Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

ПАВЕЛ АПОСТОЛЛЭН РИМ КАРЫН УЛӤСЬЁСЛЫ ЫСТЭМ ГОЖТЭТЭЗ

Глава 16

16-тӥ ЛЮКЕТ

1Тӥледыз тодматӥсько Фиваен, асьмелэн сузэренымы, Кенхрей черкысь диакониссаен.2Кузё-Инмарлэн нимыз понна сое бордады кутэ но кызьы кулэ вӧсяськись калыклы, солэн кыӵе ке кулэяськонъёсыз луизы ке, озьы юрттэ солы. Со уго ачиз но тросэзлы юрттӥськыса улӥз, мыным аслым но.

3Монэн ӵош Иисус Христослы ужанын юрттӥськисьёсылы, Прискиллалы но Акилалы, салам вералэ.4Мынам лулы понна соос асьсэлэсь йырзэс ӧжыт гинэ ӧз быдтэ. Мон гинэ ӧвӧл, язычникъёс пӧлысь потэмъёслэн но вань черкъёссы соослы тау каро. Соослэн гуртазы вӧсяськыны люкаськись черк калыклы но салам вералэ.5Мынам гажано эшелы Епенетлы салам вералэ. Ахаияын улӥсьёс пӧлын со нырысь ик Христос пала берытскиз.6Мариамлы салам вералэ, тӥ понна со трос ужаз, трос лэсьтӥз.

7Андроникен Юниялы салам вералэ, мынам ӵыжы-выжыосылы, монэн ӵош жильыетын пукемъёслы. Апостолъёс пӧлын соосты ӟеч тодо. Христос пала мынэсьтым азьлогес соос берытскизы.8Амплийлы салам вералэ, Кузё-Инмар бордысь мынам гажано муртэлы.9Урбанлы салам вералэ, милемын огазьын Христослы ужасьмылы; гажано Стахиелы но салам вералэ.10Апеллеслы салам вералэ, Христос понна оскиськымон луонэз солэн эскеремын ни. Аристовуллэн юртысьтыз оскисьёслы но салам вералэ.11Мынам ӵыжы-выжыелы Иродионлы салам вералэ. Наркисслэн юртысьтыз Кузё-Инмарлы осконэн улӥсьёслы салам вералэ.12Кузё-Инмар понна ужасьёслы Трифенэн Трифослы салам вералэ. Гажано Персидалы салам вералэ, кудӥз Кузё-Инмар понна трос ужаз.13Кузё-Инмарен быръем Руфлы но солэн анаезлы салам вералэ, со мон понна аслам вордэм анае кадь ик дуно.14Асинкритлы, Флегонтлы, Ермлы, Патровлы, Ермийлы но соосын огазьысь мукетъёсызлы но агай-вынъёслы салам вералэ.15Салам вералэ Филологлы но Юлийлы, Нирейлы но солэн сузэрезлы, Олимпанлы, – соосын огазьын улӥсь вань вӧсяськись калыклы.16Святой чупанэн огдэс огды ӟечкылалэ. Христослэн вань черкъёсыз тӥледлы салам верало.

17Агай-вынъёсы, тӥледыз сюлворыса курисько: тӥ кыӵе дышетонлы дышетэмын, солы пумит мыныса люкиськонъёс, визь сынаськонъёс лэсьтӥсьёслэсь чаклаське-утиське, соослэсь палэнске.18Сыӵе адямиос уго Кузё-Инмармылы Иисус Христослы уг ужало, соос асьсэлэн кӧтсылы ужало. Небыт, чебер кылъёсын огшоры муртъёслэсь сюлэмзэс-визьзэс тугало.19Тӥляд кылзӥськись-тэрытскись луэмды ваньмызлы тодмо. Соин ик мон тӥ понна шумпотӥсько, но мылкыд карисько: ӟечлы визьнодоесь, нош урод уж лэсьтыны быгатӥсьтэмесь тӥ мед луоды.20Асьмелы каньыллык сётӥсь Инмар ӝоген шайтанэз тӥляд пыд улады сузмытоз. Кузё-Инмармылэн Иисус Христослэн дэлетэз тӥ бордын мед улоз.

21Монэным ӵош ужасе Тимофей, ӵыжы-выжыосы Луций, Иасон но Сосипатр тӥледлы салам верало.22Кузё-Инмарлэн нимыныз мон но, Тертий, та келянэз гожъясь, тӥледлы салам верасько.23Тӥледлы салам вера Гаий, монэ ас дораз сюдӥсь-вордӥсь, черк калыкез аслаз корказ люкась. Тӥледлы салам верало карлэн казна утисез Ераст но Кварт брат.

24Кузё-Инмармылэн Иисус Христослэн дэлетэз ваньды бордын мед улоз. Аминь.


*а 16:1 диаконисса – христиан черкъёсын юрттӥськыса улӥсь мурт


предыдущая глава Глава 16 следующая глава