Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

ПАВЕЛ АПОСТОЛЛЭН ГАЛАТИЯЫН УЛӤСЬЁСЛЫ ЫСТЭМ ГОЖТЭТЭЗ

Глава 1

1-тӥ ЛЮКЕТ

1Мон – Павел апостол, монэ адямиос ӧз быръе, адямиос пыр но мон апостолэ быръемын ӧй вал, мон луисько Иисус Христосэн но Сое кулэмысь улӟытӥсь Инмар Атаен быръем мурт,2мон ачим, нош озьы ик монэн ӵош улӥсь вань агай-вынъёс Галатия шаерысь черкъёслы салам вераськомы.3Инмар Атайлэсь но Кузё-Инмармылэсь Иисус Христослэсь тӥледлы дэлето но каньыллыко улон сӥзиськомы.4Туала кескич вапумлэсь асьмеды мозмытыны малпаса, сьӧлыкъёсмылы луыса, Инмарлэн, Атаймылэн эрикезъя Иисус Христос Ассэ Ачиз курбон карыса сётӥз.5Пумтэм вапумъёсы Со дано мед луоз. Аминь.

6Паймисько, кызьы тӥ Христослэн дэлетэныз тӥледыз Ӧтись бордысь сокем ӝог мукетсэ ”ӟеч иворез” тодытонэ кожиськоды.7Шонерзэ ке верано, со мукет Ӟеч Ивор ӧвӧл. Вань тӥледыз сурась-пожась адямиос, Христослэсь Ӟеч Иворзэ мыдланьтыны тыршисьёс.8Ми яке Инмысь вуэм Кылчин тӥледлы тодытэм Ӟеч Иворез мыдланьтыса мукетсэ ”ӟеч иворез” тодытыны кутскиз ке, соку со каргамын мед луоз.9Кызьы ми азьвыл верамы ни, али эшшо верасько на: кин ке тӥледын кабыл басьтэм Ӟеч Иворез мыдланьтыса мукетсэ ”ӟеч иворез” тодытӥз ке, соку со каргамын мед луоз.

10Адямиослэсь-а яке Инмарлэсь-а данъянзэс мон утчасько? Адямиослы-а яраны тыршисько? Та дырозь мон адямиослы кельшыны-яраны турттыса улысал ке, соку мон Христослэн ляльчиез ӧй луысал.

11Агай-вынъёсы, тӥледлы ивортӥсько: мынам тодытоно Ӟеч Иворе адямиослэсь ӧвӧл;12уго мон сое адямиос киысь ӧй басьты, адямиослэсь ӧй дышетскы. Ачиз Иисус Христос сое мыным усьтӥз.

13Тӥ кылӥды иудей сямъёсъя мынам азьвыл улэме сярысь но кызьы мон Инмарлэн Черкез вылэ туж зол урдскылӥ, тырши соосты выжытэм быдтыны.14Атайёсмылэсь пельысь пеле вуэм веранзэс туж тыршыса быдэсъяй. Иудей сямъёсъя улонын ас выжыысьтым тросэзлы ёзъёсылы мон адӟем карымон вал.15Нош Инмар монэ вордскемелэсь азьвыл ик бырйиз, Аслаз гажась-жалясь луэменыз Со монэ Аслыз ужаны-тыршыны ӧтиз.16Ӟеч мылкыдзэ сётыса, Аслэсьтыз Пизэ со мыным усьтӥз, вань калыкъёслы мон Со сярысь Ӟеч Ивор мед тодытом шуыса. Со дыре мон нокыӵе но адямиосын кенешыны ӧй ветлы,17Иерусалиме но мынэсьтым азьлогес луэм апостолъёс доры ӧй мыны, мынӥ Аравияе, собере отысен нош ик Дамаске берытски.

18Собере, куинь ар ортчыса, Иерусалиме Петрен тодматскыны ветлӥ, со дорын ог дас вить нунал улӥ.19Мукетъёссэ апостолъёсты ӧй адӟы, Кузё-Инмарлэсь братсэ Иаковез гинэ адӟи.20Мар тӥледлы гожтӥсько, зэмзэ гожтӥсько, уг ӧрекчаськиськы: Инмар азьын верасько.21Собере мон кошки Сирия, Киликия шаеръёсы.22Иудеяысь черкъёслэн монэ адӟылэмзы ӧй вал,23кылэмзы гинэ вал, кызьы мон куке но соосты ёртыса-ӝикатыса вози. Нош табере тодытӥсько со осконэз, кудзэ азьвыл быдтыны вырисько вал.24Мон понна соос Инмарлы тау каризы.


предыдущая глава Глава 1 следующая глава