Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

ПАВЕЛ АПОСТОЛЛЭН КОРИНФ КАРЫН УЛӤСЬЁСЛЫ ЫСТЭМ НЫРЫСЕТӤ ГОЖТЭТЭЗ

Глава 2

2-тӥ ЛЮКЕТ

1Агай-вынъёсы, мон тӥ доры Инмарлэсь тодытонзэ ивортыны лыктыкум, мынам вераськонэ чебер кыло, мудроно ӧй вал.2Кортӵогам Иисус Христосэз сяна, номыре но тодытэк улыны малпай тӥ дорын.3Катьтэммыса, кышкаса, туж куалекъяса мон тӥ дорын улӥ.4Чебересь, мудрон кылъёсын вераськыса, тодытыса осконэз ӧй юнматы, Дух татын Аслэсьтыз кужымзэ возьматӥз.5Тӥляд осконды адями визьлыкен ӧвӧл, Инмарлэн кужыменыз мед юнматскоз.

6Визьлыкез быдэ вуэмъёс пӧлын тодытӥськомы, нош со та даурлэн но та даурын кулӥсь-бырись кивалтӥсьёслэн визьлыксы ӧвӧл.7Ми Инмарлэсь та дырозь ватӥськыса, усьтӥськытэк улӥсь бадӟым визьлыксэ тодытӥськомы, кудзэ Инмар вань вапумъёслэсь азьвыл ик асьмелы данлыке пырон понна дасяз.8Инмарлэсь визьлыксэ та даурлэн кивалтӥсьёсыз пӧлысь одӥгез но ӧз тодма; тодмасалзы ке, данлэсь Кузё-Инмарзэ ӧй кортӵогасалзы уго.9Но кызьы гожтэмын:

«Мае син но ӧз адӟы, пель но ӧз кылы,
адямилэн сюлмаз-визьмаз но ӧз пырылы, мае Инмар Сое яратӥсьёслы дасяз».

10Нош милемлы тае Инмар Аслаз Духеныз усьтӥз; уго Дух котьмае но пыдэсозяз эскере, Инмарлэсь ватӥськем мурдалаоссэ но.11Уго адямиос пӧлысь кин тодэ адями пушкын мар вань, адями пушкын улӥсь дух сяна? Озьы ик Инмарлэсьсэ но нокин но уг тоды, Инмарлэн Духез сяна.12Инмарлэсь милемлы вань сётэмзэ тодон понна та дуннелэсь духсэ кабыл ӧм басьтэ, Инмарлэсь Духсэ кабыл басьтӥмы,13адями визьмын дышетэм кылъёсын ум тодытӥське, Святой Дух пыр дышетэм кылъёсын, духовнойзэ духовноен валэктыса-эскерыса тодытӥськомы.14Адями, кудӥз бордын Инмарлэн Духез уг улы, Дух пыр дышетэм кылъёсты кабыл уг басьты, малы ке шуоно тае со осконтэм уж шуыса лыдъя – со валаны но уг быгаты, тае, Духлэн юрттэменыз гинэ, эскерыны-дунъяны луэ уго.15Духовной адями гинэ котьмае шонер эскерыны-дунъяны быгатэ, нош сое нокин но шонер эскерыны-дунъяны уг быгаты.16Уго Кузё-Инмарлэсь визьзэ валаны-тодыны кин быгатэ? Кин быгатэ Сое дышетыны? Нош асьмелы Христослэн визьмыз сётэмын.


предыдущая глава Глава 2 следующая глава