Библия
Выбрать язык
Книги Ветхого Завета
Книги Нового Завета
без русского текста
ПСАЛТИРЬ | ПСАЛТИРЬ |
151-тӥ ПСАЛОМ*а | Глава 151 |
| [Давидлэн Голиафен ожмаськонэзлы сӥзем крезьгур. | |
1Агай-вынъёсы пӧлын мон покчиез,
атай юртысьтым самой пичиез вал;
атаелэсь ыжъёссэ возьмаса улӥ.
| 1 |
2Ас киыным крезь лэсьтӥ, ас чиньыосыным крезь сиосты тупатъяй.
| 2 |
3Кин ивор сётӥз Кузё-Инмарлы?
– Ачиз Кузё-Инмар, Ачиз кылӥз монэ.
| 3 |
4Аслэсьтыз ивортӥсьсэ Со ыстӥз но
атаелэн ыжъёсыз дорысь монэ басьтӥз,
зырӟон вӧеныз монэ зырӟиз.
| 4 |
5Мынам агай-вынъёсы туж чебересь, туж йӧноесь,
но Кузё-Инмар соос пӧлысь одӥгзэс но бырйыны мылкыд ӧз кары.
| 5 |
6Мурт калык пӧлысь адямилэн пумитаз мон потӥ,
со монэ аслаз сульдэръёсыныз-идолъёсыныз каргаса улӥз.
| 6 |
7Нош мон солэсь мечсэ ишкалтӥ но йырзэ ӵогыса уськытӥ,
Израиль пиосты сантэман улысь мозмытӥ.] | 7 |
*а 151:0 та псалом вашкала еврейёслэн Псалом книгаязы уг пумиськы, нош грек кылэ берыктэм вӧсь книгаын – Септуагинтаын – со вань
Глава 151
