Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Нового Завета

предыдущая главаследующая главас русским текстом

ИОАННОНДИ ПАНЧФ НЯЙФКС

Глава 10

Ангел и ашкоркс лаца книга

1Сяльде мон няень лия ангел, виидонга вии, кона валгсь менельста. Сон ашкотфоль коволса, прянц вельхксса ульсь атямъёнга, шамац пиндолдсь кода ши, а пильгонза ульсть кода толонь столбат.2Сон кирдсь кядьсонза ашкоркс лаца панжада книганя. И сон путозе види пильгонц оцюведть лангс, а кержить – модать лангс,3и лефонь рнама лаца вайгяльса ювадсь. Мзярда сон лоткась ювадемда, кайгозевсть сисем атяпнень вайгяльсна.4И мзярда сисем атяпне аделазь корхтамаснон, мон срхкань сёрмадомс семботь, но кулень менельста вайгяль, кона корхтась тейне: «Пякстак пякстамань тяштькс алу сянь, мезе корхтасть сисем атяпне, и тяк сёрмада сянь».

5Эста ангелсь, конань мон няине оцюведть и модать лангса ащезь, кеподезе види кяденц менельти6и варась пефтома пингс Эряйть лемса, Сянь лемса, кие тиезе менельть, модать, оцюведть и семботь, мезе синь эсост. Ангелсь мярьгсь: «Пингсь аделавсь.7Сяс ся шитнень, мзярда торазеви сисемце ангелсь, пяшкоди Шкаень салавашись, конань Шкайсь пачфтезе пророкненди, Эсь покодиензонды».

8Вайгяльсь, конань мон ни кулине менельста, тага кармась корхтама мархтон. Сон мярьгсь: «Архт, сявк панжада ашкорксть, кона модать и оцюведть лангса ащи ангелть кядьса».9Мон молень ангелти и мярьгонь тейнза: «Макск тейне тя ашкоркс лаца книганять». Сон мярьгсь каршезон: «Сявк и сивк сонь. Сон пекцень тисы сяпикс, а кургсот ули ламбамкс, кода медь».

10Мон сявине ашкоркскять ангелть кядьста и сивине. Кургсон таньфоц марявсь ламбамкс, кода медь, а мзярда мон нилине ашкоркскять, сяпсь пувордазе пекозень.11И сон мярьгсь тейне: «Тейть эряви тага пророчендамс, мезе ули ламоц ломаньтналхнень, масторхнень, кяльхнень и оцязорхнень мархта».


предыдущая глава Глава 10 следующая глава