Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

ПЕТР АПОСТОЛЛЭН ЫСТЭМ КЫКЕТӤ ГОЖТЭТЭЗ

Глава 1

1-тӥ ЛЮКЕТ

1Иисус Христослэн ляльчиез но апостолэз Симон Петр, милемын валче Инмармылэн, Утисьмылэн Иисус Христослэн шонерлыкезъя дунолыко осконэз огкадь кабыл басьтӥсьёслы:2Инмарез но асьмелэсь Кузё-Инмармес Иисус Христосэз тодонын дэлет но каньыллык тӥ пӧлын мед йылоз.

3Солэн Инмар кужымез асьмелы улыны но Инмарлы ярамон луыса возиськыны, данлыкен но ӟечлыкен Ӧтисез тодон пыр ваньзэ сётӥз.4Соос пыр Со асьмелы туж бадӟымесь но дуноесь сӥзёнъёс сётӥз. Мугорлэн юрӟым кулэ каронъёсыныз сэрен дунне вылын улӥсь сӧриськонлэсь палэнскыса, со сӥзиськонъёс пыр тӥ мед быгатоды Инмар улонлэн люкет басьтӥсьёсыз луыны.5Соку, та вӧзы вань тыршондэс ватсаса, асьтэлэн осконады ӟеч уждэс возьматэ, ӟеч ужады – тодон-валан,6тодон-валанады – возиськон-утиськон, возиськон-утиськонады – чидан, чиданады – Инмарлэсь кышкаса улон,7Инмарлэсь кышкаса улонын – агай-вынъёсты гажан, агай-вынъёсты гажанын – яратон.8Ваньмыз таос тӥ пушкын вань но соос эшшо йыло на ке, соку асьмелэсь Кузё-Инмармес Иисус Христосэз тодонын тӥ берекеттэк, емышъёстэк уд кыле.9Нош кин ке пушкын таос ӧвӧл ке, со синтэм; со синзэ ворсаз но азьвыл сьӧлыкъёсызлэсь сузяськон сярысь вунэтӥз.10Соин ик, агай-вынъёсы, тӥ ӧтемын, быръемын бере, тӥ золгес но золгес сое юнматыны тырше: озьы лэсьтӥды ке, ноку но уд канжаське.11Соку асьмелэн Кузё-Инмармылэн, Утисьмылэн Иисус Христослэн, пумтэм вапумъёсысь Эксэйлыказ тӥледлы эркын пырон усьтӥськоз.

12Та сярысь мон тӥледлы ялан тодады вайытыса уло, тӥ со сярысь тодӥськоды, зэмос зэмлыкын но тӥ юнматэмын ке но.13Та мугорылэн корказ улытозям, тодэ вайытыса тӥледыз ӝутканэз шонер шуыса лыдъясько.14Та коркаме ӝоген кельто ни шуыса тодӥсько, уго асьмелэн Кузё-Инмармы Иисус Христос мыным сое усьтӥз.15Мон тыршо, кулэм берам но тӥ та сярысь ялан тодады мед ваёды шуыса.

16Уго асьмелэн Кузё-Инмармылэсь Иисус Христослэсь кужымзэ, Солэсь лыктонзэ кескичлыко ӧвӧлтэм мадёнъёсты кылзӥськыса ӧм, Солэсь быдӟымлыксэ ми асьмеос адӟимы но тӥледлы тодытӥмы.17Со уго Инмар Атайлэсь сӥ-санзэ, данзэ басьтӥз, куке туж быдӟым данлыкен пиштыса улон дорысь Со доры таӵе куара вуиз: «Та Мынам яратоно Пие, Со бордын Мынам ӟеч эрике».18Соин ӵош святой гурезьын луон дыръямы Инмысь вуэм та куараез ми кылӥмы.19Азьпалзэ тодытыса веран но асьмелы возиськон понна юн пыкъет луэ. Тӥ умой лэсьтӥськоды: нунал ӟардыны кутскытозь, сюлмады ӵук кизили ӝужатозь, пеймыт азьын пиштӥсь югыт сётӥсь лампада дорын кадь со бордын возиськыса.20Нырысь ик тодэ: Священной Гожтэмысь нокудзэ но азьпалзэ тодытыса веранэз ас визьмыныд шонер валэктэмед уз луы.21Уго ноку но азьпалзэ тодытыса веран адямилэн ас мылкыд каремезъя верамын ӧй вал, – сое Святой Дух пыр вырӟытэм Инмарлэн дун-чылкыт адямиосыз веразы.


предыдущая глава Глава 1 следующая глава