Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

ЛУКАЛЭСЬ ӞЕЧ ИВОР

Глава 3

3-тӥ ЛЮКЕТ

1Тиверий кесарьлэн кивалтонэзлэн дас витетӥ араз, Иудеяын кузёяськыса Понтий Пилат улон аре, Галилеяын ньылетӥ люкетыныз кивалтӥсь луыса Ирод улӥз. Солэн Филипп братэз Итуреяын но Трахонит ёросын, нош Лисаний Авилинеяын ньылетӥ люкетыныз кивалтыса улӥзы.2Соку, Анна но Каиафа архиерейёс дыръя, Захариялэн пиезлы Иоаннлы кыр дуннеысен Инмарлэсь веран вал.3Сьӧлыкъёсты куштон понна ӧпкельыса пылатӥськон сярысь тодытыса, со котыр Иордан ёростӥ ветлӥз.4Исаия пророклэн кыл книгаяз гожтэмын:

«Кыр дуннеын кеськисьлэн куараез:
Кузё-Инмарлы сюрес дасялэ,
шонертэлэ Солы сюресэз.
5Котькыӵе нёжал но пачыл мед луоз,
котькыӵе гурезь но выр мед лапегалозы,
кырыж интыос мед шонералозы,
выро-гопо сюресъёс мед ӵошкыталозы.
6Инмарлэсь утёнзэ вань адямиос ас синмынызы адӟозы».

7Со доры пылатӥськыны лыктэм калыклы Иоанн шуиз: «Сьӧд кыйлэн вордосъёсыз! Вуоно вожпоттонлэсь пегӟыны кин тӥледлы валэктӥз?8Ӧпкельыса сьӧлыкъёстэс быдтыны ярамон емышъёс будэтэлэ ук, эн но малпалэ асьтэлы асьтэос вераны: ”Атаймы милям Авраам”. Тӥледлы мон верасько: Инмар та изъёсты Авраамлы нылпи карыны быгатоз.9Тӥр но писпуос выжыын кылле ини: ӟеч емыш вайисьтэм котькудзэ но писпуэз корало но тылэ кушто».10Калык солэсь юаз: «Мар бен милемлы кароно?»11Соослы ответ сётыса, со шуиз: «Кинлэн кык дӥсянэз, одӥгзэ ӧвӧлтэм муртлы сёт; кинлэн сиёнэз вань, озьы ик кар».12Выт бичасьёс но пылатӥськыны лыктӥзы. Соос солы шуизы: «Дышетӥсь! Мар милемлы кароно?»13Соослы со ответ сётӥз: «Тӥледлы мар сётэмын, солэсь номыр но мултэссэ эн куре».14Солэсь солдатъёс но юазы: «Милемлы нош мар кароно?» Соослы со шуиз: «Нокинэ но эн ултӥялэ, эн урттылӥське, сётэм уждунэныды тыр луэ».

15Калык возьмаськыса улон дыръя ваньзы Иоанн сярысь, та Христос ӧвӧл меда шуыса, сюлмазы малпанэн улӥзы.16Иоанн ваньзылы ответ сётӥз: «Мон тӥледыз вуэн пылатӥсько, но лыктэ мынэсьтым Кужмоез, Солэсь пыдкутчан езэ пертчыны но мон ярамон ӧвӧл. Со тӥледыз Святой Духен но тылын пылатоз.17Солэн сускичез но кияз ини, Со Аслэсьтыз итымзэ сузялоз, чабейзэ кеносаз люкалоз, нош курозэ кысылӥсьтэм тылын сутоз».18Калыкез дышетыса, трос мукет ӟеч иворъёс со вераз соослы.

19Иоанн Иродэз, ньылетӥ люкетэн кивалтӥсез, аслаз вынызлэн кышноеныз Иродиадаен азыса улэмез, нош озьы ик Иродлэн вань урод ужъёсыз понна, сое шара куаретылэмез понна, –20ваньмыз борды Ирод тае ватсаз на – Иоаннэз пытсэтэ ворсатӥз.

21Вань калык пылатӥськиз. Иисус но пылатӥськиз; пылатӥськем бераз, вӧсяськыса улыкуз, ин усьтӥськиз,22Со вылэ дыдык выллем мугорын Святой Дух лэзиськиз. Инмысен куара кылӥськиз: «Тон Мынам Яратоно Пие. Тон бордын Мынам ӟеч эрике!»

23Тодытыны кутскыкуз, Иисуслы ог куамын арес котырын вал. Малпало вал, Со Иосифлэн пиез шуыса, нош таиз Илийлэн,24Матфатлэн, Левийлэн, Мелхийлэн, Ианнайлэн, Иосифлэн,25Маттафийлэн, Амослэн, Наумлэн, Еслимлэн, Наггейлэн,26Маафлэн, Маттафийлэн, Семейлэн, Иосийлэн, Иудалэн,27Иоаннанлэн, Рисайлэн, Зоровавельлэн, Салафиильлэн, Нирийлэн,28Мелхийлэн, Аддийлэн, Косамлэн, Елмодамлэн, Ирлэн,29Иосиялэн, Елиезерлэн, Иоримлэн, Матфатлэн, Левийлэн,30Симеонлэн, Иудалэн, Иосифлэн, Ионанлэн, Елиакимлэн,31Мелеайлэн, Маинанлэн, Маттафайлэн, Нафанлэн, Давидлэн,32Иессейлэн, Овидлэн, Воозлэн, Салмонлэн, Наассонлэн,33Аминадавлэн, Арамлэн, Есромлэн, Фареслэн, Иудалэн,34Иаковлэн, Исааклэн, Авраамлэн, Фаралэн, Нахорлэн,35Серухлэн, Рагавлэн, Фалеклэн, Еверлэн, Салалэн,36Каинанлэн, Арфаксадлэн, Сӥмлэн, Нойлэн, Ламехлэн,37Мафусаллэн, Енохлэн, Иаредлэн, Малелеиллэн, Каинанлэн,38Енослэн, Сӥфлэн, Адамлэн, Инмарлэн шуыса.


*а 3:6 Ис. 40:3-5


предыдущая глава Глава 3 следующая глава