Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

ИОАНН АПОСТОЛЛЭН ЫСТЭМ КУИНЕТӤ ГОЖТЭТЭЗ

Глава 1

1Вӧсяськисьёслэн валтӥсьсы – гажано Гаийлы, мынам зэмзэ ик яратоно муртэлы.

2Гажаное! Вӧсяськисько кынаро мед улод, вань ужъёсад азинлыкез мед луоз шуыса, кызьы тынад лулыдлэн азинэз вань.3Мон уго туж шумпотӥ, куке агай-вынъёс лыктыса тынад оскиськымон луэмед сярысь шара ивортӥзы, – тон зэмлык бордын улӥськод.4Мынам нылпиосы зэмлык бордын уло шуыса кылӥсько ке, мон понна солэсь бадӟымез шумпотон ӧвӧл.

5Гажано эше! Агай-вынъёслы, пыдйылчиослы юрттӥськыса, тон шонер лэсьтӥськод.6Тынад яратонэд сярысь соос черкын шара ивортӥзы. Кызьы кулэ Инмар понна, озьы соосты сюрес вылэ келяд ке, Тон умой лэсьтод.7Солэн нимыз понна, язычникъёслэсь номыр басьтытэк, соос сюрес вылэ потӥзы уго.8Озьы, зэмлыко ужлы юрттӥськись луон понна асьмеос сыӵе муртъёсты санэ поныны кулэ.

9Мон черксылы гожъяй вал, нош соослэн азьпалъяськыны яратӥсь Диотрефсы милемыз санэ уг поны.10Соин ик мон лыктӥ ке, солэсь лэсьтэм ужъёссэ шарае потто – со милемыз урод кылъёсын сапта, но со уг тырмы, ачиз но агай-вынъёсты дораз уг куты, мылкыд карисьёсты но уг лэзьы, соосты черкысь улля.11Гажано эше! Уродлэсь адӟем эн кар, ӟечлэсь адӟем кар. Кин ӟеч уж лэсьтэ, со Инмар бордысь, нош урод уж лэсьтӥсь – Инмарез ӧз адӟы.12Димитрий сярысь ваньмыз умоен верало, ачиз зэмлык но со сярысь ивортэ; ми но шара ивортӥськомы, тӥ тодӥськоды, милям ивортонмы зэм шуыса.

13Трос мынам гожъянэ, но мынам уг поты тыныд чернилаен, бодыен гожъяме.14Оскиськисько, тонэ ӝоген адӟо но ваче пуксьыса верасько шуыса.15Каньыллык тыныд. Эшъёсыд салам верало. Ваньзэс эшъёсмес нимысьтыз ӟечкыла. Аминь.


предыдущая глава Глава 1 следующая глава