Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

АПОСТОЛЪЁСЛЭН УЖЪЁССЫ

Глава 26

26-тӥ ЛЮКЕТ

1Агриппа Павеллы шуиз: «Астэ утьыса вераськыны тыныд кыл сётӥське». Соку Павел кизэ ӝутӥз но ассэ утён вылысь вераны кутскиз:2«Агриппа эксэй! Асме шудоен лыдъясько: иудейёслэн монэ янгыше уськытонъёссылы пумит мон туннэ тон азьын асме утьыса вераськыны быгатӥсько,3уката ик, тон иудейёслэсь вань сямъёссэс, пӧртэм пумо малпанъёссэс-мылкыдъёссэс тодӥськод. Соин ик тонэ курисько: чиданэд мед тырмоз монэ кылзыны.4Аслэсьтым улонме мон пинал дырысен аслам калыке пӧлын Иерусалимын ортчытӥ. Со сярысь вань иудейёс тодо.5Кемаласен соос монэ тодо ни. Ивортэмзы потӥз ке, ивортыны быгатозы, мон фарисей вал, асьме осконэз туж юн чакласа-утьыса улӥсь мурт вал шуыса.6Али суд азьын сылӥсько милям атайёсмылы Инмарлэн сётэм сӥземезлы оскиськыса улэме понна.7Со сӥзиськонлэсь быдэсмемзэ адӟыны оскиськыса, милям калыкмылэн дас кык выжыосыз уй но нунал Инмарлы сюлмысь ужаса-тыршыса уло. Таӵе оскиськон понна, Агриппа эксэй, монэ иудейёс янгыше уськыто.8Малы бен Инмарлэн кулэмъёсты улӟытэмез тӥледлы осконтэм потэ?9Мон но малпасько вал, Назаретысь Иисуслэн нимызлы пумит мыным трос лэсьтыны кулэ шуыса.10Ваньзэ тае мон Иерусалимын лэсьтӥ: архиерейёслэсь косон басьтыса, троссэ вӧсяськисьёсты пытсэтэ ворсалляй, соосты виылэмзэс умой уж шуыса лыдъялляй.11Сӥнагогаысь сӥнагогаостӥ соосты курадӟытыса ветлӥ, Иисусэз сантэманы косыса ёртылӥ. Соослы пумит ортчыт бадӟым йыркурен улӥ, мукет городъёстӥ но соосты уйылыса ветлӥ.

12Архиерейёслэн куремзыя, косэмзыя та пумысен Дамаске мынӥсько вал.13Нуназе шорын, сюрес вылысен, шундылэсь но яркыт пиштӥсь инмысь югытэз мон адӟи. Агриппа эксэй! Со югыт монэ но, монэн ӵош мынӥсьёсты но мальдытӥз.14Ми ваньнамы музъем вылэ усимы. Соку мон куара кылӥ, со куара мыным еврей кылын вераз: ”Савл! Савл! Малы тон Монэ улляськод? Секыт тыныд йылсо бодылы пумит мыныны”.15Мон шуи: ”Кузё-Инмар, кин Тон?” Кузё-Инмар шуиз: ”Мон – Иисус, Кудзэ тон улляськод;16ӝутӥськы, пыд йылад султы. Тонэ Аслым ужась-тыршись карыны бырйи: тон мукетъёслы но адӟемдэ ивортыны кулэ, нош озьы ик сое, мае Мон тыныд азьланяз возьмато на.17Тонэ иудейёслэсь но, язычникъёслэсь но утё. Мон тонэ язычникъёс доры синзэс усьтыны ыстӥсько, –18пеймытысь югыт пала, шайтанлэн киулысьтыз Инмар пала мед берытскозы шуыса; Мыным оскон пыр сьӧлыкъёссэс куштыны но Инмарлэн дун-сьӧлыктэм карем муртъёсыныз огазе люкет басьтыны мед быгатозы шуыса”.

19Соин ик, Агриппа эксэй, Инмысь адӟонлы мон ӧй пумитъяськы.20Нырысь ик Дамаскын но Иерусалимын улӥсьёслы, собере – быдэс Иудей музъем вылын улӥсьёслы, мукет калыкъёслы но сьӧлыкъёссэс быдтыны ярамон ужъёс лэсьтыса, соос ӧпкельыса сьӧлыкъёссылэсь мед куштӥськозы, Инмар пала мед берытскозы шуыса тодытӥ.21Та понна иудейёс храмысен монэ кутӥзы но виыны малпазы.22Нош Инмар мыным юрттӥз. Туннэ нуналозь но сылӥсько. Покчиослы но, быдӟымъёслы но ивортӥсько сое гинэ, мар веразы пророкъёс, мар вераз Моисей, – азьпалан мар луоз, та сярысь ивортӥсько:23кызьы Христос курадӟоно луиз, кулэмъёс пӧлысь нырысь ик султӥз но иудейёслы но, мукет калыкъёслы но югыт сярысь тодытӥз».

24Со тазьы вераса улыку, Фест бадӟым куараен шуиз: «Визьтэмъяськиськод тон, Павел! Трос дышетскемед тонэ визьтэм луон калэ вуттэ».25«Гажано Фест, – Павел вераны кутскиз, – мон уг визьтэмъяськиськы, ваньмыз со визьмын но зэм верамын.26Эксэй та сярысь тодэ, соин ик мон со азьын кышкатэк верасько. Мон уг оскиськы, та пӧлысь маиз ке но солэсь ватӥськыса кылиз шуыса: ваньмыз та солэн син азяз ортчиз уго.27Агриппа эксэй, пророкъёслы оскиськод-а? Тодӥсько, оскиськод шуыса».28Агриппа Павеллы шуиз: «Укыр вакчи дыр ӵоже тон монэ христиан мурт карыны ӧдъяськод».29Павел шуиз: «Инмарлы мон вӧсяськисько: ӧжыт-а, трос-а дыр ӵоже, тон гинэ ӧвӧл, но туннэ монэ вань кылзӥсьёс мон кадесь мед луысалзы – та жильыос сяна».

30Павел тае верам бере эксэй султӥз. Соин ӵош кивалтӥсь, Вереника но татын вань пукисьёс султӥзы.31Соос, палэнэ кариськыса, асьсэ куспын вераськизы, та адями номыр но виыны ярамонзэ яке жильыетын пукымонзэ уг лэсьты шуыса.32Агриппа Фестлы шуиз: «Кесарь дорысь судэ ӧй ке куриськысал, та адямиез мозмытыны яра вал». Соин ик кивалтӥсь сое кесарь доры ыстоно кариськиз.


предыдущая глава Глава 26 следующая глава