Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

ПЕТР АПОСТОЛЛЭН ЫСТЭМ НЫРЫСЕТӤ ГОЖТЭТЭЗ

Глава 5

5-тӥ ЛЮКЕТ

1Тӥлесьтыд возьмасьёстэс-пастырьёстэс курисько, мон но соос кадь ик возьмась, Христослэсь курадӟонъёссэ адӟись, вуоно усьтӥськоно данлыке пыриськись.2Тӥледлы оскыса сётэм Инмарлэсь уллёзэ тыршыса, нокин косытэк-ёртытэк, сюлэмдэс-мылкыддэс поныса, кызьы кулэ Инмарлы, озьы чаклалэ-уте сое. Отысь асьтэлы возьыттэмлыко пайда эн утчалэ.3Инмарлэн тӥ киулэ сётэм муртъёсызлы кужымдэс эн возьматэ, уллёлы адӟем карымонэсь луэ;4возьмасьёслэн Кузёйырзы лыктӥз ке, данлэсь шуясьтэм-бырисьтэм венецсэ тӥ басьтоды.5Тӥ но, покчиос, вӧсяськисьёслэн кивалтӥсьёссылы тэрытске, ваньды ог-огдылы тэрытскыса, зӥбыт-востэм улэ, малы ке шуоно

«вылӥ мылкыдоослы Инмар пумит кариське,
нош зӥбыт-востэм улӥсьёслы дэлет сётэ».

6Соин ик Инмарлэн кужмо киулаз востэм кариське, дыр вуиз ке, Со тӥледыз мед ӝутоз шуыса.7Вань сюлмаськонъёстэс Со доры вае, уго Со тӥ сярысь сюлмаське.8Сазь улэ, сэзь кариське, малы ке шуоно тӥляд тушмонды – диавол, бурсӥсь лев кадь, кинэ ке но ньылыны утчаса ветлэ.9Солы пумит кужмо осконэн сылэ. Тодэ, дунне вылын таӵе ик курадӟонъёс тӥляд агай-вынъёсты но чидано луо шуыса.10Котькыӵе но дэлет сётӥсь Инмар, Иисус Христос бордысь Аслаз пумтэм вапумысь данлыказ асьмеды ӧтись, тӥляд вакчияк курадӟонды бере тӥледыз юнматоз, кужмоятоз, чигиськисьтэм-куасаськисьтэм кароз.11Пумтэм вапумъёслы Солы дан но кужым. Аминь.

12Тае мон тӥледлы Сӥлуан пыр вакчияк гожтӥ, малпасько, со оскиськымон братты луэ шуыса. Инмарлэн та зэмос ӟечлыкез-дэлетэз луэ шуыса, тӥлесьтыд мылкыддэс лӧпкытыны но со сярысь тӥледлы ивортыны мылкыд кари. Та бордын тӥ юн сылэ, юн возиське.

13Тӥледыз ӟечкылало Вавилонысь тӥ кадь ик быръем Инмарлы оскисьёс но Марк, мынам пие.14Яратонэн чупаса огдэс огды ӟечкылалэ. Иисус Христос бордын улӥсьёс, ваньдылы тӥледлы каньыллык сӥзисько. Аминь.


предыдущая глава Глава 5 следующая глава