Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

ИОАНН АПОСТОЛЛЭН ЫСТЭМ КЫКЕТӤ ГОЖТЭТЭЗ

Глава 1

1Вӧсяськисьёслэн валтӥсьсы – быръем кузё-кышномуртлы но солэн нылпиосызлы. Соосты мон зэмзэ ик яратӥсько, мон гинэ ӧвӧл, ваньмыз зэмлыкез тодӥсьёс ярато.2Яратӥсько со понна: зэмлык асьме пӧлын улэ но пумтэм вапумъёс улоз.3Асьме пӧлын, зэмлыкен, яратонэн улӥсьёс пӧлын, Инмар Атайлэн но Атайлэн Пиезлэн Кузё-Инмарлэн Иисус Христослэн дэлетэз, гажан-жалянэз, каньыллыкез мед улоз.

4Мон туж шумпотӥ куд-огезлэн тынад нылпиосыдлэн зэмлыкез санэ поныса улэмзылы, уго сыӵе курон-косонэз асьмеос Атайлэсь басьтӥмы.5Кузё-кышномурт, али тонэ курисько – выль курон-косон уг гожтӥськы, гожтӥсько кутсконысеныз ик асьмелы сётэмзэ: огмес огмы мед яратомы.6Нош яратон – со Солэн курон-косонъёсызъя улон. Та – со курон-косон, кудзэ тӥ кутсконысеныз ик кылӥды, со курон-косонъя мед улоды-лэсьтоды шуыса.7Уго трос визь тугасьёс дунне вылэ потӥзы, кудъёсыз Иисус Христос лулмугорын лыктӥсь шуыса уг тодыто. Сыӵе адями – со визь тугась, антихрист.8Чакласькыса улэлэ, медам ыштэлэ сое, мар бордын тыршимы, со ужаммы понна тыр кузьым мед басьтомы шуыса тыршимы.9Кин Христослэн дышетонэзлэн сьӧраз потэ, кин со дышетон бордын уг улы, сыӵе муртлэн Инмарез ӧвӧл. Христослэн дышетонэз бордын улӥсьлэн вань Атаез но, Пиез но.10Кин ке тӥ доры лыктӥз но сьӧраз та дышетонэз ӧз ке вайы, сое коркады эн пыртэ, эн но ӟечкылалэ.11Уго сое ӟечкылась мурт солэн урод ужъёсаз пыриське.

12Трос мынам тӥледлы веранэ, но чернилаен бумага вылын уг поты вераме. Шумпотонды пачылаз мед луоз шуыса малпасько тӥ доры лыктыны но ваче пуксьыса вераськыны.13Тынад быръем сузэредлэн нылпиосыз тыныд салам верало. Аминь.


предыдущая глава Глава 1 следующая глава