Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

МАРКЛЭСЬ ӞЕЧ ИВОР

Глава 5

5-тӥ ЛЮКЕТ

1Зарезьлэн мукет палаз, Гадара шаере вуиз.2Пыжысь потыса гинэ вуиз, Солэн пумитаз шайгу пещераысь перияськыса улӥсь мурт лыктӥз.3Со муртлэн улон интыез шайгуосын вал; нокинлэн но сое жильыен но думылэмез ӧз луы.4Уно пол со думылэмын, жильыямын вал, нош со жильыосты чигтылӥз, думетъёсты тӥялляз; нокинлэн но сое буйгатэмез ӧз луы.5Чик дугдылытэк, уй но нунал, гурезьёсын, шайгуосын кесяськыса, изъёс борды ассэ йыгаса улӥз.6Кыдёкысен ик Иисусэз адӟиз, Со доры бызьыса лыктӥз но, Солы йыбырттыса,7бадӟым куараен черектӥськыса шуиз: «Иисус, Вылысь Инмарлэн Пиез, Тынад мон бордын мар ужед? Инмарлэн нимыныз Тонэ тэльмырыса курисько: эн курадӟыты монэ!»8Уго Иисус солы шуиз: «Пери, пот та адямилэн пушкысьтыз».9Солэсь юаз: «Кызьы тынад нимыд?» Солэн пумитаз со шуиз: «Легион мынам нимы, малы ке шуоно ми трос кузя».10Та музъемысь эн улля вал шуыса, периос Солэсь туж куриськизы.

11Гурезь вӧзын бадӟым парсь уллёез возьмало вал.12Вань периос Солэсь куриськизы: «Парсьёс пушкы милемыз ысты, соос пушкы ми мед пырысалмы».13Иисус соослэсь куронзэс соку ик быдэстӥз. Периос потыса парсьёс пушкы пыризы, соку ик парсьёс меӵ яр йылысен зарезе тэтчазы, отын ог кык сюрс пала парсьёс вал; ваньзы зарезе выйизы.14Нош парсь возьмасьёс бызьыса кошкизы но городын, гуртъёсын та сярысь ивортӥзы. Отын улӥсьёс мар луэмез учкыны потӥзы.15Иисус доры лыктэм беразы адӟизы: перияськыса ветлӥсь адями, кудӥзлэн пушказ легион улӥз, дӥсяськыса пуке, визьмаськем ни; тае адӟыса, куаляк усизы.16Адӟись муртъёс соослы веразы, мар луиз перияськем муртэн, парсьёс сярысь но.17Соослэн улон ёросысьтызы мед кошкоз вал шуыса, Сое курыны кутскизы.18Иисус пыже пырем бере перияськыса улэм мурт Сое куриз, Соин ӵош ветлыны мед лэзёз шуыса.19Нош Иисус сое ӧз лэзьы, Со шуиз: «Гуртад берт асладъёс доры но вера Кузё-Инмар тонэн мар кариз, кызьы Со тонэ жаляз».20Со мурт, Дас каро музъеме мыныса, Иисуслэсь соин ма каремзэ тодытыса ветлӥз. Ваньзы талы паймизы.

21Иисус, пыже пуксьыса, мукет пал ярдуре потэм бере Со котыре трос калык люкаськиз. Со зарезь дурын вал.22Тани сӥнагогаысь кузёос пӧлысь одӥгез, Иаир нимо мурт, лыктӥз но, Сое адӟыса, Солэн азяз пыдесъяськиз.23Солэсь туж куриз: «Нылы кулӥське ни; лыктыса со вылэ кидэ пон, мед бурмысал, улэп мед кыльысал».24Иисус соин ӵош мынӥз. Со бӧрсьы трос калык мынӥз, Сое ӝиптӥзы.

25Вирыз кошкыса, дас кык ар ӵоже курадӟыса улӥсь одӥг кышномурт26трос эмъясьёс дорын трос чидано луиз, маиз гинэ вал, ваньзэ быдтӥз, пайдаез нош нокыӵе но ӧз луы, эшшо но уродгес гинэ луиз,27Иисус сярысь кылӥз но, калык пӧлтӥ бертӥз лыктыса, Солэн дӥськут бордаз йӧтӥськиз;28«Дӥськут бордаз гинэ йӧтӥськи ке – бурмо», – со шуэм вылэм.29Со куспын ик вирыз виямысь дугдӥз, висёнэз быриз ни шуыса, мугорыз шӧдӥз.30Со дыре ик Иисус Ас пушкысьтыз кужмызлэсь потэмзэ шӧдӥз, калык пала кариськыса шуиз: «Кин Мынам дӥськут бордам йӧтӥськиз?»31Дышетскисьёсыз Солы шуизы: «Адӟиськод, калык кызьы Тонэ ӝиптэ, эшшо юаськод: ”Кин Мон борды йӧтӥськиз?”»32Со котырак учкиз, мед адӟо вал, кин тае лэсьтӥз шуыса.33Туж кышкаса но куалектыса, асэныз мар луэмез тодыса, Со доры кышномурт лыктӥз, азяз пыдесъяськыса, номыре ватытэк, ваньзэ вераз.34Нош Иисус солы шуиз: «Нылмурт! Тынад осконэд тонэ утиз. Каньылэн берт, та висёнэныд эн ни висьы».

35Та кылъёсыз Со веран куспетӥ сӥнагогалэн кузёезлэн дорысьтыз лыктыса шуизы: «Нылыд кулӥз ни, малы раньӟытӥськод на Дышетӥсез?»36Иисус та кылъёсыз кылӥз но сӥнагогалэн кузёезлы соку ик шуиз: «Эн кышка, оскы гинэ».37Петрез, Иаковез, Иаковлэсь вынзэ Иоаннэз сяна, нокинэ но бӧрсяз мыныны ӧз лэзьы.38Сӥнагогаысь кузёлэн гуртаз вуиз но куалектэм, викышъяса, куараен бӧрдӥсь адямиосты адӟиз.39Корка пырем бераз шуиз: «Малы чигиськиськоды, бӧрдӥськоды? Нылды кулэмын ӧвӧл, со изе гинэ».

40Сое серем каризы. Нош Со ваньзэс поттӥз, бордаз ныллэсь атайзэ, анайзэ, Асэныз ӵош ветлӥсьёсты басьтӥз но ныллэн кыллён интыяз пыриз.41Нылмуртэз китӥз кутыса шуиз: «Талифа-куми», со «нылаш, тыныд верасько, султы» шуэм кыл луэ.42Нылмурт соку ик султӥз но ветлыны кутскиз; солы ог дас кык арес вал. Тае адӟисьёс туж паймизы.43Та учыр сярысь нокин но медаз тоды шуыса, юн алыса вераз, ныллы сиён сётыны косӥз.


*а 5:35 раньӟытыны – жадьытыны, курадӟытыны, акыляк поттыны


предыдущая глава Глава 5 следующая глава