Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

ИАКОВ АПОСТОЛЛЭН ЫСТЭМ ГОЖТЭТЭЗ

Глава 5

5-тӥ ЛЮКЕТ

1Табере тӥ, узыръёс, кылзӥське: бӧрдэлэ, викышъялэ тӥ вылэ куректон-кайгуос лыкто шуыса.2Тӥляд узырлыкты сисьмиз, нош дӥськутъёстэс кей сииз.3Тӥляд зарниды но, азвесьты но сыномизы. Соослэн сыномемзы тӥледлы пумит тодытӥсь луозы но тыл выллем тӥлесьтыд мугордэс сиёзы: берпуметӥ нуналъёслы тӥ асьтэлы ваньбур люкады.4Тани, бусыдэс аранын ужамъёслэсь дунзэс тырытэк кельтэмды тӥледлы пумит шара вера, арасьёслэн куараен бӧрдэмзы Саваоф Кузё-Инмар доры кылӥськиз.5Тӥ майбыр улӥды дунне вылын, эзыласа улӥды; вандыны дасям пудо кадь сюлэмъёстэс кӧй кариды.6Шонер улӥсез тӥ судить кариды, вииды – со тӥледлы ӧз пумитъяськы.

7Озьыен, агай-вынъёс, Кузё-Инмар лыктытозь, юн чидаса улэ. Тани музъем ужась ас музъемезлэсь дуно емышсэ возьма. Вазез зор, берез зор вуытозь, кема чидаса вите.8Тӥ но туж чидаса улэ. Сюлэмъёстэс юнматэ – Кузё-Инмарлэн лыктонэз матэ вуэ.9Агай-вынъёсы, судэ медад сюре шуыса, огды вылэ огды эн урттылӥське: тани, ӧс выжыын Судить Карись сылэ.10Агай-вынъёсы, пророкъёслэсь курадӟонъёссэс, кема чиданъёссэс адӟем каре. Соос Кузё-Инмарлэн нимыз вылэ пыкиськыса вераськизы.11Тани, кинъёс трос чидазы, соосты ми шудоесь шуыса лыдъяськомы. Тӥ кылӥды Иовлэн чиданэз сярысь. Кузё-Инмарлэсь солы сётэм ӟечлыксэ но адӟиды. Уго Кузё-Инмар ӟеч сюлэмо, ваньзэ гажась-жалясь.

12Нош нырысь ик, агай-вынъёсы, суд улэ медад сюре шуыса, инмен но, музъемен но – номырин но кыл эн сётэ. Тӥляд кылды мед луоз «озьы, озьы» яке «ӧвӧл, ӧвӧл».

13Кин тӥ пӧлын лек курадӟе? – Мед вӧсяськоз. Кинлы шулдыр? – Псаломъёс мед чирдоз.14Тӥ пӧлысь кин висе? – Вӧсяськисьёслэсь кивалтӥсьёссэс мед ӧтёз но со висись мурт понна мед вӧсяськозы. Кузё-Инмарлэн нимыныз сое вӧйын мед зырӟозы –15оскыса вӧсяськон висисез бурмытоз но Кузё-Инмар сое султытоз. Сьӧлыкъёс ке со лэсьтэм, соос куштӥськозы.

16Мед бурмоды шуыса, ог-огды азьын сьӧлыкъёстэс вералэ но огды понна огды вӧсяськелэ. Шонер улӥсьлэн сюлмысь вӧсяськемез трос лэсьтыны быгатэ.17Илия асьмеос кадь ик адями вал, зор медаз луы шуыса вӧсяськыса куриськиз но, музъем вылэ куинь ар но куать толэзь зор ӧз усьы.18Собере нош ик вӧсяськиз: инбам зор сётӥз но музъем емышсэ будэтӥз.

19Агай-вынъёсы! Тӥ пӧлысь кин ке но зэмлыклэсь палэнскиз ке, нош кин ке сое берен зэмлык пала берыктӥз ке,20тодэ: сьӧлыко муртэз ӧрекчаськон сюрес вылысь берыктӥсь мурт лулзэ кулонлэсь уте, солэн трос сьӧлыкъёсыз куштӥсько шуыса.


предыдущая глава Глава 5 следующая глава