Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

ИАКОВ АПОСТОЛЛЭН ЫСТЭМ ГОЖТЭТЭЗ

Глава 4

4-тӥ ЛЮКЕТ

1Кытысь пото тӥляд куспады керетыса, вожвылъяськыса улонъёсты? Мугор люкетъёсты пушкын бугыръяськыса улӥсь ӝуатскем кулэ карон мылкыдъёслэсь ӧвӧл-а?2Мае ке но кулэ кариськоды – нош тӥляд соды ӧвӧл. Виылӥськоды, вожъяськиськоды – нош мар кулэ, сое басьтыны уд быгатӥське. Ченгешиськоды, тушмонъяськиськоды – нош тӥляд соды ӧвӧл, малы ке шуоно уд куриське.3Куриськоды но, уд басьтӥське, малы ке шуоно ӟеч уж лэсьтон понна сое уд куриське. Куриськоды лулмугордылы майбыр улон понна.4Азыса-калгыса улӥсьёс! Уд тодӥське шат, таиныз дуннеен эшъяськыса улон Инмарлы пумитъяськон луэ шуыса? Озьыен, кинлэн таизлы дуннелы эш луэмез потэ, со Инмарлы тушмон луэ.5Яке тӥ малпаськоды Священной Гожтэм юнме гинэ вера: «Асьме пушкын улӥсь дух туж кужмо яратэ»?6Нош эшшо бадӟымгес дэлет сётэ; соин ик шуэмын но:

«Инмар вылтӥяськисьёслы пумитъяське,
нош зӥбыт-востэм улӥсьёслы дэлет сётэ».

7Озьыен, Инмарлы тэрытске, нош диаволлы пумит султэ – соку со тӥ дорысь бызьыса кошкоз.8Инмарлы матэ кариське, Со но тӥляд матады лыктоз. Киостэс сузялэ, сьӧлыкоос. Сюлэмъёстэс чылкытатэ, чеберъяськисьёс.9Чигиськелэ, бӧрдэ, викышъялэ. Серекъянды бӧрдонлы мед пӧрмоз, шумпотонды – куректонлы.10Кузё-Инмар азьын тэрытске – Со тӥледыз ӝутоз.

11Агай-вынъёсы, огдэс огды урод кылын эн куаретэ. Кин агай-выныз сярысь урод кыл вера ке, яке агай-вынзэ судить каре ке, со Инмар законэз урод кылын веран, законэз судить карон луэ. Нош тон законэз судить кариськод ке, соку тон законэз быдэсъясь уд ни луиськы, судья луиськод.12Закон Сётӥсь но Суд Лэсьтӥсь – одӥг, Со утьыны но, быдтыны но быгатэ. Нош тон кин сыӵе – мукетсэ судить кариськод?

13Табере тӥ кылзэлэ, тазьы верасьёс: «Туннэ яке ӵуказе сыӵе-сыӵе городэ мыномы но отын одӥг ар уломы, вузкаромы, барыш басьтомы».14Нош асьтэос тӥ уд тодӥське, мар луоз ӵуказе: уго мар со тӥляд улонды? – Бус, кудӥз вакчи дырлы возьматскиз, нош собере сылмиз-быриз.15Тазьы шуэм интые: «Кузё-Инмарлы кулэ ке луиз, улэп ке луимы, сое яке тае лэсьтомы»,16нош тӥ вылтӥяськон сямдыя ушъяськиськоды: котькудӥз сыӵе ушъяськон – со ярантэм, урод уж.17Озьыен, кин ӟеч лэсьтон сярысь тодэ, но сое уг ке лэсьты, солы сьӧлык луэ.


предыдущая глава Глава 4 следующая глава