Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

АПОСТОЛЪЁСЛЭН УЖЪЁССЫ

Глава 21

21-тӥ ЛЮКЕТ

1Соосын люкиськем берамы ми ву вылтӥ кошкимы но шонерак Кос шормуӵе вуимы, мукетаз нуналэ – Родосэ, отысен – Патарае.2Финикияе мынӥсь кораблез шедьтӥмы, отчы пуксимы но ву кузя кошкимы.3Син азямы адӟиськиз Кипр, со милям паллян паламы кылиз. Татысен ми Сирияе кошкимы. Тире дугдӥмы, – корабльысьтымы груззэ ӝоктоно вал.4Татысь ми дышетскисьёсты шедьтӥмы но отын сизьым нунал ӵоже улӥмы. Духлэн соослы усьтэменыз соос Павеллы веразы, Иерусалиме медаз ветлы шуыса.5Нуналъёсмы бырем бере ми татысь кошкимы, милемды ваньзы кышноосынызы, нылпиосынызы город сьӧрозь ик келязы; ярдурысен пыдесъяськыса вӧсяськимы.6Ог-огенымы люкиськеммы бере ми корабле пыримы, соос гуртазы берытскизы.

7Нош ми уянмес азьланьтӥмы. Тирысь Птолемаидае вуимы но татысен агай-вынъёс доры куное ветлӥмы, соос дорын одӥг нунал улӥмы.8Нош мукетаз нуналэ Павел но ми, соин ӵош луэмъёс, сюресмес азьланьтыса, Кесарияе вуимы. Сизьым диаконъёс пӧлысь одӥгезлэн, Ӟеч Ивор тодытӥсь Филипплэн, корказ пырыса, со доры интыяськимы.9Солэн ньыль бызьымтэ нылъёсыз вал – Инмар кылэз ивортӥсьёс.10Соос дорын кӧня ке нуналъёс улэммы бере Иудеяысь Агав нимо пророк лыктӥз.11Со ми доры пыриз но, Павеллэсь кускерттонзэ басьтыса, аслэсьтыз кизэ но, пыдзэ но думылӥз, собере шуиз: «Тазьы шуэ Святой Дух: та кускерттонлэсь кузёзэ Иерусалимын иудейёс тазьы ик думылозы но язычникъёс кие сётозы».12Та веранэз кылэммы бере ми но, отысь агай-вынъёс но Павелэз куримы, со Иерусалиме медаз мыны вал шуыса.13Соку Павел ответ сётыса шуиз: «Мар тӥ лэсьтӥськоды? Малы тӥ бӧрдӥськоды, мынэсьтым сюлэмме вӧсь кариськоды? Жильыетын гинэ пукыны ӧвӧл, Кузё-Инмарлэн Иисуслэн нимыз понна мон Иерусалимын кулыны но дась».14Ми сое оскытыны ӧм быгатэ бере, буйгатскыса шуимы: «Кузё-Инмарлэн эрикез мед луоз!»

15Со нуналъёс бере дасяськыса Иерусалиме кошкимы.16Милемын ӵош мынӥзы Кесарияысь куд-ог дышетскисьёс но. Соос милемды нырысь дышетскисьёс пӧлысь Мнасон нимо Кипр пи доры вайизы. Со доры ми улыны дугдӥмы.

17Иерусалиме вуэммы бере агай-вынъёс милемыз шумпотыса пумитазы.18Вуоно нуналэ Павел милемын ӵош Иаков доры лыктӥз; татысь вӧсяськисьёслэн вань кивалтӥсьёссы но лыктӥзы.19Соосты ӟечкылам бераз Павел пыр-поч вераз, солэн тыршемез пыр язычникъёс дорын мар лэсьтӥз Инмар.20Нош соос кылзӥськем беразы, Инмарез данъяса, солы шуизы: «Адӟиськод-а, брат, иудейёс пӧлын кӧня сюрс оскыны кутскемъёс, ваньзы соос закон понна юн сылӥсьёс.21Нош соос трос кылӥллям ини, мукет калыкъёс пӧлын улӥсь вань иудейёсты тон Моисей законлэсь куштӥськыны, асьсэлэн нылпиоссылы вандӥськон сямез медаз ортчытэ, иудей сямъёсты-йылолъёсты медаз уте шуыса дышетӥськод.22Тон лыктӥд шуыса, соос одно ик кылозы. Калык люкаськоз. Соку мар бен кароно?23Мар ми тыныд вераломы, лэсьты: милям вань ньыль адямимы, кудъёсызлэн сӥзиськемзы вань.24Соосты басьты но соосын ӵош чылкытатӥськон сямез ортчыты. Сямез ортчытэм понна солэсь дунзэ тыр, – йырзэс ӵышкыны мед быгатозы. Соку соос ваньзы тодозы: тон сярысь мар соос кылӥзы – чик шонер ӧвӧл, уго тон ачид законэз утьыса улӥсь адями луиськод.25Нош оскыны кутскем язычникъёс сярысь верано ке, ми малпамы-чакламы но соослы гожтэт ыстӥмы: оломае но утьыны дауртыса медаз выре, сульдэръёслы курбон сётэм сӥлез, вирез, кекаса кулэм пудолэсь сӥльзэс медаз сие, азыса-калгыса медаз улэ».

