Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

ПАВЕЛ АПОСТОЛЛЭН КОРИНФ КАРЫН УЛӤСЬЁСЛЫ ЫСТЭМ КЫКЕТӤ ГОЖТЭТЭЗ

Глава 10

10-тӥ ЛЮКЕТ

1Мон, Павел, Христос кадь лякыт, гажась-жалясь сюлэмо луэме потыса, тӥледлы вазиськисько. Мон – со, кин тӥ пӧлын дыръям зӥбыт-востэм улӥсь, нош палэнын дыръям – кышкасьтэм луись, – озьы мон сярысь верало.2Тӥледыз курисько: дорады лыктэм берам юн кышкасьтэм луонме возьматон дырозь эн вуттэ вал монэ, уго мон сыӵе сямме возьмато ми сярысь лулмугормылэн куронъёсызъя ми улӥськомы шуыса малпасьёслы.3Ми та дуннеын ик улӥськомы ке но, нош та дуннелэн амалъёсыныз ум ожмаськиське.4Милям ожмаськон тӥрлыкмы та дуннелэсь ӧвӧл уго: Инмарлэн сётэм кужыменыз юнматэм изкаръёсты ми куашкатӥськомы, кескич малпанъёсты таркаськомы,5Инмарез тодонлы пумит султэм котькыӵе вылтӥяськонэз, котькыӵе малпанэз Христослы тэрытскись карон понна киуламы кутӥськомы.6Христослы тӥляд тэрытсконды йыг-йыг луиз ке, соку ми дась котькыӵе кылзӥськытэк улонэз шымыртыны.

7Мар син азяды, со шоры учке. Христослэн муртэз луисько шуыса, кин аслыз ачиз оске, со ас понназ мед малпаськоз, ми но со кадь ик Христослэн адямиосыз луиськомы шуыса.8Куашкатон понна ӧвӧл, кылдытон-лэсьтон понна Кузё-Инмарлэн сётэм кужыменыз эшшо но золгес мон ушъяськыны кутскысал ке, соку но мон возьытэ ӧй усьысал.9Медаз малпалэ, мон тӥледыз гожтэтъёсын кышкатъясько шуыса.10Кинъёс но соос шуо: «Гожтэтъёсызъя со юн, кужмо луэ шуыса шӧдоно, нош ачиз татын луыку – жаль шораз учкыны, кылыз но огшоры гинэ», –11кин тазьы малпа, со мед тодоз: кыӵеесь ми гожтэтъёсамы тӥ дорын луымтэ дыръямы, сыӵеесь ик уж вылын тӥ дорын луон дыръямы.

12Ми уго ум дӥсьтӥське асьмемыз сыӵе муртъёсын артэ пуктыны яке ӵошатыны, кинъёс асьсэзыз асьсэос вылӥе пукто. Асьсэзыз ас мертэтэнызы мертаса, асьсэзыз асэнызы ӵошатыса – озьы соос асьсэлэсь визьмо луэмзэс уг возьмато.13Ми дурыстэм ум ушъяськиське. Ужан-тыршон понна милемлы Инмар инты сётӥз. Тӥляд но улон интыды со пушкы пыре.14Соин ик Христос сярысь Ӟеч Иворез тӥ доры вайимы, но со висъям интылэн межа сьӧраз ми ӧм потэ.15Мукет муртъёслэн ужъёсынызы ми ортчыт ум ушъяськиське, но оскиськиськомы, тӥляд осконды пумен юнмамъя тӥ пӧлын, Инмарлы ужаны висъям интыын милям ужъёсмы эшшо но паськыталозы.16Соку ми тӥляд улоно музъемъёсты сьӧрын но Евангелиез тодытыны быгатомы. Нош мукет шаеръёсын мукетъёслэн быдэстэм ужъёсынызы милемлы ушъяськыны кулэез ӧвӧл.

17Ушъяськись мурт Инмарен мед ушъяськоз.18Ярамон ӧвӧл со, кин ассэ ачиз ушъя. Ярамон со, кинэ Кузё-Инмар ушъя.


предыдущая глава Глава 10 следующая глава