Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

МАРКЛЭСЬ ӞЕЧ ИВОР

Глава 3

3-тӥ ЛЮКЕТ

1Иисус нош ик сӥнагогае лыктӥз; отын киыз куасьмем мурт вал.2Янгыше уськытон вылысь Со сьӧрын чакласа улӥзы: суббота нуналэ уз бурмыты-а Со висисез.3Киыз куасьмем муртлы Со шуиз: «Султы шораз».4Нош соослы Со шуиз: «Суббота нуналэ мар лэсьтыны яра: ӟеч уж-а, яке урод уж-а? Лулэз утьыны-а, яке быдтыны-а?» Нош соос шып улӥзы.5Сюлэмзы лекомем пумысен куректыса, вожез потыса, шоразы учкиз но со висись муртлы шуиз: «Кидэ шонер кар». Шонер карем бераз висись киыз, мукетыз кадь ик, йӧн луиз.

6Фарисейёс соку ик кыре потӥзы но, Иродлэн адямиосыныз огазе кариськыса, Иисусэз быдтон вылысь куспазы кенеш ортчытӥзы.7Нош Иисус Аслаз дышетскисьёсыныз зарезь дуре кошкиз. Со сьӧры трос калык мынӥз, соос Галилеяысь, Иудеяысь,8Иерусалимысь, Идумеяысь но Иордан шур сьӧрысь вал. Солэсь лэсьтэм ужъёссэ кылыса, Тир но Сӥдон каръёс котырын улӥсьёс туж трос кузя Со доры лыктӥзы.9Калык уноысь, Сое медаз ӝикатэ шуыса, дышетскисьёссэ пыж дасяны косӥз.10Трос висисьёсты бурмытӥз, гижлоё-яраё муртъёс Со доры сузьтӥськылӥзы Солэн бордаз йӧтӥськон вылысь.11Сое адӟем бере периос но, Солэн азяз уськытӥськыса, «Тон – Инмар Пи» шуыса кесяськизы.12Солэсь Кин луэмзэ шарае медаз поттэ шуыса, соосты Со юн алылӥз.

13Собере Со гурезе тубиз но, кин Солы кулэ, Ас дораз ӧтиз; соос дораз лыктӥзы.14Соос пӧлысь, Асэныз ӵош улон но тодытыса ветлон вылысь, Иисус дас кык муртэз бырйиз,15висёнъёсты бурмытыны но периосты улляса поттыны соослы кужым сётӥз.16Бырйиз Симонэз, солы Петр ним сётӥз;17Зеведейлэсь Иаков пизэ но солэсь Иоанн вынзэ, соослы Воанергес ним сётӥз, со «гудыри пиос» шуэм луэ;18Андреез, Филиппез, Варфоломеез, Матфеез, Фомаез, Алфейлэсь Иаков пизэ, Фаддеез, Кананит Симонэз19но Искариот Иудаез – Сое вузаса сётӥсез.

20Собере соос корка пыризы но, нош ик калык люкаськиз, нянь сиыны но маза ӧз луы ни.21Матысь муртъёсыз Со визьзэ ыштэм шуыса вераськемез кылӥзы но Сое нуыны лыктӥзы.22Иерусалимысь лыктэм книга тодӥсьёс вераськизы, Со пушкын, пе, веельзевул пуке, периосты, пе, Со периослэн эксэйзылэн кужмыныз улляса потта.

23Иисус, соосты дораз ӧтьыса, соослы мадьыса вераз: «Кызьы быгатоз шайтан шайтанэз улляны?24Эксэйлык аслыз ачиз пумит люкиськиз ке, со эксэйлык возиськыны уз быгаты ни.25Юрт аслыз ачиз пумит люкиськиз ке, со юртлэн быдэс кылемез уз луы.26Шайтан но аслыз ачиз пумит султӥз ке, солэн возиськемез уз луы ни, солэн бырон дырыз вуиз.27Кужмо муртлэн корказ пырыса, солэсь ваньбурзэ нокинлэн но лушкамез уз луы, нырысь ик сое ӧд ке думылы, соку гинэ солэн юртысьтыз лушкаськыны быгатод.28Зэм ик тӥледлы верасько: адями пиослэн вань сьӧлыкъёссы но урод верамъёссы, кыӵе гинэ кылъёсын уз тышкаське, ваньмыз куштӥськозы;29нош кин Святой Дух вылэ урод кыл вераз ке, со муртлэн сьӧлыкъёсыз ноку но уз куштӥське, со пумтэм дауръёслы судэ сюроз».30Солэн пушказ пери пуке шуэмысьтызы, та кылъёсты Со вераз.

31Анаеныз братъёсыз лыктӥзы, корка пырытэк педлон сылӥзы, соос Иисусэз доразы ӧтьыны ыстӥзы.32Со котырын калык пукиз. Солы ивортӥзы: «Тани Тынад Анаед но, братъёсыд но, сузэръёсыд но педлон сыло, Тонэ утчало».33Соослы Со тазьы вераз: «Кин Мынам анае, кин Мынам братъёсы?»34Ас котыраз пукись калык шоры учкыса шуиз: «Тани Мынам анае но, тани Мынам братъёсы но.35Кин быдэсъя Инмарлэсь эриксэ, со луэ Мыным брат но, сузэр но, анай но».


предыдущая глава Глава 3 следующая глава