Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

ПЕТР АПОСТОЛЛЭН ЫСТЭМ НЫРЫСЕТӤ ГОЖТЭТЭЗ

Глава 4

4-тӥ ЛЮКЕТ

1Озьыен, асьме понна Христос лулмугорыныз курадӟон чидано луиз, нош тӥ, сое тодады вайыса, лулдэс-сюлэмдэс юнматэ. Уго мугорыныз курадӟись мурт сьӧлыкамысь дугдэ.2Кылемзэ улондэс лулмугорлэн куронъёсызлы тэрытскыса ӧвӧл, Инмарлэн эрикезлы тэрытскыса мед улоды.3Тырмоз ни, уго ортчемзэ улондэс язычникъёслэн улонэнызы улӥды: юрӟым, кырсь ужъёслы, куронъёслы сётӥськыса, (пиосмуртлы пиосмуртэн кӧлан, пудо вылэ тубан, кырсь малпанъёс), вина юыса, трос сиыса но юыса, сульдэръёслы йыбыртъяса.4Соин ик язычникъёс паймо но уго: со юрӟым ужъёсы соосын ӵош тӥ уд ни пыриськиське, но со понна соос тӥ сярысь урод кылъёс вӧлдо.5Улэпъёсты но, кулэмъёсты но ӝоген Судить Карись азьын соос кыл кутозы.6Уго соин ик, кинъёс али кулэмын ни, соослы но Ӟеч Ивор тодытэмын вал, адями кадь мугорын судэ пырыса, духен Инмар бордын мед улозы шуыса.

7Котьмарлы но пум вуэ ини. Соин ик сэзь визьмын, вӧсяськыса улэ.8Нош уката ик огдэс огды сюлмысь яратыса улэ, малы ке шуоно яратон трос сьӧлыкъёсты шобыртэ.9Тӥ доры пырисьёс луизы ке, ӟургетыса эн улэ, сюдэ-вордэ соосты.10Огдылы огды юрттӥське, котькудӥз сыӵе кузьымен, кыӵезэ со басьтӥз Инмарлэсь пӧртэм пумо дэлетъёссэ басьтӥсь коркаен ӟеч кивалтӥсь ляльчи кадь.11Вераськод ке, Инмарлэсь кылзэ кадь шонер вера; ужаськод-тыршиськод ке, ужа-тыршы сыӵе кужымен, кудзэ тыныд Инмар сётэ. Котькытын но Иисус Христос пыр Инмар данъямын мед луоз, Солы пумтэм вапумъёсы дан но кужым. Аминь.

12Гажано агай-вынъёсы! Тӥ пӧлы ыстэм тыллы эн пайме, тӥледыз эскерон-чаклан понна со ыстэмын шуыса, со тӥледлы абдрамон учыр кадь медаз пот.13Нош тӥ, Христослэн курадӟонъёсаз пыриськиськоды шуыса шумпотэлэ, Солэн пиштӥсь данлыкез усьтӥськыку но шумпотоно, шулдыръяськоно мед луоды.14Христослэн адямиосыз луэмды понна тӥ сярысь урод кылъёс верало ке, тӥ шудоесь. Уго данлэн Духез, Инмарлэн Духез тӥ вылын улэ. Соос Сое сантэмало, нош тӥ – данъяськоды.15Тӥ пӧлысь нокин но адями виисьёсын яке лушкаськисьёсын, яке йыруж лэсьтӥсьёсын, яке муртлэн ужаз пыриськисьёсын оградэ курадӟонэ медаз сюры.16Нош тон Христослэн муртэз луэм понна курадӟид ке, соку эн возьдаськы, таӵе адӟонэд понна Инмарез данъя.17Уго дыр вуиз судлы Инмар корка бордысен кутскыны. Нырысь ик асьме бордысен кутскиз ке, нош Инмарлэн Ӟеч Иворезлы пумитъяськисьёслы кыӵе пум луоз?18Шонер улӥсь мырдэм утиськиз ке, нош сьӧлыклэсь кышкасьтэмлы, сьӧлыко муртлы мар луоз?19Соин ик, кинъёс Инмарлэн эрикезъя курадӟон чидало, ӟеч уж лэсьтэмысь медаз дугдэ, соос оскиськымон Кылдытӥсьлэн киулаз асьсэлэсь лулзэс мед сётозы.


предыдущая глава Глава 4 следующая глава