дугдылытэк, тӥ понна Инмарлы тау карисько. Тӥ понна вӧсяськисько,17Кузё-Инмармылэн Иисус Христослэн Инмарез, данлыклэн Атаез, Сое мед тододы, тӥледлы бадӟым визьлыклэсь но усьтӥськонлэсь Духсэ мед сётоз шуыса.18Сюлэмдылэсь синъёссэ мед югдытоз, тӥ мед тододы, кыӵе со оскиськон, кудаз Со тӥледыз ӧтиз. Макем бадӟым, дано вӧсяськись калыклэн басьтоно люкетэз,19макем бадӟым, лыдъянтэм асьмелы, Инмарлы оскисьёслы, Солэн сётэм кужымез!20Инмар Аслэсьтыз кужымзэ Христос пыр возьматӥз, Сое кулэмысь улӟытыса султытӥз но Инмысен Аслаз бурпалаз пуктӥз,21котькыӵе кузёйыръёслэсь но кивалтонъёслэсь, кужымъёслэсь но кузёяськонъёслэсь, котькыӵе нимлэсь-данлэсь но таяз улон даурын гинэ ӧвӧл, вуонояз даурын но вылӥегес кариз.22Инмар ваньзэ Христослэн пыд улаз тэрытскись кариз. Сое ваньмызлэсь вылӥе пуктӥз, Черклы йыр кариз,23нош Черк Солэн Мугорыз луэ, Христос ваньзэ тырмытыса, пачылмытыса возе.


предыдущая глава Глава 1 следующая глава