Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

ПАВЕЛ АПОСТОЛЛЭН КОРИНФ КАРЫН УЛӤСЬЁСЛЫ ЫСТЭМ НЫРЫСЕТӤ ГОЖТЭТЭЗ

Глава 9

9-тӥ ЛЮКЕТ

1Мон эрико адями ӧвӧл-а? Мон апостол ӧвӧл-а? Асьмелэсь Кузё-Инмармес Иисус Христосэз мон ӧй адӟы-а? Кузё-Инмар пыр тӥ мынам быдэстэм уже ӧвӧл-а?2Мукетъёс понна мон апостол ӧвӧл ке, нош тӥ понна мон апостол луисько; тӥляд Кузё-Инмар бордын улонды мынэсьтым апостол луонме юнматэ.

3Монэ судить карисьёслы пумит та мынам ответэ.4Сиыны но юыны милям правомы ӧвӧл шат?5Христиан осконъя сузэрез эшлы сьӧрамы нуллыны ум быгатӥське шат, кызьы нулло мукет апостолъёс, Кузё-Инмарлэн братъёсыз, Петр асьсэлэсь кышнозэс?6Мон но Варнава гинэ ужаса кӧтмес тырыны кулэ-а?7Кыӵе солдат ачиз дун тырыса служить каре? Кин виноградпуд мерттоз но солэсь емышсэ сиыны уз дӥсьты? Кин пудо возьмасьлы йӧл сиыны уз лэзьы?8Адями визьмын гинэ мон тае уг вераськы, тазьы ик Инмар закон но вера.9Моисей законын гожтэмын ук: «Кутсаськись ошедлэсь ымзэ эн кортна». Ошъёс сярысь-а Инмар сюлмаське?10Асьме понна та верамын ӧвӧл-а? Бен, та асьме понна гожтэмын; уго кин гыре, оскиськонэн мед гыроз, кин кутсаське, басьтоно люкетлы оскиськыса мед кутсаськоз.11Тӥ пушкы ми духлэсьсэ кизимы ке, тӥ дорысь кӧттырон арамы ке, туж-а троссэ тӥлесьтыд куриськомы?12Мукетъёс тӥлесьтыд юрттэт курыны быгато ке, ми уката но быгатӥськомы.

Нош ми номыр но ӧм куре, Христослэсь Ӟеч Иворзэ вӧлмытон понна ми котьмае но дась чиданы.13Тӥ уд тодӥське шат, святой ужез быдэсъясьёс храме ваем сиён-юонэн кӧтсэс тыро шуыса? Курбон тыронын ужасьёс курбон тыронысь люкет басьто шуыса?14Кузё-Инмар но Ӟеч Иворез тодытӥсьёсты тазьы ик Ӟеч Ивор тодытонэн кӧтсэс тырыса улыны косӥз.15Но мон ужаме-тыршеме понна номыр аслым ӧй басьты. Аслым маке но со курон понна тае тӥледлы уг гожтӥськы. Маин мон ушъяськыны быгатӥсько, сое кин ке быдтыны быгатэ ке, мон дась кулыны.16Ӟеч Ивор мон тодытӥсько ке, мыным номырин ушъяськыны, малы ке шуоно мон одно ик сое тодытыны кулэ, Ӟеч Иворез тодытэмысь дугдӥ ке, куректон-кайгу мыным луоз.17Тае мон нокин косытэк лэсьтӥсько ке, со понна мон Инмар дорысь мед-кузьым басьто уго; нош кин ке косэмъя лэсьтӥсько ке, соку мон оскем ужез быдэсъясь гинэ луисько.18Кыӵе мыным мед-кузьым? – Мынам медэ-кузьыме – нокинлэсь уждун басьтытэк, кузьым октытэк, Евангелиез, Христос сярысь Ӟеч Иворез, тодытон.

19Мон эрико адями, нокинэн, номырин герӟаськемын ӧвӧл ке но, троссэ Инмар пала берыктон понна асме ваньмызлы тэрытскись ляльчи кари.20Иудейёсты оскон пала карон понна иудейёс азьын мон иудей луи, закон улын улӥсьёсты оскон пала карон понна закон улын улӥсьёс азьын мон закон улын улӥсь кадь луи,21законэз тодӥсьтэмъёсты оскон пала берыктон понна законэз тодӥсьтэмъёс кадь кариськи, нош ачим Инмар азьын мон законэз тодӥсьтэм кадь ӧй улы, Христослэн законэзлы тэрытскыса улӥ.22Лябъёсты оскон пала карон понна лябъёс азьын лябӟем мурт кадь улӥ. Кӧнязэ ке но утён понна мон ваньмыз азьын ваньмыз кадь ик кариськылӥ.23Нош тае мон Ӟеч Иворез вӧлмытон понна, солэсь дэлетсэ басьтӥсьёс пӧлы пырон понна лэсьтӥсько.

24Уд тодӥське шат, ӵошатскыку ваньмыз бызе, нош одӥгез гинэ мед-кузьым басьтэ шуыса? Бызе ук, тӥ но мед-кузьым мед басьтоды.25Ваньзы сюлмысь тыршисьёс котьмарлэсь но утиськыса возисько: ӵошатскисьёс сисьмоно-быроно венец басьтон понна, нош асьмеос – сисьмисьтэмзэ-бырисьтэмзэ венецез басьтон понна.26Соин ик мон бызисько ке, пумозяз вуон понна бызисько. Нюръяськисько ке, омырез сэзъян понна гинэ киыным уг сэзъяськы.27Мон, мукетъёслы Ӟеч Иворез тодытӥсь, медтэк-кузьымтэк медам кыльы вал шуыса, ас мугорме курадӟытыса зӥбломытӥсько, тэрытскись-кылзӥськись карисько.


предыдущая глава Глава 9 следующая глава