Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

ПАВЕЛ АПОСТОЛЛЭН ГАЛАТИЯЫН УЛӤСЬЁСЛЫ ЫСТЭМ ГОЖТЭТЭЗ

Глава 5

5-тӥ ЛЮКЕТ

1Та эрикез асьмелы Христос сётӥз. Соин ик юн сылэ, нош ик ляльчи-медо луонлэн зӥбет улаз медад сюре шуыса.2Тани, мон, Павел, тӥледлы мае верасько: вандӥськон сямез тӥ ортчытӥськоды ке, Христос тӥледлы нокыӵе но пайда уз сёты.3Котькудӥзлы вандӥськон сямез ортчытӥсьлы эшшо одӥг пол верасько на: со мурт быдэс законэз быдэсъяса улыны кулэ.4Тӥ, законэз быдэсъяса улонэн асьтэдыз шонере поттыны вырисьёс, тӥ Христосэн люкиськиды, дэлет басьтонтэк кылиды.5Нош ми духенымы оскон пыр шонере потонэз чидатэк витиськомы. Солы ми юн оскиськиськомы.6Иисус Христос бордын улыку, вандӥськонлэн но, вандӥськытэк кылёнлэн но нокыӵе дунлыксы-кулэлыксы ӧвӧл, яратонэн тыр луись оскон гинэ кулэлыко.

7Тӥ умой мынӥськоды вал: кин тӥледлы люкетӥз зэмлык бӧрсьы мыныны?8Таӵе уж тӥледыз Ӧтись бордысь потэмын ӧвӧл.9Пичи гинэ шӧм быдэсак лаиськемез чырсатэ.10Мукет сямен уд малпаське, мон кадь ик тӥ но малпаськыны кутскоды шуыса, тае Кузё-Инмарлы оскиськыса верасько; нош тӥлесьтыд визьдэс тугась – котькин со мед луоз – суд улэ сюрытэк уз кыльы.11Агай-вынъёс, али но мон вандӥськон сямез тодытӥсько ке, малы бен монэ улляло на? Соку кирос пумысен визь сынаськон быдтэмын луысал.12Э, тӥлесьтыд оскондэс тугаса-пожаса улӥсьёс асьсэлэсь асьсэос ӵогыса куштысалзы ке!

13Агай-вынъёс, тӥ эрико улон понна ӧтемын, но тӥляд эрикты лулмугор сярысь сюлмаськонлы медаз пӧрмы вал. Тӥ огдэс огды яратыса, юрттӥськыса улэ.14Уго быдэс законлэн шорсюлмыз луэ таӵе курон-косон: «Матысьтэ астэ кадь ик яраты».15Огдэс огды куртчылӥськоды, йырйиськоды ке, чакласькелэ: огдэс огды чылкак медад быдтэ.

16Мон шуисько: Духлы тэрытскыса улэ, соку лулмугорлэн кулэ каронъёсызлы тэрытскыса уд улэ.17Уго Духлы мар ярантэм-кулэтэм, лулмугор сое кулэ каре. Нош Духлы мар ярано, сое лулмугор кулэтэм каре: соос огзылы огзы пумитъясько, мае лэсьтэмды потэ, сое тӥ медад лэсьтэ шуыса.18Тӥледын Дух кивалтэ ке, соку тӥ Моисей закон улын уд улӥське ни.19Лулмугорлэн сьӧлыко ужъёсыз тодмоесь, тани соос: азыса-калгыса улон, юрӟым, кырсь ужъёс лэсьтон;20сульдэръёслы-идолъёслы йыбыртъян, веднаськон, тушмонъяськыса улон, керетонъёс, вожъяськон, вожпоттон, даллашонъёс-ченгешонъёс, тупатэк улон, ӧрекчи дышетонъёс,21синазькыль карон, адями виён, юыса улон, визьтэмъяськон-укылтэмъяськон но мукет та выллем лек ужъёс. Кызьы азьвыл вералляй, али но тӥледлы верасько: тазьы улӥсьёс Инмар Эксэйлыкын люкет уг басьто.

22Духлэн таӵе емышез: яратон, шумпотон, тупаса улон, чидась луон, лякытлык, гажась-жалясь луон, ог-огедлы оскиськымон луон,23зӥбыт-востэм луон, возиськыны быгатон. Таӵе сямъёслы пумит закон уг мыны.24Христос пала кариськемъёс юрӟым кулэ каронъёсын азэм лулмугорзэс кортӵогазы.25Асьмеос Духен улӥськомы ке, соку Духлы кызьы кулэ, озьы ик лэсьтыны но кулэ.26Ушъямез-данъямез яратыса ум улэ. Ойдолэ, огмес огмы ум керӟегъяськытэ, огмылы огмы ум вожъяське.


предыдущая глава Глава 5 следующая глава