Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

ПАВЕЛ АПОСТОЛЛЭН КОРИНФ КАРЫН УЛӤСЬЁСЛЫ ЫСТЭМ КЫКЕТӤ ГОЖТЭТЭЗ

Глава 9

9-тӥ ЛЮКЕТ

1Вӧсяськись калыклы юрттӥськыса ужамды сярысь мултэс луоз мыным тӥледлы гожъяны.2Мон тодӥсько уго тӥлесьтыд тыршемдэс, Македонияысь калык азьын тӥледыз ушъяса верай: «Ахаияысь вӧсяськисьёс кылем арысен ик та ужлы дасесь вал ини». Тӥляд тыршемды тросэзлэсь мылкыдзэс ӝутӥз.3Мон тӥ доры агай-вынъёсты ыстӥсько, – мынам тӥледыз ушъяме юнме медаз луы. Кызьы мон верай ни, юрттэт люканлы тӥ дась луыны кулэ.4Куке монэн ӵош Македонияысь адямиос лыктозы но адӟозы тӥ дасесь ӧвӧл шуыса, соку ми возьытэ усёмы, тӥ сярысь уг ни вераськы, уго ми тӥледыз ушъяса вераллямы.5Соин ик агай-вынъёсты мон куроно кариськи, тӥ доры мынам азьпалам мед мынозы но азьвыл ик мед сюлмаськозы, сӥзьыса люкам саламды ӟеч уж кадь дасямын мед луоз, кыскам-талам кадь медаз луы шуыса.

6Тани мар верало на: кин кидыссэ жаляса начар кизе, со начар аралоз но; нош кин кидыссэ жалятэк бусьтыр кизе, со бусьтыр аралоз но.7Котькин но сюлмыз косэмъя мед сётоз, ӝоже усьыса медаз, кужмысь карыса но сётоно медаз луы, уго ӟеч мылкыдын сётӥсез Инмар яратэ.8Инмар тӥледыз котькыӵе дэлетэн узырмытыны быгатэ: котьку но, котьмаин но кӧтты тыр мед луоз, котькыӵе но ӟеч ужлы узыресь мед луоды,9кызьы гожтэмын:

«Со кураськисьёслы сётъяз;
солэн шонерлыкез пумтэм вапумъёс улэ».

10Кизисьлы кидыс сётӥсь, сиыны нянь сётӥсь, Со ик тӥледлы кизьыны трос кидыс сётоз, шонер улондылэсь емышъёссэ йылэтоз.11Тӥ котьмалы но узыр луыса, ӟеч ужъёс лэсьтыны мед быгатоды, нош со ужъёсмы понна тросэз Инмарлы тау карозы,12малы ке шуоно тӥляд та быдэстоно ужды вӧсяськисьёслэсь ӟудыса улонзэс тыр гинэ карем ӧвӧл, со ужды понна Инмар доры пумтэм трос тау карон кылъёс вуозы;13уго таӵе ужан-тыршонэз адӟыса, юрттэт басьтӥсьёс Инмарлы тау каро, Христослэн Ӟеч Иворезлэсь куронъёссэ санэ поныса улэмды понна, соосын ваньмыныз лякыт сюлмын кусып воземды понна;14соос тӥ понна вӧсясько но сюлмынызы тӥ пала кыстӥсько, уго тӥ бордын Инмарлэн туж бадӟым дэлетэз пачылмыса улэ.15Инмарлы тау Солэн вераны луонтэм бадӟым ӟечлыкез понна!


предыдущая глава Глава 9 следующая глава