Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Нового Завета

предыдущая главаследующая главас русским текстом

ПАВЕЛОНЬ СЁРМАЦ ЕФЕС ОШЕНЬ КЕМАЙХНЕНДИ

5 Глава

1Тяфта, ваномок Шкайть лангс, тиендеда Сонь лацонза, сяс мес тинь Сонь кельгома иденза.2Эряда кельгомаса, кода Христосовок кельгомазь минь и максозе минь инксонк Эсь прянц Шкайти озксказнекс, кантфокс танцти шине мархта.

3А усксевомать, аф арушить, аф топафтовиксшить колга тинь ётксонт корхтаматка тяст кепсев. Аф ладяй тя иняру ломаттненди.4Тяконь лаца эрь кодама рдазу валхне, шава корхнематне, визьксфтома рахсематне аф ладяйхть тейнть, меколанкт, сюконяда Шкайти.5Вдь тинь содасасть: фкявок усксевить али аф аруть аш пялькссна Христость и Шкайть Оцязорксшисонза, тяфта жа мезьса-бди топафксонь аф содайтьке, сяс мес сон моли аф афкуксонь шкайть мельге.

6Киндинге тясть макссе васькафнемс прянтень шава валса, сяс мес тянкса сашенды Шкаень кяжсь аф кулхцондыхнень лангс.7Сяс, тяда ялгафта мархтост.

Эряда валдса

8Мзярда-бди тинь уледе шобдакс, а тяни, мзярда тинь Азорть мархтотада, тинь араде валдокс. Эряда стане, кода эряви эрямс валдть идензонды.9Ваймопожфсь шачфты-канды эрь кодама пароши, видексши и видеши.10И ёрасть содамс, мезе Азорть мялезонза.11Тяда сувсе шобдань тевс: тяфтама тефне аф кандыхть цебярь имож. Меколанкт, ня тефнень лихтесть валдти.12Ломаттнень тяфтама салавань тевснон колга нльне визькс корхтамска.13Аньцек сембе салавань тефне тиевихть няевиксокс валдть эзда. А сембось, мезсь лихтевсь лангти, ули валда.14Сяс и корхтави: «Сргость, уды! Вельмак кулофнень эзда, и тонь валдопттанза Христоссь!»

15Сяс лац ванода эсь прянь вятемантень мельге. Тиендеда аф кода пряфтомотне, а кода смузюфне.16Смузюста нолясть тевс эрь пингонтень, сяс мес тяниень шитне кяжихть.17Сяс тяда уле ёньфтомокс, но шарьхкодесть, мезьса Азорть мялец.18И тяда симе винада иредемас, сяс мес сонь эздонза лисихть аньцек визьксонь тефт-мяльхть. Меколанкт, пяшкодеда Иняру Ваймопожфса:19кемокснеда фкя-фкянь псалмаса, шнама и ваймопожфонь морса. Моразь шнасть Азорть седи ваксста,20фалу и сембонкса сюконязь Шкайти и Аляти, Иисус Христос Азороньконь лемса.21Уледа анокт кулхцондомс фкя-фкянь Шкайть мяленц ваноманкса.

Тонафтомат рьватненди и мирттненди

22Рьват, уледа анококс кулхцондомс эсь мирдентень, кода Азорть,23сяс мес мирдсь рьванцты пря, тяка лаца, кода и Христос кемаень пуромксонь Прясь. Сон Сонць Эсь кемаень пуромксонцты, лиякс мярьгомс, ронгонцты, Идись.24И кода кемаень пуромкссь анок кулхцондомс Христость, тяфта рьватнендивок сембоса эряви улемс анококс кулхцондомс эсь мирдьснон.

25Миртть, кельгость эсь рьвантень, кода Христосовок кельгсы кемаень пуромксть и максозе Эсь прянц сонь инксонза.26Христос тянь тиезе ва мезенкса: иняруяфтомс сонь, штамок ведьса валть вельде;27и путомс сонь Эсь инголенза мазы кемаень пуромксокс, конань лангса аш фкявок вадентьф васткя али срмафкс, али нинге мезевок тянь лаца, лиякс мярьгомс, улеза сон иняру и афсатыксфтома.28Тянь лаца эряви мирттненди кельгомс эсь рьваснон, кода эсь ронгснон. Кие кельгсы эсь рьванц, ся кельгсы эсь прянц.29Вдь мзярдонга ашель стама ломань, конац афолезе кельге эсь ронгонц, но эрсь аннесы и эжнесы сонь, кода и Азорсь кемаень пуромксть.30Сяс мес минь пялькстама Сонь ронгсонза, минь Сонь сивольстонза и Сонь пакарьстонза.31Сяс кадсы ломанць алянц мархта тядянц и педи эсь рьванцты, и кафттне арайхть фкя ронгокс.32Тя салавашись инь оцю: мон тянь корхтаса Христость и кемаень пуромксть колга.33Тяконь лаца эрсь эздонт катк кельгсы эсь рьванц, кода эсь прянц; а рьвяти эряви ванондомс мирденц мяленц.


предыдущая глава Глава 5 следующая глава