Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

ПАВЕЛ АПОСТОЛЛЭН КОРИНФ КАРЫН УЛӤСЬЁСЛЫ ЫСТЭМ КЫКЕТӤ ГОЖТЭТЭЗ

Глава 2

2-тӥ ЛЮКЕТ

1Ас поннам ачим малпай: нош ик ӝоже уськытон вайыса, азьланяз тӥ доры лыктоно ӧвӧл ни.2Уго, мон тӥледыз ӝоже уськытӥсько ке, соку кин монэ шумпоттоз, со ик уз-а, кинэ мон ӝоже уськытӥ?3Та сярысь мон тӥледлы соин гожъяй: лыктэм берам монэ ӝоже медаз уськытэ соос, кинъёс монэ шумпоттыны кулэ вал. Мон уго оскисько, мынам шумпотонэ тӥ понна но шумпотон луэ шуыса.4Туж бадӟым куректон-кайгуэн, сюлэм бӧрдонэн, трос синву кисьтыса, мон тӥледлы гожъяй, но со тӥледыз ӝоже уськытон понна ӧвӧл, сое мон яратэмме-гажамме тӥ мед тододы шуыса гожъяй, уго тӥледыз яратонэ-гажанэ пачылмыса улэ.

5Кин ке но монэ ӝоже уськытӥз ик ке, со монэ ӝоже ӧз уськыты, тӥледыз ваньдэс со ӧжытак ке но ӝожомытӥз.6Та адями понна тырмыт ини трос муртъёслэн сое вӧсь каронзы.7Соин ик, укыр бадӟым куректонэн ёртэмын медаз луы шуыса, тӥледлы умойгес луоз солэсь сьӧлыксэ куштыны но сое буйгатыны.8Со понна ик тӥледыз курисько: солы асьтэлэсь яратондэс возьматэ!9Со понна но мон гожтӥ уго: котьма ласянь но тӥлесьтыд кылзӥськисесь луэмдэс эскерон-чаклан понна.10Кинлэсь тӥ сьӧлыксэ куштӥды, солэсь мон но кушто. Кинлэсь ке но сьӧлыксэ мон куштӥ, вань ке со, – Христос азьын тӥ понна сое мон куштӥ.11Шайтан асьмеды вормыса медаз улы, уго солэсь кескич малпанъёссэ-ужъёссэ тодытэк асьмеос ум улӥське.

12Христос сярысь Ӟеч Ивор тодытыны мон Троадае лыктӥ. Соку азьысьтым ӧсме Кузё-Инмар усьтыса дасям вал ни.13Мынам духе буйганы ӧз быгаты, уго отысь мон Тит братме ӧй шедьты. Соин ик мон соосын люкиськи но Македонияе кошки.

14Инмарлы тау, Со котьку но милемды Христос бордын бадӟым данэн азьлане валтэ но Христос сярысь тодонлэсь ческыт зынзэ котькыӵе интые ми пыр вӧлмытэ.15Уго ми Христослэн Инмар доры ӝутскем ческыт зыныз луиськомы, – кызьы ке утиськонэ, озьы ик быронэ мынӥсьёс понна:16одӥгъёсыз понна асьмеос кулон сётӥсь кулон зын луиськомы, нош мукетъёсызлы – улон сётӥсь улон зын. Кин таӵе ужез ӝутыны вормоз?17Ми уго Инмар кылэн ум вузкариське, кызьы тросэз пайда утчаса лэсьто. Ӧрекчаськытэк, чылкыт сюлмынымы Инмар бордысь потэм кылэз Инмар азьын Христосэн ӵош тодытӥськомы.


предыдущая глава Глава 2 следующая глава