Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

ПАВЕЛ АПОСТОЛЛЭН РИМ КАРЫН УЛӤСЬЁСЛЫ ЫСТЭМ ГОЖТЭТЭЗ

Глава 4

4-тӥ ЛЮКЕТ

1Мар бен соку асьмелэн вашкала атаймы Авраам сярысь вераломы, кудӥз бордысь ми потэмын?2Авраам аслаз ужъёсыныз шонере потӥз ке, со соин ушъяськыны быгатэ, нош Инмар азьын уг быгаты.3Уго мар шуэ Священной Гожтэм? «Авраам Инмарлэн верам кылызлы оскиз, та солы шонерлык шуыса гожтӥськиз».4Ужась муртлы дун тырон – со кузьым сётон ӧвӧл, со ужезлэсь дунзэ берыктон.5Кин ужъёсыз вылэ уг оскиськы, нош Инмарлы оске, Солы оскиське, Кудӥз янгыше сюрисез янгыше сюрисьтэм каре, со муртлы осконэз шонерлык шуыса гожтӥське.6Давид но шудо шуыса нима сыӵе адямиез, кудзэ Инмар, ужез шоры учкытэк, шонер улӥсь шуыса лыдъя:

7«Шудоесь, кинъёслэн законлы пумит улэмъёссы куштэмын,
кинъёслэн сьӧлыкъёссы ӵушемын.
8Шудо со мурт, кинлы Кузё-Инмар сьӧлык уг гожты».

9Таӵе шудо луон вандӥськемъёслы-а яке вандӥськымтэослы-а сётӥське? Ми шуиськомы, «оскон пыр Авраам шонер улӥсь шуыса гожтӥськиз».10Ку гожтӥськиз? Вандӥськем бераз-а яке вандӥськемезлэсь азьло-а? Вандӥськем бераз ӧвӧл, вандӥськон сямез ортчытэмезлэсь азьло гожтӥськиз.11Со вандӥськон сямез ортчытӥз, но со уж оскон пыр гинэ шонере поттӥсь пус, печать луиз, нош солэн осконэз вандӥськон сямез ортчытэмезлэсь азьло ик вал ини. Тазьы Авраам ваньмызлы Инмарлы оскисьёслы атай луиз, Кудӥз соослэсь но осконзэс шонерлык шуыса лыдъяз, соос вандӥськымтэ ке но.12Тазьы Авраам вандӥськемъёслэн, солэн осконэзлэн пытьы кузяз ветлӥсьёслэн атайзы луиз. Соос вандӥськон сямез гинэ ӧвӧл, Авраам атаймылэсь осконзэ но кабыл басьтӥзы, солэн осконэз вандӥськон сямез ортчытэмезлэсь азьло ик вал ини уго.

13Уго Авраамлы но солэн кидысэзлы-выжыезлы дуннелэсь люкетсэ басьтӥсь луон закон пыр сӥземын ӧй вал, оскон пыр сӥземын вал, кудӥныз со шонере потӥз.14Закон вылэ оскиськыса улӥсьёс люкет басьтӥсьёс луо ке, соку оскон пайдатэм, сӥзиськон – номыр сётӥсьтэм луэ;15уго закон йыркуръяськон поттэ, малы ке шуоно кытын ке закон ӧвӧл, отын йыруж лэсьтон но ӧвӧл.

16Сӥзиськон оскон понна сётэмын. Со вань вапумъёслы вошъяськисьтэм, со Авраамлэн вань выжыосызлы Инмарлэн кузьымез луэ, законлы тэрытскисьёслы гинэ ӧвӧл, нош соослы но, кинъёс Авраам кадь осконэн уло. Со ваньмылы асьмелы атай луэ,17Священной Гожтэмын тазьы шуэмын: «Трос калыкъёслы атай карыса, Мон тонэ пуктӥ». Авраам Инмар азьын асьмелы атай луэ, со кулэмъёсты улэп карись, ӧвӧлэз вань карись Инмарлы оскыса улӥз.18Нокыӵе но оскиськон ӧй ке но вал, Авраам оскиз но трос калыкъёслы атай луиз, кызьы Гожтэмын верамын: «Сокем трос луоз тынад кидысэд-выжыед».19Солэн осконэз ӧз лябӟы, со ӧз но малпа, солэн, сю ареслы матэ вуэмлэн, мугорыз куасьмемын-кулэмын ини, Сарралэн но пушкыз кемалась куасьмемын ини шуыса;20Инмарлэн кыл сётонэзлы со оскиз, оскытэк ӧз улы; осконэз сое юнматӥз но со Инмарез данъяса улӥз,21Инмар сётэм кылзэ быдэстоз шуыса, юн оскиз.22Соин ик «Инмар солэсь осконзэ солы шонерлык шуыса гожтӥз».23Нош Гожтэмысь та кылъёс: «Шонерлык шуыса гожтӥз», солы огназлы гинэ верамын ӧй вал, асьмелы но верамын вал.24Асьмелэн осконмы шонерлык шуыса гожтӥськоз, – асьмелы, Солы оскисьёслы, Кин Кузё-Инмармес Иисус Христосэз кулэмысь улӟытыса султытӥз,25Иисус Христос асьмелэн сьӧлыкъёсмы понна виыны сётэмын вал, асьмеды шонере поттон понна Со улӟыса султӥз.


предыдущая глава Глава 4 следующая глава