Выбрать язык
Книги Ветхого Завета
Книги Нового Завета
с русским текстом1Агай-вынъёсы! Вань сюлмыным вӧсяськыса, Инмарлэсь курисько Израилез утьыны.2Мон соос сярысь ивортӥсько: Инмар сярысь сюлмаськон-тыршонзы вань, нош зэмос валанзы ӧвӧл.3Инмарлэсь сётэм шонерлыксэ тодытэк, асьсэлэсь шонерлыксэс пуктыны тыршыса, соос Инмарлэн шонерлыкезлы ӧз тэрытске уго.4Христос – законлэн пумыз луэ, котькудзэ оскись муртэ Со шонере поттэ.
5Закон пыр шонере потон сярысь Моисей гожтэ: «Законэз быдэсъясь адями соин улэп улоз».6Нош оскон пыр шонере потон сярысь Священной Гожтэмын тазьы шуэмын: «Аслад сюлэмад эн шуы: ”Кин Инме тубоз?”», – Христосэз васькытон понна;7«яке: ”Кин дуннелэн пыдэсаз васькоз?”», – Христосэз кулэмысь ӝутон понна.8Нош мар шуэ Гожтэм?
«Инмар кыл тыныд матын, тынад кыл йылад, тынад сюлэмад» – со осконлэн кылыз, сое ми тодытӥськомы.9Кылыныд-ымыныд Иисус – Со Кузё-Инмар шуыса, калыклы ватытэк вералляд ке, Инмар Сое кулэмысь улӟытыса султытӥз шуыса, ас сюлмыныд оскид ке, утиськод.10Уго кин сюлмыныз оске, со шонере потоз, нош кин кылыныз-ымыныз калыклы ватытэк вера, со утиськон басьтоз.11Уго Священной Гожтэм шуэ: «Нокин но Солы оскись мурт возьытэ уз усьы».12Иудей но иудей луисьтэм калыкъёс куспын нокыӵе пӧртэмлыкез ӧвӧл, малы ке шуоно ваньмыз понна – одӥг Кузё-Инмар, Солы вазиськисьёслы Со шырыт сямо луэ.13Уго «котькудӥз Кузё-Инмарлэн нимызлы тэльмырыса вазиськись утиськоз».
14Но кызьы вазиськод Солы, Кинлы уд оскиськы? Кызьы оскод Солы, Кин сярысь кылэмды ӧвӧл? Нош тодытӥсь-ивортӥсь ке ӧвӧл, кытысь кылод?15Нош ыстэмын ке ӧвӧл, кызьы соослы тодытод? Кызьы гожтэмын: «Макем чебересь пыдъёссы тупаса улонэз, Ӟеч Иворез тодытӥсьёслэн!»16Но Ӟеч Иворез ваньмыз санэ ӧз понэ. Исаия шуэ уго: «Кузё-Инмаре! Милям тодытэм кылмылы кин оскиз?»17Озьы, оскон потэ тодытон бордысь, нош тодытон – Инмар кыл пыр.18Но юасько: «Соослэн кылэмзы ӧвӧл шат?» Озьы ӧвӧл, соослэн кылэмзы вань, уго «быдэс музъем вылэ соослэн куаразы вӧлмиз, дуннелэн пумозяз соослэн кылъёссы вуизы».19Эшшо юасько на: «Израиль ӧз тоды шат?» Нырысь ик Моисей шуиз:
«Калык пыр, кудзэ калык но шуыны уг луы,
тӥлесьтыд сюлмаськон-тыршондэс вырӟыто,
валасьтэм-нодтэм калык пыр вождэс потто».
20Исаия но кышкатэк шуэ:
«Монэ утчасьтэмъёс Монэ шедьтӥзы,
Мон сярысь юалляськисьтэмъёслы Мон усьтӥськи».
21Нош Израиль сярысь Инмар шуэ: «Кылзӥськисьтэм, вог калыклы Мон быдэс нунал ӵоже киосме вӧлъяса улӥ».
Глава 10