Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

АПОСТОЛЪЁСЛЭН УЖЪЁССЫ

Глава 19

19-тӥ ЛЮКЕТ

1Аполлос Коринфын улон дыръя Павел гурезё шаеръёстӥ ветлӥз. Ефесэ вуиз но, отысь куд-ог дышетскисьёсты шедьтыса,2соослы шуиз: «Оскыны кутскем берады Святой Духез кабыл басьтӥды-а?» Нош соос солы шуизы: «Нош милям кылэммы но ӧвӧл, вань-а, ӧвӧл-а Святой Дух».3Павел соослы шуиз: «Кыӵе пылатонэн тӥ пылатӥськиды?» Соос ответ сётӥзы: «Иоаннлэн пылатонэныз».4Павел шуиз: «Кинъёс ӧпкельыса сьӧлыкъёслэсь куштӥськизы, соосты Иоанн пылатӥз. Со бӧрсьы Лыктӥсьлы, Иисус Христослы, мед оскозы шуыса, адямиосты дышетӥз».5Тае кылыса, соос Кузё-Инмарлэн Иисуслэн нимыз понна пылатӥськизы.6Нош Павел соос вылэ кизэ понэм бере соос вылэ Святой Дух васькиз, соку соос мукет кылъёсын вераськыны но Инмарлэсь кылзэ ивортыны кутскизы.7Соос ог дас кык мурт вал.

8Павел сӥнагогае лыктӥз но куинь толэзь ӵоже Инмар Эксэйлык сярысь кышкатэк тодытыса-вераса, оскон пыӵатыса улӥз.9Нош куд-огезлэн сюлэмзы чурытомемен, оскымтэысьтызы, калык азьын Кузё-Инмарлэсь сюрессэ урод кылъёсын куаретэмысьтызы, Павел, дышетскисьёсты сьӧраз басьтыса, соос дорысь кошкиз. Нуналлы быдэ Тираннлэн училищеяз дышетыса-тодытыса улӥз.10Тазьы ог кык ар ӵоже кыстӥськиз. Соку Асия шаерын вань улӥсьёс, кызьы ке иудейёс, озьы ик мукет калыкъёс, Кузё-Инмар Иисус сярысь тодытонэз кылӥзы.

11Павеллэн киыз пыр Инмар трос паймымон ужъёс лэсьтӥз.12Тани, солэсь нуллэм дӥськутъёссэ висисьёс вылэ понылӥзы но, соос висемысь дугдылӥзы, соос пушкысь периос потылӥзы.13Иудейёс пӧлысь куд-ог пыдйылчи туно-пеллёос гинэ но перияськем муртъёс вылын Кузё-Инмарлэсь Иисуслэсь нимзэ поттылыны кутскизы, шуылӥзы: «Иисуслэн нимыныз, Кудӥз сярысь Павел тодытэ, тӥледыз потыны косӥсько».14Тазьы лэсьто вылэм Скева нимо иудей архиерейлэн сизьым пиосыз.15Ответ сётыса, пери шуиз: «Иисусэз тодӥсько, Павел но мыным тодмо, нош тӥ кинъёс луиськоды?»16Перияськем адями вылазы тэтчиз но соосты вормыса туж зол жугиз. Соос гольык, ӟуз вир луыса, со коркась пегӟыса кошконо луизы.17Ефесын улӥсь вань иудейёслы, озьы ик мукет калыкъёслы но та тодмо луиз, ваньзы соос кышканы кутскизы. Со дырысен Кузё-Инмарлэн Иисуслэн нимыз туж тодмо-дано луиз.18Оскыны кутскемъёс пӧлысь тросэз лыктыса асьсэлэсь сьӧлыко ужъёссэс ватытэк-танытэк веразы.19Нош тунаськонэн вырисьёс пӧлысь тросэз книгаоссэс люкаса, вань калык азьын сутӥзы. Книгаослэсь дунзэ ӵотазы: витьтон сюрс драхма тыр луэм.20Таӵе кужымен вӧлмыны, йылыны кутскиз Кузё-Инмарлэн кылыз.

