Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

АПОСТОЛЪЁСЛЭН УЖЪЁССЫ

Глава 12

12-тӥ ЛЮКЕТ

1Со вадесын Ирод эксэй, урод малпаса, черклэсь куд-ог адямиоссэ ӝикатыса возьыны кутскиз.2Иоаннлэсь агайзэ Иаковез мечен коратӥз.3Та уж иудейёслы кельше шуыса валаз но та бере Петрез но кутытӥз, – соку Юмал Нянь Сиён праздник нуналъёс вал, –4кутыса Ирод сое пытсэтэ ворсатӥз, дас куать солдатъёсты сое возьманы косӥз. Пасха бере со Петрез калык азе поттыны малпаз.5Озьы, Петрез пытсэтын возизы; черк со понна сюлмысьтыз Инмарлы вӧсяськиз.

6Иродлэн сое калык азе поттыны малпам нуналэзлэн азьвыл уяз Петр кык солдатъёс вискын кӧлӥз, кык жильыен думылэмын вал со. Возьмаськисьёс ӧс дорын пытсэтэз возьмаса улӥзы.7Но, тани, Кузё-Инмарлэн Кылчинэз Петрлэн азяз султӥз, пытсэт пушкын югыт пиштыны кутскиз. Петрлэн кӧтурдэсаз йӧтӥськыса, Кылчин сое сайкатыса шуиз: «Ӝоггес султы!» Соку ик Петрлэн киосысьтыз жильыосыз усизы.8Кылчин солы шуиз: «Кустэ дум, пыддэ кутча». Петр озьы ик кариз. Собере Кылчин солы шуиз: «Дӥсяськы но мон сьӧры мын».9Петр, пытсэтысь потыса, со бӧрсьы мынӥз. Кылчинлэсь лэсьтэмзэ зэм уж шуыса ӧз малпа, адӟон адӟисько шуыса малпаз.10Нырысетӥзэ но, кыкетӥзэ но возьмаськисьёсты ортчыса, соос городэ нуись корт капка доры вуизы. Со капка ас понназ ачиз соослы усьтӥськиз; соос потӥзы но одӥгзэ ульчаез пыр ортчизы. Шӧдтэк шорысь Петр вӧзысь Кылчин ышиз.

11Мар луэмез валаса, Петр шуиз: «Табере мон зэмзэ ик адӟисько, Кузё-Инмар Аслэсьтыз Кылчинзэ ыстӥз но монэ Иродлэн киулысьтыз, иудей калык мае возьма вал, ваньмызлэсь солэсь монэ мозмытӥз».12Котыр учкыса чакласькиз но Марк шуон Иоаннлэн анаезлэн, Мариялэн, корка палаз мынӥз. Отын трос кузя люкаськыса вӧсясько вал.13Петр капка борды йыгаськем бере Рода нимо медо кышно кылзӥськыны потӥз.14Петрлэсь куаразэ тодмаса, шумпотэменыз капкаез ӧз усьты, бызьыса пыриз но Петр капка выжыын сылэ шуыса ялӥз.15Соос Родалы шуизы: «Визьдэ ӧд ышты-а?» Нош Рода зэм со шуыса, ас нырзэ кариз. Соос шуизы: «Со – Петрлэн Кылчинэз».16Петр ялан йыгаськыса сылӥз; усьтэм беразы сое адӟыса паймизы.17Нош соос чус мед кариськозы шуыса, со киыныз возьматӥз. Соослы вераз, кызьы Кузё-Инмар сое пытсэтысь поттӥз. Петр та сярысь Иаковлы но, мукет агай-вынъёслы но ивортыны косӥз. Собере, отысь потыса, Петр мукет интые кошкиз.

18Нунал вордскем бере, Петрен мар меда луиз шуыса, солдатъёс зол куалектӥзы.19Ирод сое утчаса ӧз шедьты. Возьмаськисьёслэсь кылзэс юаса судить кариз. Соосты виыны косӥз. Собере Ирод, Иудеяысь Кесарияе кошкыса, кӧня ке но дыр отын улӥз.

20Тирын но Сӥдонын улӥсьёслы Ирод йыркуръяськыса улӥз. Нош соос, одӥг кылысь кариськыса, эксэйлэсь самой матысь медозэ, Властэз, асьсэ пала каризы. Собере соос Ирод доры куспазы тупаса улон курыны лыктӥзы, малы ке шуоно соослэн ёроссы эксэйлэн ёросысьтыз люкетэн кӧтсэ тырыса улэ вал.21Тупатэм нуналэ Ирод, эксэй дӥськут дӥсяса, эксэй пукон вылэ пуксиз но соослы вераны кутскиз,22нош калык бадӟым куараен вазиськылӥз: «Та – Инмарлэн куараез, адямилэн ӧвӧл».23Нош Ирод Инмарез санэ ӧз поны. Со понна Кузё-Инмарлэн Кылчинэз сое син куспын погыртӥз. Нумыръёс йыръем бере гинэ солэн лулыз потӥз.

24Инмарлэн кылыз кужмояз, паськыт вӧлмыны кутскиз.25Варнава но Савл, лэсьтоно ужзэс быдэстыса, Иерусалимысь (Антиохияе) берытскизы. Бӧрсязы Марк шуон Иоаннэз но басьтӥзы.


*а 12:17 таиз Иаков Иосифлэн пиез луэ, сое Зеведей Иаковен, Иоаннлэн агаеныз, сурано ӧвӧл


предыдущая глава Глава 12 следующая глава