Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

МАРКЛЭСЬ ӞЕЧ ИВОР

Глава 9

9-тӥ ЛЮКЕТ

1Иисус соослы шуиз: «Зэм ик тӥледлы верасько, татын сылӥсьёс пӧлын вань куд-ог адямиос, соос кулыса уз вуэ, кужмын лыктӥсь Инмар Эксэйлыкез адӟозы».

2Куать нунал ортчыса, Иисус Петрез, Иаковез но Иоаннэз асьсэ понназэс гинэ сьӧраз басьтӥз но, ӝужыт гурезь йылэ тубыса, соос азьын воштӥськиз:3дӥсянэз чиляса пиштӥсь, лымы кадь юг-юг тӧдьы луиз, музъем вылысь одӥгезлэн но дэра гужатӥсьлэн сыӵе тӧдьы каремез уз луы.4Соослы Илияен Моисей возьматскизы; Иисусэн вераськыса улӥзы.5Соку Петр Иисуслы шуиз: «Дышетӥсь! Милемлы татын улыны ӟеч; ваелэ куинь тылыс пуктоме: одӥгзэ Тыныд, одӥгзэ Моисейлы, одӥгзэ Илиялы».6Куалектэменыз сэрен мар вераны ӧз тоды ни.7Пилем вуыса соосты шобыртӥз, пилем пушкысь куара кылӥськиз: «Та Мынам Яратоно Пие, Солэсь кылзӥське».8Соку соос котырак учкизы но, Иисусэз сяна, нокинэ но мукетсэ ӧз адӟе.

9Гурезь йылысь васькыкузы, Адями Пи кулэмысь улӟыса султытозь, та адӟемзэс одӥг муртлы но Со вераны ӧз лэзьы.10Та кылэз тодазы возизы, куспазы ог-огзылэсь юазы: «Мар шуэм со: кулэмысь улӟыны?»11Солэсь юазы: «Кызьы озьы книга тодӥсьёс верало нырысь ик, пе, Илия лыктыны кулэ?»12Ответ сётыса, Иисус соослы шуиз: «Зэм, нырысь ик Илия лыктыса ваньзэ дасяны-тупатыны кулэ. Адями Пилы, кызьы гожтэмын Со сярысь, трос курадӟонэз, сантэманэз адӟоно луоз.13Но тӥледлы верасько: Илия лыктӥз но, кызьы гожтэмын со сярысь, мар каремзы потӥз, озьы ик каризы».

14Дышетскисьёсыз доры лыктыса, соос котыре люкаськем трос калыкез, соосын ченгешыса сылӥсь книга тодӥсьёсты Иисус синйылтӥз.15Соку, Сое адӟыса, вань калык паймиз, бызьыса мынӥз но Соин ӟечбуръяськиз.16Книга тодӥсьёслэсь Со юаз: «Мар сярысь тӥ соосын ченгешиськоды?»17Калык пушкысь одӥгез шуиз: «Дышетӥсь! Тон доры мон периен кылтэм карем пиме вайи вал.18Кытысен гинэ уг куты, соку ик пери сое муз вылэ погыртэ, соку ымысьтыз шукы потыны кутске, пиньёссэ гизьыр йыръе, мугорыз пуме; Тынад дышетскисьёсыдлэсь ”перизэ улляса поттэ” шуыса кури вал, но соос поттыны ӧз быгатэ».

19Солы ответ сётыса, Иисус шуиз: «Эй, оскисьтэм выжы! Кема уло на-а тӥ пӧлын? Кема-а чидало на тӥледыз? Ваелэ сое Мон доры».20Со муртэз Иисус доры вайизы. Перияськем мурт Сое адӟыса гинэ вуиз, пери соку ик сое дыр-р! куалекъятӥз; муз вылэ усьыса бекмылляськиз, ымысьтыз шукы потыса улӥз.21Иисус солэн атаезлэсь юаз: «Кемалась-а тазьы луиз ни?» – «Пичи дырысеныз, – шуиз со, –22пери сое трос пол, виён вылысь, тыл пӧлы но, вуэ но куяз; юрттыны быгатӥськод ке, жаля милемыз, юртты милемлы».23Иисус солы шуиз: «Ӧжыт ке но быгатӥськод-а оскыны? Оскись муртлы котьмар луоно».24Соку ик та пилэн атаез синкылиен бӧрдыса кеськиз: «Оскисько, Кузёе! Юртты, ӧжыт ке мынам осконэ».25Калыклэсь люкаськемзэ адӟыса, Иисус перилы алыса вераз: «Эй, кылтэм, пельтэм пери! Мон тонэ косӥсько, пот со пушкысь но берен со пушкы ноку но эн ни пыры».26Черектӥськыса, сое юн сэзъялтыса, пери со пушкысь потӥз; со пи кулэм мурт кадь ик луиз, тросэз «со кулӥз ни» шуизы.27Нош Иисус сое китӥз кутыса ӝутӥз но, со пыд вылаз султӥз.28Иисус корка пырем бере, асьсэ понна кыльыку, дышетскисьёсыз Солэсь юазы: «Ми нош малы сое улляса поттыны ӧм быгатэ?»29Соослы Со шуиз: «Та выжыез, вӧсяськыса но визь утьыса сяна, номырин но поттыны уг луы».

