Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

ПАВЕЛ АПОСТОЛЛЭН РИМ КАРЫН УЛӤСЬЁСЛЫ ЫСТЭМ ГОЖТЭТЭЗ

Глава 13

13-тӥ ЛЮКЕТ

1Котькудӥз адями вылӥ властьёслы-кивалтӥсьёслы тэрытскись мед луоз. Уго котькудӥз власть Инмар дорысь потэ, котькудӥз власть Инмарен пуктэмын.2Соин ик, кин властьлы пумитъяське, со Инмарлэн пуктонэзлы-косонэзлы пумитъяське. Пумитъяськисьёс асьсэды судэ сётонлы дасяло.3Уго кивалтӥсьёс ӟеч ужъёс понна кышкытэсь ӧвӧл, урод ужъёс лэсьтэм понна соос кышкытэсь. Властьлэсь кышкатэк улэмед потэ-а? – Ӟеч уж лэсьты. Соку соос тонэ ушъялозы.4Кивалтӥсь – со Инмарлэн медоез уго, соос тыныд ӟеч лэсьтыны тыршыса улэ. Нош урод уж лэсьтӥськод ке, кышка, со юнме шоры палаш уг нуллы уго: со Инмарлэн медоез, урод уж лэсьтӥсьлы вожзэ поттыса пунэмзэ берыктӥсь.5Соин ик вож поттонлэсь кышкаса гинэ ӧвӧл, возьытлыкез тодыса но кивалтӥсьёслы тэрытскыса улыны кулэ.6Со понна ик тӥ выт но тыриськоды: соос Инмарлэн ужасьёсыз, пырак ӵоже та ужен вырисьёс.7Озьыен, кинлы мар сётонды вань, сое сётэ: кинлы тыриськон – тыриськон, кинлы выт – выт; кинлы кышкан – кышкан; кинлы сӥ-дан – сӥ-дан.

8Нокинлы но, номырин но пунэм тыроно луыса эн кыле, – ог-огдэс ваче гажан сяна. Кин матысьсэ яратэ, со Инмар законэз быдэстэ.9Уго ваньмыз та курон-косонъёс: «азон-калгон сьӧлыке эн пыры», «эн виы», «эн лушкаськы», «ӧрекчаськыса ӧвӧлтэмзэ эн вера», «кулэ эн кары» – ваньмыз та курон-косонъёс, кылемъёсыныз ӵош, огкылысь шуо: «Матысьтэ астэ ачид кадь ик яраты».10Яратон матысьлы уродзэ уг лэсьты. Соин ик, яратон – со Инмар законэз быдэсъян.

11Кӧлэмысь султон дырмы-часмы вуиз ини шуыса тодӥськомы: асьмелэн утиськонмы али матэгес луиз, соку гинэ оскыны кутскем дырен ӵошатыса.12Уй ортче но, нунал матэ вуэ. Озьыен, пеймытлыклэсь ужъёссэ палэнтоме но югытлыклэн ожмаськон тӥрлыкеныз шобырскоме.13Ваелэ Инмарлы ярамон уломе озьы, кызьы югыт нуналэ улыны кулэ: юонъёслы-кудӟонъёслы, азыса-калгыса, керетыса, вожъяськыса улонъёслы сётскытэк.14Тӥляд дӥсяськонды-шобырсконды Кузё-Инмармы Иисус Христос мед луоз. Нош лулмугорды сярысь сюлмаськонэз юрӟым кулэ каронъёслы эн пӧрмытэ.


предыдущая глава Глава 13 следующая глава