Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

ПАВЕЛ АПОСТОЛЛЭН КОРИНФ КАРЫН УЛӤСЬЁСЛЫ ЫСТЭМ НЫРЫСЕТӤ ГОЖТЭТЭЗ

Глава 16

16-тӥ ЛЮКЕТ

1Нош вӧсяськись калык понна люкам мамаляез озьы каре, кызьы мон Галат музъемысь черкъёслы тупатӥ:2мон лыктэм бере коньдон люканъёс медаз ни луэ шуыса, арнялэн нырысетӥ нуналаз тӥ котькудды уждундылэсь оглюкетсэ нимаз понэ.3Нош лыктӥ ке, тӥляд быръем муртъёстылы гожтэтъёс сёто но кузьымдэс Иерусалиме нуыны ысто.4Мыным но мыныны кылдэм ке, соос монэн ӵош мынозы.

5Македонияез быдэссэ ортчем берам тӥ доры лыкто; мон али Македонияетӥ ветлӥсько.6Тӥ дорын, оло нош ӧжытак уло ай. Оло нош толме но пото. Кытчы ке мынӥ, тӥ мыным юрттоды шуыса малпасько.7Мынам уго тӥледын дыртыса гинэ адӟиськеме уг поты. Малпасько, Кузё-Инмар эриксэ сётӥз ке, тӥ дорын огшап улыны.8Нош Ефесын мон Витьтонэтӥ Нунал праздникозь уло.9Отын бадӟым уж нуыны мон понна паськыт ӧс усьтэмын, но тушмонъёс трос.

10Тӥ доры Тимофей лыктӥз ке, учкелэ, тӥ дорын со кошкытэк улоно мед луоз. Со уго мон кадь ик Кузё-Инмарлы ужа-тырше.11Соин ик сое нокин но медаз ултӥя. Каньыллык сӥзьыса, тӥ сое мон доры келялэ. Агай-вынъёсын ӵош солэсь бертэмзэ возьмасько.12Аполлос брат сярысь ке верано, мон сое туж кури вал, агай-вынъёсын ӵош со тӥ доры мед мыноз вал шуыса, нош али солэн нокызьы но мынэмез ӧз поты. Кельшымон дыр шедьтӥз ке, соку лыктоз.

13Сэзь улэ, осконын юн сылэ, кышкасьтэмесь, кужмоесь луэ.14Ваньзэ, котьмае яратыса лэсьтэ.

15Агай-вынъёсы, тӥледыз курисько: тӥ тодӥськоды Стефанлэсь выжы-кумыоссэ, Ахаияын Христос пала соос нырысь ик берытскизы но вӧсяськись калыклы юрттӥськыса улыны кутскизы.16Тӥ но таӵе адямиослы юрттӥськыса ужалэ, соослы тэрытскыса улэ.17Стефанлэн, Фортунатлэн, Ахаиклэн татчы вуэмзылы мон шумпотӥсько: тӥ ӧвӧлтэм дыръя тӥ интые соос мыным ужазы-тыршизы.18Соос мынэсьтым но, тӥлесьтыд но духмес лӧпкытӥзы. Таӵе муртъёсты гажаны кулэ.

19Асиысь черкъёс тӥледлы салам верало. Акила но Прискилла, нош озьы ик соослэн гуртазы люкаськись черк калык тӥледлы христиан салам верало.20Вань агай-вынъёс тӥледыз ӟечкылало. Святой чупанэн огдэс огды ӟечкылалэ.

21Таиз мынам, Павеллэн, ас киыным гожтэм ӟечкыланэ:22кин Кузё-Инмарез Иисус Христосэз уг яраты – солы анафема мед луоз; маранафа.

23Кузё-Инмармылэн Иисус Христослэн гажан-жалянэз тӥ бордын мед улоз.24Тӥледын, Иисус Христос бордын вань улӥсьёсын, мынам яратонэ улоз. Аминь.


*а 16:1 мамаля – ӟеч уж лэсьтон понна калыклэн ас мылкыд каремезъя люкам, сётэм коньдонэз

*б 16:22 анафема – люкемын-куштэмын мед луоз;

*в 16:22 маранафа – арамей кылын «Кузё-Инмармы, лыкты!» шуэм луэ


предыдущая глава Глава 16 следующая глава