Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Нового Завета

предыдущая главаследующая главас русским текстом

ЕВРЕЙХНЕНДИ СЁРМАСЬ

Глава 6

1Сяс, эрьда кадсаськ Христость колга васенце содамошитнень и ётатама сяда тов – крхкаста шарьхкодемати. И меки аф мртцетяма ушетксти, тяфтама тефненди, кода кулоф тевонь кадомась, Шкайти кемамась,2тонафтомати кстиндамать колга и эрь кодама штаматнень колга, бславамать пингста кядень путомать колга, кулофнень эзда вельмамать и пефтома пингонь судть колга.3И тяньге тисаськ, кда максы Шкайсь.

4Аш кода меки путомс виде ки лангс сятнень, кит прокс тусть-потасть Христости кемамать эзда. Вдь синь весть ни ульсть валдошисонза, варчсезь менелень казнеть таньфонц и тейст минь мархтонк марса максфоль Иняру Ваймопожфсь.5И синь эсь лангсост варчсезь Шкаень валть паронц и сай пингонь эряфть виенц,6но тяда меле кадозь кемамать. Тяфтапнень аш кода ни вятемс каендамати, сяс мес синь синць одукс эськодьсазь крёз лангс Шкаень Цёрать и сембонь инголе тиендьсазь Сонь пеедема вастокс.7Модась, кона ламоксть валондови-симдеви пизем ведьса, и кона канды лама сёра сятненди, кинди сон аноклави, ули бславаф Шкайть эзда.8А модась, кона канды аньцек сордише и кумбарав лопат, лувови аф эрявиксокс. Сон мала Шкаень сюдомати, конань пец – толса плхтамась.

9Кельгома ялгат, хуш минь и корхтатама тяфта, сякокс кематама: тинь сяда лац ащетяда и мольхтяда идемань киге.10Вдь Шкайть аш аф видексшиц и сяс Тейнза аф юкстави тинь покодеманте и кельгоманте, конань тинь няфтесть Тейнза, мзярда лезнеде и нинге лезттада иняруфненди.11Минь пяк оцю мяленьке: катк эрсь эздонт няфти тяфтама жа оцю седиень путома петь самс, мзярс аф пяшкоди тинь надияманте.12И тяда ара нолакс, меколанкт, тиендеда сятнень лаца, конатненди кемамать и куватьс кирдемшкать вельде максови ся, мезе Шкайсь надияфтсь.

Мезе Шкайсь надияфтсь, ся пяшкоди

13Мзярда Шкайсь макссь надияфтомань вал Авраамонди, Сон варась Эсь лемсонза, сяс мес ашель Сондедонза кивок сяда оцю, кинь лемса Сон маштоль варамс.14Сон мярьгсь: «Афкукс, Мон козяста бславате тонь и максан тейть лама идь-унок».15И тяфта, Авраам учсь куватьс, сатфтозе кирдемшканц и тейнза максфоль надияфтфсь.

16Ломаттне фалу варайхть мезьса-бди сяда оцюса эсь корязост. Варамась тейст – кода тевонь кемокстама, и варамась путы пе эрь кодама пялькстомати.17Шкайсь ёрась няфтемс Эсь мялень аф полафнеманц сятненди, кинди ульсь максф надияфтома. Сяс Сон кемокстазе Эсь надияфтоманц варамаса.18Сяс тяни минь улихть ня кафттне, конат аф полафтыхть и конатнень эса Шкайсь коданга и мзярдонга аф васькафты: тя Шкаень варамась и надияфтомась. Синь кемокстасамазь минь, сятнень, кит музь инголе ащи надиямаса кяшема вастть.19Тя надиямась минь ваймоньконди, кода кемоста кирди и вии якорь, кона сатни иняру кошть потмонцты, мянь котфонь перяфксонц фталу.20Васенцекс тоза минь инксонк сувась кинь няфтись – Иисус. Сонь арась пефтома пингонь Озксвятиень Оцюнякс Мелхиседеконь лаца.


*а 6:1 Тя валзюлмось шарьхкодеви кода «шава тефт, конат аф лездыхть тейнек» али «тефт, конат вятихть куломати».

*б 6:19 Иерусалимонь храмсь ащесь кафта пяльксста: ингольдень пяльксста и потмонь пяльксста. Потмонь пялькссь ульсь пяк иняру и лувовсь Шкаень вастокс. Котфонь перяфкссь явондозень ингольдень и потмонь пялькснень фкя-фкянь эзда. Тя валрисьмось тонафты: Христос, минь надияманьке, сувась Шкайть шири.


предыдущая глава Глава 6 следующая глава