Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

ПАВЕЛ АПОСТОЛЛЭН ГАЛАТИЯЫН УЛӤСЬЁСЛЫ ЫСТЭМ ГОЖТЭТЭЗ

Глава 4

4-тӥ ЛЮКЕТ

1Эшшо верало на: люкет басьтӥсь пичи дыръяз номырин но ляльчилэсь уг висъяськы, ачиз ваньмызлы кузё ке но луэ.2Атаен юнматэм дыр вуытозь, со тэрытскыса улэ аслаз утисьёсызлы, юртэн кивалтӥсьёслы.3Озьы ик асьмеос но: пичи дыръямы та дуннелэн законъёсыз борды думиськем ляльчиос вал;4нош дыр вуиз но, Инмар Аслэсьтыз (Одӥг гинэ Вордскем) Пизэ ыстӥз, Со Нылкышнолэсь вордскиз, Со законлы тэрытскиз,5закон улын улӥсьёсты мозмытыны но асьмеды Аслыз нылпи карон понна Инмар Аслэсьтыз Пизэ ыстӥз.6Нош тӥ Солэн нылпиосыз бере, Инмар тӥляд сюлмады «Авва, Атай!» шуыса вазиськись Пиезлэсь Духсэ ыстӥз.7Соин ик тон – пи, ляльчи ӧвӧл ни; нош пи ке тон, соку Иисус Христос пыр Инмарлэн люкет басьтӥсез луиськод.

8Азьвыл, зэм Инмарез тодытэк улыкуды, асьтэлэн зэм луисьтэм инмаръёстылэн тӥ ляльчиосыз вал.9Нош али зэм Инмарез тодыса вылысь – тӥледыз Ачиз Инмар тодӥз ни бере, малы тӥ нош ик со кужымтэм, пайдатэм законъёс борды берытскиськоды но асьтэдыз соослы эшшо но ляльчи-медо карыны тыршиськоды на?10Нимысьтыз нуналъёсты, толэзьёсты, арлэсь дыръёссэ, аръёсты сӥлы карыса улыны кутскиды.11Тӥ понна кышкасько. Юнме гинэ медаз луы вал тӥ дорын тыршеме.

12Агай-вынъёсы, тӥледыз курисько: мон кадь ик луэлэ, мон но тӥ кадь ик кариськи уго. Тӥ монэ номырин но вӧсь ӧд каре.13Тӥ тодӥськоды, кызьы мон, нырысьсэ тӥ дорын Ӟеч Ивор тодытыкум, висисько вал.14Мынам висёнэ шоры учкыса, тӥ мон дорысь ӧд палэнске, ӧд юрдэ. Монэ Инмарлэсь Кылчинзэ кадь, Иисус Христосэз кадь, кабыл басьтӥды.15Кыӵе тӥ соку шудоесь вал! Кытчы со пыриз? Тӥ сярысь верасько: озьы карыны луысал ке, соку тӥ асьтэлэсь синдэс ишкалтысалды но мыным сётысалды.16Тӥледлы зэмлыкез вераме понна-а мон тӥляд тушмонды луи?17Моисей законъя улыны курисьёс тӥледлы ӟеч карон сярысь уг сюлмасько. Соос тыршо тӥледыз асьсэ пала карыны, нош монэ тӥ бордысь палэнтыны.18Ӟечез сярысь сюлмаськыны котьку но умой, мон тӥ дорын луыку гинэ со медаз луы.19Пиналъёсы! Тӥляд улонды бордысь Христос адӟиськытозь, мон нош ик тӥ понна нуны вайись анайлэн курадӟонэныз курадӟисько.20Мынам табере, тӥ доры сюрыса, мукет сямен вераськеме потэ, уго мон тӥ пумысен мар вераны ик паймемын.

21Тӥ, закон улын улэмды потӥсьёс, вералэ мыным: тӥ уд кылӥське шат, мар вера Моисей закон?22Гожтэмын уго: «Авраамлэн кык пиез вал. Одӥгез ляльчилэсь, нош мукетыз ляльчи луисьтэм кышномуртлэсь вордскемын вал».23Ляльчилэсь вордскемез вань нылпиос кадь огшоры вордскиз; нош ляльчи луисьтэм кышномуртлэсь вордскемез Инмар сӥзёнлэн эрикезъя вордскиз.24Та котыръяса веран луэ. Та кык сӥзёнъёс: одӥгез Сӥнай гурезьысь потэ, солэсь ляльчиос вордӥсько, та сӥзён возьматэ Агарез.25Уго Агарь – со Аравияысь Сӥнай гурезь, со туала Иерусалимез возьматэ, малы ке шуоно Иерусалим но, солэн нылпиосыз но ляльчи радын уло.26Нош Инмысез Иерусалим эрико: со – ваньмылы асьмелы анай луэ.27Гожтэмын уго:

«Шулдыръяськы, ноку но нылпи вайисьтэм,
нылпи ваёнэз тодӥсьтэм!
Шумпотыса черектӥськы нылпи ваёнэн курадӟымтэ!
Уго куштэм кышномуртлэн, кузпалэн улӥсь кышномуртлэн сярысь,
нылпиез эшшо но тросгес луоз».

28Агай-вынъёсы, асьмеос Исаак кадь ик сӥзиськонлэн нылпиосыз луиськомы.29Кызьы соку вань адямиос кадь огшоры вордскем мурт Духлэн эрикезъя вордскемез улляса возиз, озьы ик али но луэ.30Мар бен вера та пумысен Священной Гожтэм? «Ляльчи кышномуртэз, солэсь пизэ но улля, ляльчи кышномуртлэн пиез эрико кышнолэн пиеныз ӵош люкет уз басьты ук».31Соин ик, агай-вынъёсы, асьмеос ляльчи кышнолэн ӧвӧл, эрико кышнолэн нылпиосыз луиськомы.


*а 4:22 одӥгез – Авраамлэн Измаил пиез; Измаил вордскиз Авраам дорын ляльчиын улэм Агарь нимо Египетысь потэм кышномуртлэсь;

*б 4:22 мукетыз – Авраамлэн Исаак пиез; Исаак вордскиз Авраамлэн зэмос кышноезлэсь – Сарралэсь


предыдущая глава Глава 4 следующая глава