Выбрать язык
Книги Ветхого Завета
Книги Нового Завета
с русским текстом1Соку Елисей шуиз: «Кузё-Инмарлэсь верам кылзэ кылзӥське: тазьы шуэ Кузё-Инмар: ӵуказе та виын Самариялэн капка дораз одӥг мертэт ӟечез пызь сӥклен вузаськоз, кык мертэт йыды одӥг сӥклен!»2Эксэй кузёйырлэн ки вылаз пыкъяськыса улӥз, кузёйыр Инмар адямилы шуиз: «Кузё-Инмар инлэсь укнооссэ ке но усьтысал, соку но та луыны быгатоз-а?» Соиз шуиз: «Тани, ас синмыныд адӟод, но тае уд сиы».
3Капкатӥ пырон дорын ньыль гижлочерен висисьёс пукизы, соос огзылы огзы шуылӥзы: «Мар татын, кулон возьмаса, асьмеос пукыны кулэ?4Городэ мыныны дӥсьтӥмы ке, городын сютэм улон, отын асьмеос куломы; татын ке пуконо, татын но куломы. Эсьмаса, сири лагере мыноме, – улэп кельтӥзы ке, уломы, нош виизы ке, куломы».5Ӝомал усьыку султӥзы Сирияысь ожгарчиослэн лагерязы мынон понна. Отчы вуизы, но тани, отын одӥг адями но ӧвӧл.6Кузё-Инмар тазьы лэсьтӥз: Сирияысь ожгарчиослэн лагерьзылы ожмаськон уробоослэн дыбыртэмзы, валъёслэн гырдаллямзы, бадӟым войсколэн куашетэмез кылӥськиз. Соку соос ог-огзылы шуизы: «Асьмелы пумит мынон понна, дыр, Израиль эксэй медъяз Хеттей но Египет кунъёслэсь эксэйёссэс».7Ӝомал усьыку соос тылысъёссэс, валъёссэс, ишакъёссэс, быдэс лагерьзэс кельтыса, асьсэды утён понна пегӟыса кошкизы.
8Со гижлочерен висисьёс лагерь дуре вуэмзы бере одӥгаз тылысэ пыризы но сиизы, юизы, отысь зарни, азвесь, дӥськутъёс поттӥзы но мыныса ватӥзы. Эшшо мукетаз тылысэ пыризы но отысь но октӥзы-калтӥзы, собере мыныса ватӥзы.9Огзылы огзы шуизы: «Кызьы кулэ, озьы ум лэсьтӥське. Туннэ нунал шумпотон иворлэн нуналыз; ӝегаса, ӵук ӟардонэз возьмаса улӥмы ке, асьме вылэ янгышлык усёз. Ойдо ук, мыныса эксэй юртлы ивортом».10Лыктӥзы но кар капка возьмасьёсты ӧтизы, соослы тазьы шуыса веразы: «Сирияысь ожгарчиослэн лагерязы ветлӥмы но, тани, отын одӥг адями но ӧвӧл, адями куара но уг кылӥськы, думылэм валъёс, думылэм ишакъёс, буш тылысъёс гинэ сыло, кызьы соослы кулэ».11Кар капка возьмасьёсты ӧтизы но та иворез пырак эксэй юртэ келязы.12Эксэй уйин султӥз но медоосызлы шуиз: «Тӥледлы верало, мар каро асьмемын Сирияысь ожгарчиос. Соос тодо, асьмеос сютэм улӥськомы шуыса, соос, лагерьысь потыса, бусые ватӥськизы, соос тазьы малпало: ”Соос городысь потӥзы ке, соосты улэпкын киултомы но городазы чуртнаськомы”».13Со медоос пӧлысь одӥгез шуиз: «Мед басьтозы городэ кылем витьсэ ик валъёсты – тани соослэн адӟонзы городэ кылем вань израиль калыклэн кадь луоз яке соослэн адӟонзы вань кулэм израиль калыклэн кадь луоз, ыстомы но учкомы».
14Ожмаськон уробоосын кыткем кык пар валъёсты басьтӥзы. Сирияысь ожгарчиослэн бӧрсязы ыстыса эксэй шуиз: «Мынэлэ, учкелэ».15Со бӧрсьы Иордан дорозь мынӥзы но, тани, быдэс сюрес вылын дӥськутъёс, тӥрлыкъёс кыллё, соосты сирия ожгарчиос, дыртыса пегӟыкузы, куяса кельтӥллям. Ыстэм муртъёс берытскыса эксэйлы ивор вуттӥзы.16Калык, городысь потыса, Сирияысь ожгарчиослэсь лагерьзэс тарказ, одӥг мертэт ӟеч пызь одӥг сӥклен вузаськиз, кык мертэт йыды – одӥг сӥклен, Кузё-Инмарлэн верамезъя.
17Эксэй, кинлэн пельпум вылаз пыкъяськыса улӥз, со кузёйырез капка доры возьмаськисе пуктӥз; капкаысен калык сое лёгаз но, со кулӥз, кызьы вераз вал Инмар адями, со доры эксэй ветлыку.18Инмар адями эксэйлы тазьы вераку: «Кык мертэт йыды сӥклен, одӥг мертэт ӟечез пызь, ӵуказе, та дырын, Самариялэн капка дораз одӥг сӥклен вузаськоз»,19соку та адями, кузёйыр, Инмар адямилы шуиз: «Кузё-Инмар инлэсь укнооссэ ке но усьтысал, соку но та луыны быгатоз-а?» Нош со шуиз: «Ас синмыныд адӟод, нош тае уд сиы».20Со вылын тазьы веран быдэсмиз: калык сое капка вискы лёгаз но, со кулӥз.
Глава 7