Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

ПАВЕЛ АПОСТОЛЛЭН ГАЛАТИЯЫН УЛӤСЬЁСЛЫ ЫСТЭМ ГОЖТЭТЭЗ

Глава 6

6-тӥ ЛЮКЕТ

1Агай-вынъёсы! Адями кыӵе ке но сьӧлык лэсьтоно луиз, нош тӥ со сярысь тодӥды ке, соку тӥ, духовной адямиос, сыӵе муртэ зӥбыт-востэм духен визьмалэ. Визь сынаськонэ медад сюре шуыса, асьтэдыз асьтэос но чаклалэ.2Ог-огдылэсь секытлыкъёстэс нуллыны юрттӥське, – озьы тӥ Христослэсь законзэ быдэстоды.3Ачиз нокин ке но ӧвӧл, нош со ассэ вылӥ луисько шуыса лыдъя ке, со ассэ ачиз озьы пӧя.4Котькудӥз аслэсьтыз ужъёссэ ачиз мед эскероз-чаклалоз, соку со, мукетъёсын ассэ ӵошатытэк, аслаз азинсконъёсыныз ушъяськыны быгатоз.5Уго котькудӥз адями аслаз улонысьтыз секытлыкъёсты ачиз нуыны кулэ.6Инмар кыллы дышетскись муртлэн маиз вань, сое со дышетӥсеныз шори мед люкоз.

7Ӧрекчаськонлы эн сётске: Инмар Ассэ сантэманы эрик уг сёты. Адями мае кизе, сое ик со ара.8Аслаз лулмугорызлы ярамонзэ кизись, лулмугорыз бордысь сисьмон аралоз. Нош кин Духлы ярамонзэ кизёз, со Дух бордысь бырисьтэм улон аралоз.9Ӟеч уж лэсьтыны эн жаде. Ӧм ке лябӟе, кизем бусымес ас дыраз араломы уго.10Озьыен, дырмы вань на бере, ойдолэ, вань адямиослы ӟеч уж лэсьтоме, нош уката ик асьме осконысь агай-вынъёсмылы.

11Адӟиськоды-а макем бадӟымесь букваосын, ас киыным мон тӥледлы гожтэт гожтӥ.12Мугорзылэн вылтусыныз ушъяськыны яратӥсьёс, Христослэн киросэз понна соосты медаз уллялэ-ултӥялэ шуыса гинэ, тӥледыз вандӥськон сямез ортчытыны ёрто.13Уго вандӥськемъёс асьсэос но законэз уг чаклало-утё, но туртто, вандӥськон сямез тӥ мед ортчытоды шуыса, – тӥляд мугорыныды ушъяськон понна.14Нош Кузё-Инмармылэн Иисус Христослэн киросэныз сяна, мынам номырин но ушъяськеме уг поты. Со кирос бордын мон понна дунне кортӵогамын, мон но дунне понна кортӵогамын.15Уго Иисус Христос бордын вандӥськонлэн но, вандӥськытэк кылёнлэн но нокыӵе дунлыксы ӧвӧл. Ваньмызлэсь дуноез со: Инмарлэн кылдытэм выль адямиез луон.16Кинъёс та куронэз быдэсъяса уло, соос пӧлын каньыллык, гажаса-жаляса улон мед луоз, Инмарлэн израиль калыкез пӧлын но озьы ик мед луоз.

17Азьланяз нокин но мыным куректон медаз ни вайы, уго аслам мугор вылам Кузё-Инмарлэсь Иисуслэсь яраоссэ мон нуллӥсько.

18Агай-вынъёсы, Кузё-Инмармылэн Иисус Христослэн дэлетэз тӥляд духеныды валче мед улоз. Аминь.


предыдущая глава Глава 6 следующая глава