Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

МАРКЛЭСЬ ӞЕЧ ИВОР

Глава 8

8-тӥ ЛЮКЕТ

1Та нуналэ туж трос калык люкаськиз, номыр сиёнзы ӧй ни вал, соку Иисус Аслэсьтыз дышетскисьёссэ ӧтьыса шуиз:2«Жаль потэ Мыным калык, куинь нунал Мон бордын уло ни, номыр сиёнзы но ӧвӧл,3сюдытэк гуртазы лэзи ке, сюрес вылын лябӟозы, кыдёкысь лыктэмъёс но вань ук».4Дышетскисьёсыз Солы шуизы: «Соосты сюдыны кытысь, кин та кыр дуннеын нянь басьтыны быгатоз?»5Соослэсь Иисус юаз: «Кӧня няньды вань?» Соос шуизы: «Сизьым».6Соку Со калыкез музъем вылэ пуксьылыны косӥз; сизьым нянез басьтӥз но тау карыса тӥялтӥз; калыклы мед люкылозы шуыса, дышетскисьёсызлы сётъяз; соос калыклы сётъязы.7Кӧня ке но чорыгзы но вал; бакель кариз но калыклы сётъяны косӥз.8Сиизы, кӧтсы тыриз; кылем нянь юдэсъёссэс сизьым кудые люказы.9Сиськисьёс ог ньыль сюрс мында вал. Соосты Со гуртазы лэзиз.

10Нош Ачиз дышетскисьёсыныз ӵош пыже пыриз но Далмануф шуон шаере вуиз.11Фарисейёс потыса Соин ченгешыны кутскизы, визьзэ сынаса, инмысен тодмет мед возьматоз шуыса, Солэсь куризы.12Со мур лулӟиськыса шуиз: «Та выжы малы тодмет куре? Зэм ик тӥледлы верасько, та выжылы тодмет уз сётӥськы».13Соосты кельтыса, нош ик пыже пыриз но тупала выжиз.

14Дышетскисьёсыз нянь басьтыны вунэтӥллям, бордазы пыжын одӥг гинэ нянь сукыризы вал.15Дышетскисьёсызлы алыса вераз: «Чаклаське, утиське фарисейёслэн шӧмзылэсь, Иродлэн шӧмызлэсь».16Куспазы вераськыса шуизы: «Асьмелэн няньмы ӧвӧл шуэмез та возьматэ».17Валатскыса Иисус соослы шуиз: «Малы тӥ няньмы ӧвӧл шуыса вераськиськоды? Али но уд тодӥське-а, уд валаське-а? Ялан сюлэмды измемын на-а?18Синды вань но – уд адӟиське-а? Пельды вань но – уд кылӥське-а? Тодады но уд вайиське-а?19Вить сукыри нянь тӥялтыса вить сюрс муртэ сюдыкум, кӧня куды тыр нянь юдэсъёсты люкады?» Солы шуизы: «Дас кык».20«Нош сизьымзэ ньыль сюрс муртлы тӥялтыкум, кӧня куды тыр нянь юдэсъёсты люкады?» Шуизы: «Сизьым».21Соослы Иисус шуиз: «Али но тӥ уд на-а валаське?»

22Вифсаидае вуиз. Со доры синтэм муртэз вайизы но, со борды мед йӧтӥськоз вал шуыса, Солэсь куризы.23Синтэм адямиез, китӥз кутыса, гурт сьӧры поттӥз, синмаз сялӟиз но вылаз кизэ поныса юаз: «Мар ке адӟиськод-а?»24Со мурт учкыса шуиз: «Кошкись муртъёсты писпуосты кадь адӟисько».25Нош ик солэн син вылаз кизэ понӥз но учкыны косӥз. Со пи бурмиз, ваньзэ чылкыт адӟыны кутскиз.26Иисус сое дораз бертыны косӥз но солы шуиз: «Гуртэ эн пыры, гуртын нокинлы но эн вера».

27Собере Иисус дышетскисьёсыныз ӵош Филипплэн кивалтоно Кесария ёросысьтыз гуртъёсы мынӥз. Сюрес вылысен дышетскисьёсызлэсь юаз: «Адямиос Монэ кин шуыса лыдъяло?»28Соос веразы: «Иоанн Пылатӥсь шуо, мукетъёсыз – Илия, нош куд-огез пророкъёс пӧлысь кудӥз ке но огез шуыса верало».29Соослэсь Со юаз: «Нош тӥ асьтэос Монэ кин шуыса лыдъяськоды?» Петр ответ сётыса шуиз: «Тон – Христос».30Иисус Ачиз сярысь нокинлы но вераны ӧз лэзьы.

31Собере соосты Со «Адями Пилы трос курадӟонэз чидано луоз, тӧроос, архиерейёс, книга тодӥсьёс Сое палэнтозы, Сое виёзы, куинетӥ нуналаз улӟыса султоз» шуыса дышетыны кутскиз.32Тае Со шара, ваньмызлы кылӥськымон вераз. Петр Сое палэнэ ӧтиз но Соин соглаш луымтэзэ вераны кутскиз.33Дышетскисьёсыз пала берыктӥськиз но, шораз учкыса, Петрез вераськемысь дугдытӥз, солы Со шуиз: «Кошкы Мон дорысь, шайтан, тон Инмарлы яраноез сярысь уд малпаськы ук, адямилы яраноез сярысь тон малпаськод».

34Калыкез дышетскисьёсыныз ӵош матаз ӧтьыса, соослы Со вераз: «Кин Мон сьӧры мыныны малпа, аслэсьтыд ачид куштӥськы, киростэ басьты но Мон сьӧры мын.35Уго кинлэн лулзэ утемез потэ, со сое ыштоз; нош кин Мон понна но Евангелие понна лулзэ ыштоз – со лулзэ утёз.36Кыӵе пайдаез адямилы, быдэс дуннеез аслыз басьтӥз, нош лулызлы изъян лэсьтӥз ке?37Лулзэ утён понна кӧня дун тыроз адями?38Та азэм, сьӧлыко выжы пушкысь кин Мынэсьтым яке Мынам кылъёсылэсь возьдаськиз ке, Адями Пи но, Атаезлэн пиштӥсь данлыкеныз святой Кылчинъёсын валче лыктыкуз, со муртлэсь возьдаськоз».


предыдущая глава Глава 8 следующая глава