Выбрать язык
Книги Ветхого Завета
Книги Нового Завета
без русского текстаЗАХАРИЯ ПРОРОКЛЭН КНИГАЕЗ | КНИГА ПРОРОКА ЗАХАРИИ |
11-тӥ ЛЮКЕТ | Глава 11 |
| 1Ливан, капкаостэ усьты, кедырпуостэ тыл мед ньылоз. | 1Отворяй, Ливан, ворота твои, и да пожрет огонь кедры твои. |
| 2Кипарис, бӧрды; уго кедырпу пограз, кужмоесь, чебересь писпуос но быдтэмын; Васанысь тыпыос, бӧрдэлэ, уго ортчыны луонтэм нюлэс пограз. | 2Рыдай, кипарис, ибо упал кедр, ибо и величавые опустошены; рыдайте, дубы Васанские, ибо повалился непроходимый лес. |
| 3Пудо возьмасьёслэн бӧрдэм куаразы кылӥське, уго соослэн эркын улонзы быдтэмын; левпиослэн вузэмзы кылӥське, уго Иорданлэн чеберлыкез быдтэмын. | 3Слышен голос рыдания пастухов, потому что опустошено приволье их; слышно рыкание молодых львов, потому что опустошена краса Иордана. |
| 4Тазьы шуэ мынам Инмаре Кузё-Инмар: «Возьма вандыны дасям ыжъёсты, | 4Так говорит Господь Бог мой: паси овец, обреченных на заклание, |
| 5соосты басьтӥсьёс кышкатэк вандыло, нош вузасьёс шуо: ”Данлыко Кузё-Инмар, мон узырми!”, соосты возьмась муртъёс но соосты уг жаляло. | 5которых купившие убивают ненаказанно, а продавшие говорят: `благословен Господь; я разбогател!' и пастухи их не жалеют о них. |
| 6Уго азьланяз музъем вылын улӥсьёсты уг ни жаля, – шуэ Кузё-Инмар; тани, Мон адямиосты матысь муртъёссылэн киулазы сёто, эксэйёссылэн киулазы сёто, соку соос музъемез таркалозы, нош Мон соосты соослэн киулысьтызы уг мозмыты». | 6Ибо Я не буду более миловать жителей земли сей, говорит Господь; и вот, Я предам людей, каждого в руки ближнего его и в руки царя его, и они будут поражать землю, и Я не избавлю от рук их. |
| 7Вандыны дасям ыжъёсты возьмало, зэмзэ ик куанер ыжъёсты возьмась-утись луо. Киям кык боды куто, огзэ «ӟеч эрик», мукетсэ «валче улон» шуыса нимало, соосын ыжъёсты возьмало. | 7И буду пасти овец, обреченных на заклание, овец поистине бедных. И возьму Себе два жезла, и назову один–благоволением, другой–узами, и ими буду пасти овец. |
| 8Пудо возьмасьёс пӧлысь одӥг толэзе куиньзэ быдто; кызьы соослэн лулзы Мон дорысь палэнске, озьы ик Мынам лулы соос дорысь палэнскоз. | 8И истреблю трех из пастырей в один месяц; и отвратится душа Моя от них, как и их душа отвращается от Меня. |
| 9Соку шуо: «Тӥледыз уг ни возьма; кулӥсез мед кулоз, бырисез мед быроз, кылемъёсыз огзылэсь огзы мугорзэс мед сиёзы». | 9Тогда скажу: не буду пасти вас: умирающая–пусть умирает, и гибнущая–пусть гибнет, а остающиеся пусть едят плоть одна другой. |
| 10«Ӟеч эрик» нимозэ бодыме куто но вань калыкъёсын кылдытэм кусыпме быдтон понна сое шортӥз чиго. | 10И возьму жезл Мой–благоволения и переломлю его, чтобы уничтожить завет, который заключил Я со всеми народами. |
| 11Со нуналэ со быдтэмын луоз, соку ыжъёс пӧлысь Монэ витьыса улӥсь куанеръёсыз тодозы, та – Кузё-Инмарлэн кылъёсыз луо шуыса. | 11И он уничтожен будет в тот день, и тогда узнают бедные из овец, ожидающие Меня, что это слово Господа. |
| 12Соослы шуо: «Тӥледлы ярамон ке, вае Мынэсьтым уждунме; ӧвӧл ке, эн сётэ»; ужаме понна соос Мыным куамын азвесь коньдон ӵоталозы. | 12И скажу им: если угодно вам, то дайте Мне плату Мою; если же нет, –не давайте; и они отвесят в уплату Мне тридцать сребренников. |
| 13Мыным Кузё-Инмар шуиз: «Кушты соосты храмлэн узырлык возён интыяз, – бадӟым дунэз, кудӥныз соос Монэ дунъязы!» Басьтӥ Мон куамын азвесь коньдонэз но Кузё-Инмарлэн корказ горшок лэсьтӥсьлы куштӥ. | 13И сказал мне Господь: брось их в церковное хранилище, –высокая цена, в какую они оценили Меня! И взял Я тридцать сребренников и бросил их в дом Господень для горшечника. |
| 14Собере Мон мукетсэ «валче улон» нимо бодыме чигтӥ Иудаен Израиль вискысь агай-вынъёс кадь тупаса улонэз быдтон понна. | 14И переломил Я другой жезл Мой–`узы', чтобы расторгнуть братство между Иудою и Израилем. |
| 15Кузё-Инмар мыным шуиз: «Укылтэм пудо возьмасьлэсь тӥрлыкъёссэ аслыд басьты на. | 15И Господь сказал мне: еще возьми себе снаряд одного из глупых пастухов. |
| 16Уго, тани, Мон та музъем вылэ аслаз кулӥсь-бырись ыжъёсыз сярысь сюлмаськисьтэм пудо возьмасез пукто, ышемъёссэ уз утча, висисьёссэ уз эмъя, тазаоссэ уз сюды, нош куаем пудолэсь кӧйзэ-вӧйзэ сиёз, пыдгижыоссэс ишкалоз. | 16Ибо вот, Я поставлю на этой земле пастуха, который о погибающих не позаботится, потерявшихся не будет искать и больных не будет лечить, здоровых не будет кормить, а мясо тучных будет есть и копыта их оторвет. |
| 17Куректон-кайгу луоз уллёзэ эскерытэк-чаклатэк кельтӥсь укылтэм пудо возьмасьлы! Кизэ, бур синзэ мечен мед коралозы! Киыз солэн чылкак куасьмоз, бур синмыз чылкак кӧсэктоз». | 17Горе негодному пастуху, оставляющему стадо! меч на руку его и на правый глаз его! рука его совершенно иссохнет, и правый глаз его совершенно потускнет. |
Глава 11