Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

ПАВЕЛ АПОСТОЛЛЭН КОРИНФ КАРЫН УЛӤСЬЁСЛЫ ЫСТЭМ НЫРЫСЕТӤ ГОЖТЭТЭЗ

Глава 5

5-тӥ ЛЮКЕТ

1Тӥ пӧлын азыса-калгыса улон потэм шуыса кылӥськиз – сыӵе азыса-калгыса улон, кыӵезэ язычникъёс пӧлысь но уд кылы: кин ке но ас атаезлэн кышноеныз азыса-сьӧлыкаса, пе, улэ.2Со понна куректыны кулэ, нош тӥ вылтӥяськыны ӧдъяды. Таӵе ужез лэсьтӥсь тӥ пӧлысь уллямын мед луоз.3Мугорыным тӥ пӧлын ӧвӧл ке но, нош духеным мон тӥ пӧлын. Тӥ пӧлын улӥсь мурт кадь таӵе уж лэсьтӥсен тазьы карыны малпай:4асьтэлэн кенешады Кузё-Инмармылэн Иисус Христослэн нимыз понна люкаськиды ке, мынам духе тӥ пӧлын луиз ке, соку Кузё-Инмармылэн Иисус Христослэн кужыменыз5та адямилэсь мугорзэ шайтанлы пыргытыны сётэ, Кузё-Инмармылэн Иисус Христослэн лыктон нуналаз солэн духез утемын мед луоз шуыса.6Тӥледлы номырин ушъяськыны. Уд тодӥське шат, пичи гинэ шӧм быдэс шумес нянез чырсатэ шуыса?7Озьыен, тӥ выль ныркем нянь мед луоды шуыса, вуж шӧмлэсь чылкытатӥське, – тӥ шӧмтэм, чырсатымтэ нянь. Асьмелэн Пасха Ыжпимы, Христос, асьме понна курбон сётэмын.8Соин ик ваелэ Пасхаез пумиталоме, но вуж шӧмен ум, урод, кескич улонлэн шӧменыз но ум, ваелэ юмал нянен пумиталоме – чылкытлыко, зэмлыко улонэн.

9Ыстэм гожтэтам мон тӥледлы гожъяй: азыса-калгыса улӥсьёсын кусып эн возе;10та дуннеысь вань азыса-калгыса улӥсьёсын, узырлык капыръясьёсын, адями таласьёсын, сульдэръёслы-идолъёслы йыбыртъясьёсын уг шуиськы, – соку тӥледлы та дуннеысь кошкыны кулэ луысал.11Мон тӥледлы гожъяй: кусып эн возе соин, кин агай-вын шуыса нимаське, нош ачиз азыса-калгыса улонлэсь, узырлык капыръянлэсь, сульдэръёслы-идолъёслы йыбыртъянъёслэсь, лек кылын вераськонлэсь, адями таланлэсь уг куштӥськы. Таӵе муртэн огазьын сиськыны но уг яра.12Мар мыным педлосьсэ, оскымтэосты, судить каронэз? Пушкысьёссэ, черк адямиосты, тӥ судить каре.13Педлосьёссэ Инмар судить кароз. Гожтэмын уго: «Уродэз-лекез пӧлысьтыды уллялэ».


предыдущая глава Глава 5 следующая глава