Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

МАРКЛЭСЬ ӞЕЧ ИВОР

Глава 11

11-тӥ ЛЮКЕТ

1Иерусалиме тубыкузы, Виффагияен Вифания гуртъёслы, Елеон гурезьлы матэ вуэм беразы Иисус кыксэ дышетскисьёссэ ыстӥз2но соослы шуиз: «Азьпалады адӟиськись гуртэ мынэлэ. Отчы пырем берады ик гозыям ишакпиез шедьтоды, адямиос пӧлысь со вылэ нокин но татчыозь ӧз на пуксьылы. Пертчыса сое татчы вае.3Нош кин ке тӥледлы шуиз ке: ”Мар тӥ озьы лэсьтӥськоды?” Тӥ шуэлэ: ”Со Кузё-Инмарлы кулэ, сое татчы Со берен лэзёз”».4Соос мынӥзы но урамысь, капка доры думем ишакпиез шедьтӥзы, пертчизы сое.5Сылӥсьёс пӧлысь куд-огез соослы шуизы: «Мар тӥ лэсьтӥськоды? Малы ишакпиез пертчылӥськоды?»6Соос веразы озьы, кызьы Иисус косӥз; собере соосты басьтыны лэзизы.7Ишакпиез Иисус доры вайизы но солэн тыбыр вылаз дӥськутъёссэс тыризы; Иисус со вылэ пуксиз.8Тросэз асьсэлэсь дӥськутсэс сюрес вылэ вӧлдӥзы, нош мукетъёсыз, писпу вайёсты вандылыса, сюрес вылэ вӧлдӥзы.9Азьтӥз мынӥсьёс но, сьӧраз мынӥсьёс но черекъязы:

«Осанна! Кузё-Инмарлэн нимыз понна Лыктӥсь дано!
10Кузё-Инмарлэн нимыз понна
Давид атаймылэн лыктӥсь эксэйлыкез дано!
Осанна вылӥын!»

11Иисус Иерусалиме пыриз но храме мынӥз. Котырак ваньзэ учкиз. Бер ӝыт вал ини. Дас кык дышетскисьёссэ басьтыса, Вифание кошкиз.

12Ӵуказеяз, Вифанияысь потэм беразы, Иисуслэн сиемез потӥз.13Кыдёкысен ик куарен шобыртӥськем смоквапуэз адӟиз но, марзэ ке но солэсь уг шедьты-а шуыса, Со доры мынӥз. Лыктӥз но, куарзэ сяна, номырзэ но ӧз шедьты, соку смоква бичан дыр вуымтэ на вал уга.14Иисус солы шуиз: «Туннэ нуналысен, вань дауръёс ӵоже, нокин но, ноку но тынэсьтыд емыштэ медаз ни сиы». Тае дышетскисьёсыз кылӥзы.

15Иерусалиме лыктӥзы. Иисус храме пыриз но отын вузкарисьёсты, басьяськисьёсты улляса поттаны кутскиз; вошъяськыса улӥсьёслэсь ӝӧкъёссэс, дыдыкъёсын вузкарисьёслэсь ӟусъёссэс кымалляз;16храм пыр нокинэ но, нокыӵе но тӥрлык нуллыны ӧз лэзьы.17Соосыз дышетыса вераз: «Гожтэмын ӧвӧл-а – ”Мынам коркае вань калыкъёс понна вӧсяськон корка шуыса нимаськоз”? Нош тӥ сое лушкаськисьёслы люкаськон интылы пӧрмытӥды».18Тае книга тодӥсьёс но архиерейёс кылӥзы, кызьы ке но Сое виыны муг утчазы. Солэсь кышкаса улӥзы, уго адӟо вал, кызьы калык Солэсь дышетонзэ паймыса кылзӥське.19Бер ӝыт Со город сьӧры потӥз.

20Ӵукна, смоквапу вӧзтӥ ортчыкузы, адӟизы: со выжыозяз куасьмемын.21Петрлэн тодаз лыктыса шуиз: «Дышетӥсь! Учкы ай, каргам смоквапу куасьмем».22Иисус соослы шуиз:23«Инмарлы осконэн улэ. Зэм ик тӥледлы верасько: кин сюлмыныз шекланытэк, оскыса та гурезьлы ”ӝутӥськы но зарезе гылӟы” шуиз ке, солэн верам кылызъя луоз, мар гинэ уз вера – ваньмыз быдэсмоз.24Соин ик тӥледлы шуисько: вӧсяськыса мар гинэ уд куре, басьто шуыса оскелэ, – ваньмыз тӥледлы луоз.25Вӧсяськыса сылыкуды, Инмысь Атайды сьӧлыкамдэс мед куштоз шуиськоды ке, нырысь ик асьтэос, вожпотон муртты вань ке, солэсь сьӧлыкамъёссэ куштэлэ.26Ӧд ке куштэ, Инмысь Атайды но тӥлесьтыд сьӧлыкамдэс уз кушты».

27Нош ик Иерусалиме лыктӥзы. Храм пушкытӥ ветлыкуз, Со доры архиерейёс, книга тодӥсьёс, тӧроос лыктӥзы28но Солы шуизы: «Кыӵе кужымен Тон тае лэсьтӥськод? Тае лэсьтыны кин Тыныд кужым сётӥз?»29Соослэн пумитазы Иисус шуиз: «Мон но тӥледлы одӥг юан сёто, вералэ Мыным, соку Мон но тӥледлы верало, кыӵе кужымен Мон тае лэсьтӥсько.30Иоаннлэн пылатонэз Инмысен вал-а, адямиос бордысен-а? Вералэ Мыным».31Соку соос куспазы вераськизы: «”Инмысен” ке шуимы, Со шуоз: ”Малы нош тӥ солы ӧд оске?”»32«Адямиос бордысь» ке шуоно – калыклэсь кышкаллям, малы ке шуоно ваньмыз малпало вал, Иоанн зэмзэ но пророк вал шуыса.33Иисуслы ответ сётыса шуизы: «Ум тодӥське». Соку Иисус соослы шуиз: «Мон но тӥледлы уг вера, кыӵе кужымен Мон тае лэсьтӥсько».


*а 11:9 Пс. 117:26


предыдущая глава Глава 11 следующая глава