Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Нового Завета

предыдущая главаследующая главас русским текстом

ПАВЕЛОНЬ ВАСЕНЦЕ СЁРМАЦ ФЕССАЛОНИКА ОШЕНЬ КЕМАЙХНЕНДИ

Глава 2

Павелонь покодемац Фессалоникаса

1Кемай ялгат, тинь вдь тинць содасасть, минь сашендоманьке тинь ширезонт ашель шавокс.2Кода тинь содасасть, тейнть самда инголе, Филиппаса минь кирдеме эсь лангсонк аф кржа маятама и сялдома-наругама. Но Шкаеньконь лездоманц вельде минь аф пелезь азондоськ тейнть Сонь Пара кулянц, аф ваномок оцю каршек молемать лангс.3Минь тердемань валсонк ашель кодамовок васькафнема-эрьготьфтема, али аф ару арьсема, али ёжуши.4Меколанкт, Шкайсь варжамазь минь тевса и, лангозонк кемазь, максозе тейнек Эсь Пара кулянц. Сяс минь сонь пачфнесаськ тяфта: ёратама тумс аф ломаттнень мяльс, а Шкайть, кона няйсы-варчсесы седиеньконь.5Кода тинь содасасть, минь ашедязь васькафне тинь мялень пети валса-шнамаса, минь ашель салавань мяленьке мезевок сатомс тинь кядьстонт эстейнек. Шкайсь тянь няиец-содаец.6И минь ашеме вешенде эстейнек шнама-кеподема ломаттнень кядьста, аф тинь, аф лиятнень.7Улемок Христости апостолкс, минь ульсь азорксшиньке самс ширезонт кода оцю ломатть, но минь улеме мархтонт ляпе седикс и эжнедязь тинь, кода потяфты тядясь эсь идензон.8Минь сяшкава кельктядязь тинь, мянь улеме анокт максомс тейнть аф аньцек Шкаень Пара кулять, но эсь эряфоньконьге: сяшкава питникс тинь араде тейнек.9Кемай ялгат, тинь мяляфтсасть минь стака покодеманьконь и виень путоманьконь тейнть Шкаень Пара кулять пачфнемста. Минь шинек-венек покодеме виень аф ужяльдезь, сяс мес ашель мяленьке арамс эздонт киндинге трямксокс.10Тинь и Шкайсь няесть-содасть сянь, кода иняруста, видеста и аф муворуста минь вятеськ пряньконь тинь мархтонт, кит кемайхть.11Тинь тяньге содасасть: минь тиендеме эздонт эрть мархта стане, кода алясь тиенди эсь идензон мархта;12минь эняльдеме тейнть, кемокстаме эсонт и пяк вешеме эздонт: эряледе тинь Шкайть мяленц коряс, кона тердедязь тинь Эсь Оцязорксшизонза и иневалдозонза.

Марстонь маятамат

13Минь апак лотксек азонттама сюконяма Шкайти сянкса, мес эздонк кульф Шкаень валть тинь сявость аф кода ломанень вал, а кода Шкаень вал, кодамкс сон афкукс и ули. Сон и тии тев тинь эсонт, кит кемайхть.14Вдь тинь мархтонт, кемай ялгат, лиссь сякось, мезе лиссь Иудеяса Шкайть пуромкссонза Христос Иисусти кемайхнень мархта: тинь кирдеде панцемат эсь юромонь ломанентень эзда, кода синь еврейхнень эзда.15Еврейхне шавозь Иисус Азорть и Сонь пророконзон, и тяконь лаца тяни миньге эсонк панцихть. Синь аф тушендыхть Шкайть мяльс и молихть каршек сембе ломаттненди.16Синь шоряйхть тейнек кандомс Шкаень валть лия ломаньтналхненди и вятемс синь идемати. Тяфта синь пяшкотькшнесазь-ламолгофнесазь пежеснон сталмоснон. Но Шкаень кяжсь синь пряснон вельхксса ни.

Павелонь мялец тага васедемс Фессалоникань кемаень пуромксть мархта

17Кемай ялгат, тейнек савсь аф лама пингонди явомс мархтонт, явомс аньцек ронгса, аф седиса, и тянкса нинге сядонга оцю мяльса минь ёраме няемс тинь шамаликонтень.18Сяс минь оцюволь мяленьке самс тейнть – а мон, Павел, аф весть срхксень тянь тиемс, – аньцек шорясь тейнек Сатанась.19Вдь кие ули тейнек надиямакс, кенярдема вастокс и шнамань каштазкс Иисус Христос Азороньконь инголе, мзярда Сон сай? Кие, кда аф тинь?20Тя тинь минь прянь шнаманьке и кенярдеманьке.


предыдущая глава Глава 2 следующая глава