30Отысь потыса, Галилея пыр ортчизы. Солэн Ассэ нокинлы но тодматэмез ӧз поты;31уго дышетскисьёсызлы Со тазьы дышетыса вераз: «Адями Пи адямиослэн киулазы сётэмын луоз, Сое виёзы, вием беразы куинетӥ нуналаз Со улӟыса султоз».32Та верам кылъёсыз соос ӧз валалэ, юаны ке нош – кышказы.

33Капернауме вуиз. Коркан улыкузы, Иисус соослэсь юаз: «Сюрес кузя куспады мар сярысь вераськыса лыктӥды?»34Шып улӥзы, сюрес кузя лыктыкузы, «кин ваньмызлэсь бадӟымез» шуыса, асьсэ куспын вераськизы вал уга соос.35Пуксиз но, дораз дас кык дышетскисьёссэ ӧтьыса, соослы вераз: «Кинлэн ваньмызлэсь азьпала потэмез потэ, со ваньмызлэн бераз мед кылёз, ваньмызлы ляльчи мед луоз».36Пичи муртэ кутӥз но соослэн шоразы султытӥз, ӟыгыртӥз но соослы шуиз:37«Кин Мынам нимы понна одӥгзэ таӵе пиналэз кабыл басьтэ, со Монэ кабыл басьтэ; нош кин Монэ кабыл басьтэ, со Монэ кабыл уг басьты, со Монэ Ыстӥсез кабыл басьтэ».

38Соку Иоанн шуиз: «Дышетӥсь! Тынад нимыныд периосты уллясь адямиез ми адӟимы, нош со асьме сьӧры уг ветлы. Со ужен вырыны ӧм ни лэзе, малы ке шуоно асьме сьӧры уг ветлы».39Иисус шуиз: «Эн алэ сое; Мынам нимыным паймымон уж лэсьтӥсь муртлэн со дыре ик Монэ лек кылъёсын ултӥямез уз луы;40уго кин тӥледлы пумит ӧвӧл, со – тӥ палан.41Кин ке Мынам нимы понна тӥледлы одӥг сюмык ву сётӥз ке, тӥ Христослэн муртъёсыз уго, зэм ик верасько, со мурт аслэсьтыз медзэ-кузьымзэ уз ышты.

42Нош кин одӥгзэ та пичиос пӧлысь, Мыным оскисез, сьӧлыке пыртӥз ке, солы умойгес луысал, чыртыяз вуко кӧ ошыса зарезе куштысалзы ке.43Киыд тонэ сьӧлыке пыртэ ке, ӵогыса кушты сое: тыныд умойгес луоз китэк улонэ пырыны, кык киыныд ик гееннае, ноку но кысылӥсьтэм тыл пушкы пыронлэсь,44кытын соослэн нумырзы но уг кулы, тыл но уг кысы.45Пыдыд тонэ сьӧлыке пыртэ ке, ӵогыса кушты сое: тыныд умойгес луоз пыдтэк улонэ пырыны, кык пыдыныд но гееннае, ноку но кысылӥсьтэм тыл пушкы куштӥськонлэсь,46кытын соослэн нумырзы но уг кулы, тыл но уг кысы.47Синмыд тонэ сьӧлыке пыртэ ке, ишкалты сое: тыныд умойгес луоз пал синмын Инмар Эксэйлыке пырыны, кык синмыныд но ӝуась гееннае куштӥськонлэсь,48кытын соослэн нумырзы но уг кулы, тыл но уг кысы.49Уго котькин но тылын сылалтӥськоз, котькыӵе курбон сылалэн сылалтӥськоз.

50Сылал – со ӟеч маке; нош сылаллэн кузьытэз быриз ке, маин сое тупатоды на? Пушкады сылалэз медаз быры, куспады тупаса улэлэ».


предыдущая глава Глава 9 следующая глава