Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

ПАВЕЛ АПОСТОЛЛЭН РИМ КАРЫН УЛӤСЬЁСЛЫ ЫСТЭМ ГОЖТЭТЭЗ

Глава 14

14-тӥ ЛЮКЕТ

1Осконэз ляб муртэ бордады кутэ, но малпанъёсты пумысен соин ченгешыны эн кутске.2Одӥгез лыдъя котьмае но сиыны яра шуыса, нош осконэз ляб мурт емыш гинэ сие.3Сиись мурт сиисьтэм муртэ медаз ултӥя. Сиисьтэм мурт сиись муртэ медаз пыкылы: малы ке шуоно Инмар сое кабыл басьтӥз.

4Кин тон, муртлэсь ляльчизэ судить карыны? Аслаз кузёез азьын со я сылэ, я усе; но султытэмын луоз, малы ке шуоно Инмар киын кужым сое султытыны.5Одӥгез лыдъя, таиз нунал мукет нуналлэсь дуногес луэ шуыса, нош мукетыз лыдъя, котькуд нунал ас сяменыз дуно луэ шуыса. Котькудӥз мед лэсьтоз озьы, кызьы косэ солэн оскиськыны ярамон луись визьмыз.6Кин кудзэ ке нуналэз сӥлы карыса висъя, Кузё-Инмар понна висъя, нош кин нуналъёсты уг висъя, Кузё-Инмар понна уг висъя. Кин сиське, Инмар понна сиське, малы ке шуоно сиемез понна Инмарлы тау каре. Нош кин уг сиськы, Кузё-Инмар понна уг сиськы, – со но Инмарлы тау каре.7Уго нокин но асьме пӧлысь аслыз ачиз понна гинэ уг улы, аслыз ачиз понна но нокин уг кулы.8Улӥськомы-а – Кузё-Инмар понна улӥськомы, кулӥськомы-а – Кузё-Инмар понна кулӥськомы. Соин ик улӥськомы-а яке кулӥськомы-а, – асьмеос Кузё-Инмарлэн.9Кулэмъёсын но, улэпъёсын но кузёяськон понна уго Христос кулӥз, кулэмысь улӟыса султӥз, улэп луиз.10Нош тон малы бен браттэ судить кариськод? Яке малы тон браттэ ултӥяськод? Ведь ваньмы асьмеос Христослэн судаз султомы.11Гожтэмын уго:

«Улӥсько Мон, – шуэ Кузё-Инмар, –
Мон азе котькудӥз адями пыдесъяськыса йыбырттоз,
котькудӥз адями Инмарез данъялоз».

12Озьы, асьме пӧлысь котькудӥз адями ачиз понна Инмар азьын кыл кутоз.

13Ойдолэ, огмес огмы судить ум карелэ. Эсьмаса, тазьы малпаськыса улэ: нокызьы но братэлы канжаськыны яке визь сынаськонэ сюрыны муг-учыр медам сёты вал.14Кузё-Инмар Иисус борды кариськем берам мон тодӥсько, юн оскисько: номыр но ас понназ ачиз кырсь ӧвӧл. Мае ке сое кырсь шуыса лыдъясь адями понна гинэ со кырсь.15Аслад сиёнэныд браттэ куректонэ уськытӥськод ке, соку тон яратонлэн законэзъя уд ни лэсьтӥськы. Аслад сиёнэныд эн быдты сое, кин понна Христос кулӥз.16Басьтэм ӟечлыкты сантэмаськон киулэ медаз сюры.17Инмар Эксэйлык сиён но юон ӧвӧл уго, со – шонерлык, каньыллык, Святой Дух бордын шумпотыса улон.18Кин тазьы Христослы тырше, со Инмарлы ярамон, адямиослы но гажамон.19Озьыен, утчаломе сыӵе улонэз, кудӥз тупаса улонэз вае. Ог-огмес валэктыса-дышетыса уломе.20Сиёнлы луыса Инмарлэсь ужзэ эн сӧры: ваньмыз сиён чылкыт. Урод соиз, – сиёнэныд адямиез сьӧлыке пыртӥськод ке.21Тынад братэд медаз канжаськы яке визь сынаськонэ медаз сюры, яке медаз катьтэммы шуиськод ке, соку, эсьмаса, сӥль сиытэк, вина юытэк, номыр сыӵе-таӵезэ лэсьтытэк улод.22Тынад осконэд вань-а? Инмар азьын, аслад пушкад со мед луоз. Шудо адями, мае со быръе но быръемез понна ассэ ачиз пыкылоно уг ке луы.23Нош паймыса-шонаськыса улӥсь сие ке, судэ сюре, малы ке шуоно со осконъя ӧвӧл. Нош ваньмыз, мар осконъя ӧвӧл, со – сьӧлык.

24Дан Инмарлы, мынам Ӟеч Иворен тодматэменым, Иисус Христос сярысь тодытэме пыр, тӥледыз осконэн юнматыны Быгатӥсьлы. Христослэн Ӟеч Иворез – со пумтэм вапумъёс ӵоже ватӥськыса улэм зэмлык.25Со али дыре усьтӥське пророкъёслэн гожъямъёссы пыр. Пырак дауръёс ӵоже улӥсь Инмарлэн косэмезъя, вань калыкъёслы со али тодмо луиз ни, – ваньзы соос оскись, Инмарлы тэрытскись мед луозы шуыса.26Одӥг гинэ ваньмызлэсь визьмо Инмар, Иисус Христос пыр, пумтэм вапумъёс ӵоже дано мед луоз. Аминь.


предыдущая глава Глава 14 следующая глава