21Та учыр бере, Духлэн валтэмезъя, Павел малпаз, Македонияен Ахаия пыр потыса, Иерусалиме мыныны. Со шуиз: «Отчы вуылэм берам Римез но мон адӟыны кулэ».22Аслэсьтыз юрттӥськисьёссэ, Тимофеен Ерастэз, кыкназэс Македонияе ыстӥз, нош ачиз огдырлы Асияе кылиз.

23Со виын Кузё-Инмарлэн сюресэзлы пумит Ефесын бадӟым бугыръяськон ӝутскиз.24Кыӵе ке но Димитрий нимо азвесь тӥрлык дурись, Артемидалы сӥзем вӧсь коркалэсь сульдэрзэ лэсьтылӥсь, кибашлыослы бадӟым барыш вайылӥсь мурт,25ачиз выллем азвесь тӥрлык лэсьтӥсьёсты люкаса шуиз: «Эшъёс! Тӥ тодӥськоды ук, та ужмы бордысь асьмелэн тыр улонмы потэ шуыса.26Тӥ адӟиськоды но, кылӥськоды но ук Ефесын гинэ ӧвӧл, оло, быдэс Асияын та Павел, ”адями киын лэсьтэм инмаръёс Инмар ӧвӧл” шуыса, аслаз веран-оскытонъёсыныз трос калыкез ас палаз берыктӥз ини.27Та асьмелэн ужмылы гинэ урод дан, кышкытлык уг вайы, та бере быдӟым инмармылы Артемидалы сӥзем вӧсь корка но номыр ӵотэ уз ни понӥськы, Асиялэн но, быдэс дуннелэн но сӥлы кароно Артемидаезлэн быдӟымлыкез куашкалоз».

28Тае кылзэм беразы соос йыркурен пачылмыса кесяськыны кутскизы: «Ефесысь Артемида быдӟым!»29Быдэс городын огыр-бугыр луиз. Павеллэсь ӵош ветлон эшъёссэ, македон пиосты Гаиез но Аристархез кырмыса, соос огкылысь калык люкаськон инты доры дыртӥзы.30Павел калык пӧлы потыны малпаз вал, но дышетскисьёс сое ӧз лэзе.31Озьы ик Асияысь куд-ог кивалтӥсьёс но, Павеллэн эшъёсыз, со доры адямиосты ыстӥзы, калык люкаськон интые медаз пота вал шуыса, сое куризы.32Со куспын ик одӥгъёсыз кеськизы одӥг сямен, нош мукетъёсыз – мукет сямен; уго кенешсы радъямын ӧй вал, люкаськемъёс пӧлысь тросэз ӧз но тодэ, малы соос татчы люкаськизы.33Иудейёс калык пушкысь Александрез поттыны куризы. Калыклы валэктыны турттыса, Александр киыныз возьматӥз.34Нош со иудей шуыса тодэм беразы соку одӥг ымысь кадь черекъяны кутскизы, ог кык час мында кесяськизы: «Ефесысь Артемида быдӟым!»

35Калыкез буйгатыса, кенешез нуись шуиз: «Ефес калык! Кыӵе адями уг тоды, Ефес карын быдӟым Артемидалы сӥзем вӧсь коркаез но Диопетэз сӥлы карыса возё шуыса?36Та пумысен ченгешоно ӧвӧл, тӥледлы зӥбыт кариськоно, малпаськытэк номыр лэсьтоно ӧвӧл.37Нош тӥ татчы та воргоронъёсты вайиды, соос Артемидалы сӥзем вӧсь коркась номырзэ но ӧз лушкалэ, инмармес но ӧз курлалэ.38Нош Димитрийлэн но, соин ӵош мукет кибашлыослэн кинлы ке но пумит веранзы вань на ке, вань суд, вань проконсулъёс: огзэс огзы судэ мед сётозы.39Нош тӥляд эшшо мукет юан-веранъёсты вань ке, со законэн пуктэм кенешын эскеремын луыны кулэ.40Уго асьмеос кышкыт азе сюремын – туннэ нуналын бугыръяськон ортчем понна янгыше медаз уськытэ вал. Таӵе бугыръяськон ӝутскем понна шонере потыны нокыӵе но муг ӧвӧл». Тае вераз но люкаськем калыкез гуртазы бертыны косӥз.


*а 19:24 Артемида – язычникъёслэн ”инмарзылэн” нимыз


предыдущая глава Глава 19 следующая глава