Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

ПАВЕЛ АПОСТОЛЛЭН РИМ КАРЫН УЛӤСЬЁСЛЫ ЫСТЭМ ГОЖТЭТЭЗ

Глава 15

15-тӥ ЛЮКЕТ

1Асьмеос, кужмоос, катьтэммемъёслы секытлыксэс нуллыны мед юрттӥськомы. Асьмелы гинэ асьмеос ӟеч лэсьтыны кулэ ӧвӧл:2котькудмы асьмеос матысьмылы ӟеч лэсьтыны кулэ, умойлы, валэктон-дышетонлы.3Уго Христос но Аслыз гинэ ӟеч ӧз лэсьты, но кызьы гожтэмын: «Сантэмасьёслэн Тонэ сантэмамзы Мон вылэ усиз».4Нош ваньмыз, мар азьвыл гожтэмын вал, гожтэмын асьмемыз визьман-дышетон понна. Чидан пыр, Священной Гожтэм пыр мылкыддэс ӝутыса, асьмеос оскиськыса мед уломы шуыса.5Иисус Христослэсь адӟем карыса, куспады огкылысь мед улоды шуыса, Инмар тӥледлы чидан но буйгатскон мед сётоз.6Огсюлмысь, огымысь тӥ мед данъялоды Инмарез, Кузё-Инмармылэсь Иисус Христослэсь Атайзэ.7Инмарлэн данлыкез понна, кызьы тӥледыз Христос кабыл басьтӥз, тӥ но огдэс огды кабыл басьтэ.

8Атайёслы сётӥськем сӥзиськонъёсты быдэстон понна Инмарлэн оскиськымонэз тодмо луон понна, Иисус Христос вандӥськемъёслы служить карись луиз шуыса верасько.9Нош язычникъёслы – гажан-жалян понна, Инмарез мед данъялоды шуыса, кызьы гожтэмын:

«Со понна мон Тонэ, Кузё-Инмаре,
мурт выжыос пӧлын данъяло, Тынэсьтыд нимдэ ушъяса кырӟало».
10Эшшо шуэмын на:
«Вань выжыос,
Инмарлэн калыкеныз ӵош шумпотэ-шулдыръяське».
11Эшшо:
«Язычникъёс, ваньды Кузё-Инмарез ушъялэ!
Вань калыкъёс Сое мед данъялозы».
12Озьы ик Исаия но шуэ:
«Иессейлэн выжыысьтыз пушъет ӝутскоз,
Со язычникъёсын кивалтыны кутскоз;
соос Солы оскиськыса улозы».

13Оскиськонлэн Инмарез тӥледыз котькыӵе но шумпотонэн, осконды пыр каньыллыкен тыр мед кароз, Святой Духлэн кужыменыз тӥлесьтыд оскиськондэс мед узырмытоз.

14Агай-вынъёсы, мон ачим но тӥ пумысен оскисько: тӥляд асьтэлэн но трос ӟечлыкты. Трос тодӥськоды-валаськоды но ог-огдылы визь-нод сётылыны быгатӥськоды.15Агай-вынъёсы, нош мон тӥледлы ӧжытак кышкатэк гожтоно кариськи, пичияк ке но, тӥледлы тодады вайытон понна: Инмарлэн мыным сётэм дэлетэныз,16язычникъёс дорын Иисус Христослэн ужасез но Инмарлэсь Ӟеч Иворзэ тодытыса вӧсяськонъёс ортчытъясь луонэ пумысен. Святой Духен дун-сьӧлыктэм карем, Инмарлы ярамон курбонэз кадь язычникъёсты Солэн кияз сётон понна.17Озьыен, Иисус Христос бордын, Инмар понна лэсьтэм ужъёсыным мон ушъяськыны быгатӥсько.18Мон номыр сыӵезэ-таӵезэ вераны уг дӥсьтӥськы, мае Христос мон пыр язычникъёсты кылын но, ужен но тэрытскись карон понна19паймымон тодметъёслэн но паймымон ужъёслэн кужыменызы, Инмар Духлэн кужыменыз ӧз лэсьты. Озьы, Христослэсь Ӟеч Иворзэ, Иерусалимысен но солэн ёросысеныз кутскыса, Иллирикозь мон вӧлмытӥ.20Ӟеч Иворез тодытыны ӧй тыршы отын, кытын Христослэн нимыз тодмо ни вал, – муртлэн пуктэм инъет вылаз лэсьтӥськыны медам кутскы шуыса,21но кызьы гожтэмын:

«Со сярысь кинлы ивортэмын ӧй вал, адӟозы,
нош кинъёс ӧз кылэ – валалозы».

22Та муг ик мыным трос пол люкетӥз тӥ доры лыктыны.23Али со шаеръёсын мукет ужъёсы ӧвӧл ни, нош тӥ доры лыктыны кемалась мылкыды вань бере, соин ик24Испание мыныны сюрес вылэ потӥ ке, тӥ доры лыкто. Оскисько, татӥ ортчыкум, тӥледын адӟисько но коть ӧжыт ке но, тӥледын вераськыса, кӧтме тырем берам тӥ монэ отчы келялоды шуыса.25Нош али мон Иерусалиме мынӥсько отысь вӧсяськись калыклы юрттӥськон понна.26Македонияысь но Ахаияысь черкъёс Иерусалимысь вӧсяськисьёс пӧлысь куанеръёслы юрттэт сётон понна мар но со бичаны сюлмысь тыршо.27Ярам ойдо, соос азьын соослэн пунэм тыронзы вань: лулэз утён узырлыксэс язычникъёсын шори люкизы бере, язычникъёс но соослы, шугадӟонэ сюрыкузы, юрттӥськыны кулэ.28Та ужез быдэстӥ ке, та бичам арбериосты соос кие сётӥ ке, Испание потыкум, тӥ доры пыраса кошко.29Мон тодӥсько, тӥ доры вуи ке, Христослэн Ӟеч Иворезлэсь бакельлыксэ пачылаз ваё шуыса.

30Агай-вынъёсы, сюлворыса тӥледыз курисько Кузё-Инмармылэн Иисус Христослэн нимыныз, Духлэн сётэм яратонэныз: мон понна, монэн ӵош Инмарлы вӧсяське.31Иудеяын Инмарлы тэрытскытэк улӥсьёс мыным уродзэ медаз лэсьтэ вал, нош Иерусалимысь вӧсяськись калык мынэсьтым ваем юрттэтме кабыл мед басьтысал шуыса вӧсяське.32Инмарлы та ярамон ке, шумпотыса тӥ доры лыкто но тӥледын валче сюлэм шумпотонэн куаныса уло.33Каньыллыклэн Инмарез тӥледын валче мед луоз. Аминь.


предыдущая глава Глава 15 следующая глава