Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

ПАВЕЛ АПОСТОЛЛЭН КОРИНФ КАРЫН УЛӤСЬЁСЛЫ ЫСТЭМ КЫКЕТӤ ГОЖТЭТЭЗ

Глава 13

13-тӥ ЛЮКЕТ

1Куинетӥ ползэ тӥ доры лыктӥсько ни. Кык яке куинь адӟисьёслэн огкадь верам кылзы гинэ оскиськымон луэ.2Мон тӥледлы верай ини, но эшшо верасько на, – кыкетӥ ползэ тӥ дорын улыкум кадь, нош али тӥледлы палэнын улон дыръям гожъясько, – уката ик азьвыл сьӧлыкаса улэмъёс понна, соосын ӵош мукетъёсызлы но: куинетӥ ползэ лыктӥ ке, огдэс но уг ни жаля.3Мынам ымыным Христос вераське шуыса, тӥ монэ возьматыны куриськоды, Со тӥ понна кужымтэм ӧвӧл, тӥ пӧлын Со Аслэсьтыз кужымзэ возьматэ.4Кужымтэм дыръяз Со кортӵогамын ке но вал, но Инмарлэн кужыменыз Со улэп. Ми но Со бордын лябесь ке но, но Соин валче, тӥ понна, Инмарлэн кужыменыз улэп луомы.

5Асьтэдыз асьтэос чаклалэ-эскере: осконэн-а тӥ улӥськоды? Асьтэдыз асьтэос эскере. Яке тӥ уд тодӥське-а, Иисус Христос тӥ пушкын улэ шуыса? Озьы ке ӧвӧл, соку тӥ со эскерон-чакланэз ортчыны уд чидалэ.6Нош ми сярысь ке верано, малпасько, тӥ тододы, ми сыӵеесь, кыӵеесь луыны кулэ.7Тӥ нокыӵе но урод ужъёс медад лэсьтэ шуыса, Инмарлы вӧсяськиськомы; со асьмеды кыӵеесь луыны кулэмес возьматон понна ӧвӧл, тӥ ӟеч уж мед лэсьтоды шуыса вӧсяськиськомы, ми кыӵеесь луыны кулэ, сыӵеесь ум ке но адӟиськиське тӥляд син азяды.8Зэмлыклы пумит мыныны милям кужыммы ӧвӧл, но зэмлык понна ми кужмоесь.9Ми шумпотӥськомы, ми кужымтэмесь луыку, тӥ кужмоесь луиськоды ке. Тӥляд дун-шектэм луонды понна ми вӧсяськиськомы.10Со понна ик мон та гожтэтме тӥ дорын улымтэ дыръям гожъясько: тӥ доры вуэм берам кужымен юн сямо луэмме возьматоно медам луы шуыса. Со кужымез мыным Кузё-Инмар куашкатон понна ӧз, лэсьтон-кылдытон понна сётӥз.

11Агай-вынъёсы, шумпотэлэ! Дун-шектэм луыны тырше, огмылкыдын, тупаса улӥсесь луэлэ, соку яратыса, тупаса улонлэн Инмарез тӥледын валче улоз.12Святой чупанэн огдэс огды ӟечкылалэ. Ваньмыз вӧсяськисьёс тӥледлы салам верало.

13Кузё-Инмарлэн Иисус Христослэн дэлетэз, Инмар Атайлэн яратонэз, Святой Духлэн герӟась улонэз тӥ пушкын мед улоз. Аминь.


предыдущая глава Глава 13 следующая глава