Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

ПАВЕЛ АПОСТОЛЛЭН РИМ КАРЫН УЛӤСЬЁСЛЫ ЫСТЭМ ГОЖТЭТЭЗ

Глава 6

6-тӥ ЛЮКЕТ

1Мар бен вераломы? Гажан-жалян мед йылоз шуыса, оло, асьмелы сьӧлыкаса ик улоно-а?2Уг, нокызьы но уг яра. Асьмеос сьӧлыклы кулӥмы. Кызьы нош со пушкын асьмеос азьланяз но улыны быгатомы шат?3Уд тодӥське шат, ваньмы асьмеос Иисус Христос бордын пылатӥськемъёс, Солэн кулонэныз пылатӥськимы?4Озьы асьмеос пылатон пыр Соин ӵош кулӥмы но Соин ӵош асьмеды ватӥмы. Кызьы Христос Инмар Атайлэн пиштӥсь данлыкезлэн кужыменыз кулэмысь улӟыса султӥз, озьы ик табере асьмеос но выльдӥськем улонтӥ ветлыны мед быгатомы.5Уго асьмеос Солэн кулонэзлы укшась кулонэн кулӥмы но озьы Соин герӟаськимы ке, соку Со выллем ик кулонысь улӟыса султомы.

6Тодӥськомы сое: сьӧлыко лулмугормылэн кужымез мед быроз но асьмеос сьӧлыклэн ляльчиосыз медам ни луэ шуыса, вужмем вашкала адями луонмы Соин ӵош кортӵогаськыса кулӥз-быриз.7Уго кулэм мурт сьӧлык уг ни лэсьты.8Асьмеос Христосэн валче кулӥмы ке, оскиськомы, Соин валче ик уломы но шуыса.9Тодӥськомы, Христос кулэмысь улӟыса султэм бераз уг ни кулы: Со вылын кулонлэн кужымез ӧвӧл ини.10Уго, Со кулӥз ке, сьӧлыкез пыраклы быдтон понна кулӥз. Нош Со али улэ, Инмар понна улэ.11Озьы ик тӥ но асьтэдыз сьӧлык басьтонлы кулэмын шуыса лыдъялэ, нош Кузё-Инмармы Иисус Христос бордын Инмар понна улэп шуыса.

12Озьыен, тӥляд кулоно мугорады сьӧлык кузёяськыса медаз улы, солэн юрӟым куронъёсызлы тӥ тэрытскыса медад улэ.13Мугордылэсь одӥгзэ но люкетсэ шонертэм улонлэн киулаз сьӧлыканы эн сётэ. Нош асьтэдыз, кулэмысь улӟемъёсты кадь, Инмарлы сётэ. Мугор люкетъёстэс но шонерлыко улонлэн киулаз сётэ Инмарлы ужан-тыршон понна.14Сьӧлык тӥледын кузёяськыса медаз улы. Тӥ уго закон улын ӧвӧл, тӥ Инмарлэн гажан-жалянэз улын улӥськоды.

15Мар-о бен? Сьӧлыканы кутскомы-а, уго асьмеос закон улын ӧвӧл ни, Инмарлэн гажан-жалянэз улын? Ум, нокызьы но ум.16Оло, тӥ уд тодӥське, кызьы тӥ асьтэдыз кинлэн ке но киулаз ляльчие сётӥськоды но, зэм ик, соку тӥ ляльчи луиськоды солы, кинлы тэрытскиськоды. Яке соку тӥ кулонэ нуись сьӧлыклэн ляльчиосыз луиськоды, яке шонер улонэ нуись тэрытскыса улонлэн ляльчиосыз?17Азьвыл тӥ сьӧлыклэн ляльчиосыз вал. Инмарлы тау, табере вань сюлмыныды сыӵе дышетонлы тэрытскиськоды, кудӥз кие тӥ сётэмын.18Сьӧлыклэн ляльчиез луонлэсь тӥ мозмытэмын, шонер улонлэн ляльчиосыз табере тӥ луиды.19Тӥляд лулмугордылэн лябезлы луыса валамон кылын верасько. Кызьы тӥ мугор люкетъёстэс юрӟым, кырсь ужъёслэн киулазы сётӥды, законлы пумит улыны кутскиды, табере мугор люкетъёстэс шонер улонлэн киулаз сётэ, дун-чылкыт возе.20Уго, куке тӥ сьӧлыклэн ляльчиосыз вал, соку тӥ шонер улонлэн палэназ сылӥськоды вал.21Соку кыӵе емышъёс будэтӥды? – Сыӵе емышъёс, кудъёсызлэсь табере асьтэос возьдаськиськоды, малы ке шуоно соос кулонэ-быронэ вутто.22Нош али, куке тӥ сьӧлыклэсь мозмытскиды но Инмарлэн ляльчиосыз луиды, тӥляд емышты – дун-сьӧлыктэм луон. Со быронтэм улонэ вуттэ.23Уго сьӧлык вае кулон-бырон, нош Инмарлэн кузьымез пумтэм вапумъёсы Кузё-Инмармы Иисус Христос бордын улон луэ.


предыдущая глава Глава 6 следующая глава