Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

ПАВЕЛ АПОСТОЛЛЭН КОРИНФ КАРЫН УЛӤСЬЁСЛЫ ЫСТЭМ НЫРЫСЕТӤ ГОЖТЭТЭЗ

Глава 13

13-тӥ ЛЮКЕТ

1Шуом, мон адями кылъёсын, кылчин кылъёсын, пе, быгатӥсько вераськыны, нош яратонэ ӧвӧл ке, соку мон шальтыртӥсь пу гырлы, дыбыртӥсь коскам крезь луисько.2Инмарлэсь кылзэ ивортыны быгатонлыке, пе, вань, вань ватӥськыса улӥсь зэмлыкъёсты тодӥсько, пе, котьмае но тодонэ, мур осконэ вань, гурезьёсты но интыысьтызы воштыны, пе, быгатӥсько, нош яратонэ ӧвӧл ке, соку мон ваньлэсь ӧвӧлтэм маке гинэ луисько.3Аслэсьтым вань байлыкме-узырлыкме, пе, люкылӥ, оскон понна аслэсьтым мугорме но сутыны, пе, сётӥ, нош яратонэ ӧвӧл ке, татысь мон нокыӵе но пайда уг басьты.

4Яратон кема чида, гажа-жаля; яратон уг вожъяськы; яратон ассэ вылӥе уг пукты, уг вылтӥяськы,5яратон уг кереты, уг даллашы; аслыз пайда уг утча; уг керӟегъяськы, уродэз-лекез сюлмаз уг возьы.6Со ӧрекчаськонлы шум уг поты, нош зэмлыклы шумпотэ;7яратон ваньмызлы дурбасьтэ, юн оске, чылкыт сюлмын оскиське, ваньзэ чида.

8Инмарлэсь кылзэ ивортонъёс ке но быризы, кылъёс ке но дугдӥзы, тодон-валан но ышысал ке, – яратон ноку но уз быры.9Уго милям тодонъёсмы тырмыт ӧвӧл, Инмарлэсь кылзэ ивортыны быгатонлыкмы но пичи гинэ.10Нош куке дун-шектэм улон вуиз ке, соку вань шеко, тырттэм луисез ышоз-быроз.11Куке мон пичи на вал, пичи мурт кадь вераськылӥ, пичи мурт кадь малпаськылӥ, пичи мурт кадь верасько-малпасько вал; нош куке воргорон луи, соку мар вал пичи муртлэн кадез, солэсь куштӥськи.12Та дуннеын ваньзэ пеймыт пияла пыртӥ, уй вӧтын кадь адӟиськомы, нош вуоно улонын ваче ымныр адӟиськомы. Али мынам тодон-валанэ пичи гинэ, нош вуонояз улонын со пачыл луоз, озьы, кызьы мон сярысь Кузё-Инмар тодэ.13Нош али уло та куиньёс: оскон, оскиськон, яратон; но яратон соос пӧлысь ваньмызлэсь вылӥынгес.


предыдущая глава Глава 13 следующая глава