Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Нового Завета

предыдущая главаследующая главас русским текстом

ПАВЕЛОНЬ ВАСЕНЦЕ СЁРМАЦ ФЕССАЛОНИКА ОШЕНЬ КЕМАЙХНЕНДИ

Глава 3

1Сяс, мзярда лажадоманьке арась тейнек аф кирдемшка, минь арьсеме лядомс Афинаса ськамонк,2а тейнть кучеськ Тимофеень, минь кемай ялганьконь, кона мархтонк покоди Шкаень тевса, пачфнесы Пара кулять Христость колга. Минь кучеськ сонь кемокстамс тинь и кеподемс-касфтомс тинь кемамантень:3афоль шерьфтев киньге кемамац ня стакашитнень эзда. Тинь тинцьке содасасть, минь тянкса путфтама.4Вдь тяда инголевок, мзярда улеме ширесонт, минь корхнеме тейнть: минь учсамазь стакашит. Тяфта и лиссь, кода тейнть содаф.5И сяс мон сяда ламос ашень кирде, кучине Тимофеень содамс тинь кемамантень кувалма. Мон пелень: пади Пежес Вятись прафтодязь-пувордадязь тинь виде киста, и минь тевоньке арась шавокс.

Тимофеень эзда пара кулятне

6Но вов Тимофей аньцек-аньцек мрдась ширдент и кандсь цебярь кулят тинь кемамантень и кельгомантень колга. Корхтай, тинь фалу кенярдезь лятфнесамасть минь и оцю мяльса ёратада васедемс минь мархтонк, кода миньге тинь мархтонт.7Кемай ялгат, сяс сембе стакашиньконь и маятаманьконь ёткса кулясь тинь кемамантень колга ваймафтомазь-кемокстамазь минь.8Вдь мзярда тинь кемоста ащетяда Азорса, эста минь тага афкукс эрятама.9Кода тейнек сатомшка сюконяма Шкайти тинь инксонт и сембе тя кеняртьксть инкса, конаса минь кеняртькшнетяма тинь кувалмант Шкайть инголе!10Шинек-венек седиге минь озонттама: максоза Шкайсь тейнек няемс тинь шамаликонтень и пяшкодемс сянь, мезе аф сатни нинге тинь кемамасонт.

11Ина катк Сонць Шкайсь, минь Аляньке, и Иисус Христос Азороньке ладясы киньконь тейнть.12Катк Азорсь нинге сядонга пяк касфтсы и вельф ламолгофтсы тинь кельгомантень фкя-фкянди и лия ломаттненди, и тисы стама кельгомакс, кодамса миньге кельктядязь тинь.13И тянь вельде катк Сон кемокстасыне тинь седиентень улемс аф гастяфокс и инярукс Шкайть, минь Аляньконь инголе, ся шить самс, мзярда минь Азороньке Иисус мрдай сембе иняру ломанензон мархта. Аминь.


предыдущая глава Глава 3 следующая глава