26Соку Павел та пиосмуртъёсты басьтӥз но мукетаз нуналэ соосын ӵош чылкытатӥськон сямез ортчытӥз. Собере со храме пыриз но вераз, ку соос понна курбон сётэмын луоз, ку чылкытатӥськон нуналъёс йылпумъяськозы.

27Чылкытатӥськон сямлэн сизьым нуналъёсыз йылпумъясько вал ини. Соку Асияысь иудейёс Павелэз храмысь адӟизы. Вань калыкез бугыртӥзы но Павелэз кырмизы.28Кесяськизы: «Израиль воргоронъёс, юрттэлэ! Та адями котькинэ котькытысен асьме калыклы пумит, Моисей законлы пумит, та интылы пумит дышетэ. Эшшо ке язычникъёсты храме пыртӥз, та святой интыез саптаз».29Уго талэсь азьвыл городысен сое Ефесысь Трофимен ӵошенназэс адӟизы вал, малпазы, Павел сое храме пыртаз шуыса.30Быдэс городын огыр-бугыр луиз, калык огазе люкаськиз. Павелэз кырмыса храмысь гыж поттӥзы но соку ик ӧсъёсты тунгоназы.

31Соос Павелэз виыны ӧдъяло вал, но соку сюрс солдатэн кивалтӥсь доры ивор вуиз, быдэс Иерусалим бугыръяськыны кутскемын шуыса.32Со соку ик солдатъёсты, сю солдатэн кивалтӥсьёсты басьтыса, люкаськем калык пала бызьыса мынӥз; нош соос, сюрс солдатэн кивалтӥсез, солдатъёсты адӟыса, Павелэз жугемысь дугдӥзы.33Соку сюрс солдатэн кивалтӥсь, Павеллэн матаз мыныса, сое кырмиз но кык жильыен думылыны косӥз, юалляськиз: «Кин со, мар со лэсьтӥз?»34Калык пӧлын огъёсыз одӥг сямен, мукетъёсыз мукет сямен кеськизы. Калык бугыръяськемен сэрен шонерзэ тодыны быгатытэк, сюрс солдатэн кивалтӥсь Павелэз казармае нуыны косӥз.35Тубатэ вуэм бере калык бугыръяськемен-лекъяськемен сэрен солдатъёс сое ки йылазы ӝутыса нуоно луизы.36Соослэн бӧрсязы трос калык мынӥз но черекъяз: «Виёно сое!»

37Изкаре пырон азьын Павел сюрс солдатэн кивалтӥсьлы шуиз: «Маке но тыныд вераны луоз-а?» Нош соиз шуиз: «Тон грек кылын быгатӥськод-а вераськыны?38Иське тон со египет пи ӧвӧл-а, кудӥз та нуналъёс азьын бугыръяськон ӝутӥз но ньыль сюрс йырвандӥсьёсты кыр дуннее нуиз?»39Нош Павел шуиз: «Мон – иудей, Киликияысь тодмо Тарс карын улӥсь мурт; тонэ курисько: лэзь монэ калыклы вазиськыны».40Соиз лэзиз. Тубатын сылыса, Павел калыклы киыныз тодмет сётӥз. Нош куке ваньзы чус кариськизы, со еврей кылын тазьы вераны кутскиз:


предыдущая глава Глава 21 следующая глава