Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Нового Завета

предыдущая главаследующая главас русским текстом

ПАВЕЛОНЬ СЁРМАЦ ЕФЕС ОШЕНЬ КЕМАЙХНЕНДИ

3 Глава

Павел – лия ломаньтналхненди апостол

1Вага мес мон озондан Шкайти, мон Павелсь, кона тинь, лия ломаньтналоннетнень инкса и Иисус Христосонь инкса, ащан пякстафста.2Вдь тинь куледе ся тевть колга, кона максф тейне Шкайть арьсефонц коряс тейнть лездоманкса: пачфтемс лия ломаньтналхненди Шкаень пароказнеть.3Тейне Шкайсь панжезе тя салавашить, конань колга мон нюрьхкяняста сёрматкшнень сяда вяре,4и лувомок тянь, тинцьке няйсасть, конашкава крхкаста мон шарьхкодьса Христость салавашинц.5Сяда ингольдень эряйхненди апак макстоль содамс тя салавашить, но тяни Иняру Ваймопожфсь панжезе сонь Шкаень иняру апостолхненди и пророкненди.6Тя салавашись вага мезьса: лия ломаньтналхнень ули еврейхнень мархта пялькссна сембе ся паротнень эзда, конат максовихть Шкаень ломаньтналти. Синь арасть фкя-тяка ронгонь, и Пара кулять вельде тейстка максовихть Шкайть надияфтоманза Христос Иисусса.7Тя Пара куляти покодикс мон арань Шкаень пароказнеть коряс, ся казнеть коряс, конань Сон тейне максозе монь эсон эряй-покоди Виенц вельде.8Тейне, сембодонга ёмлати марнек иняру ломаттнень ёткста, максфоль тя пароказнесь: кандомс лия ломаньтналхненди Куля Христость аф ункстави козяшинц колга,9и панжемс сембонди, кода Шкайсь пяшкодьсы Эсь салавань арьсеманц, кона пефтома пинкнень эзда кяшфоль Шкайть эса, конац семботь тиезе Иисус Христость вельде.10Шкайть мялецоль кемаень пуромксть вельде панжемс сембе ширде Эсь смузьшинц вярдень кяжи оцюнятненди и азорхненди.11Тя ульсь Шкайть пефтома пингонь арьсефонц коряс, конань Сон пяшкодезе Христос Иисус Азороньконь вельде.12Сонь Эсонза улемать вельде и Тейнза кемамать вельде минь аф пелезь и кемазь машттама пшкядемс Шкайти.13Сяс мон эняльдян тейнть аф нолнемс прянтень сталмотнень инкса, конатнень мон кирдьсайне тинь кувалмант, сяс мес синь тейнть – сай пингонь иневалда.

Христость оцю кельгомац

14Вов сяс мон комафнесайне плманжанень Иисус Христос Азороньконь Алянц инголе,15конань эзда ушедсь эрь кода юромсь менельса и мода лангса.16Мон эняльдян, катк Сон Эсь Иняру Ваймопожфонц вельде и козя иневалдонц коряс кемокстасыне вийса тинь седиентень,17и кемамать вельде седисонт кармай улема Христоссь.18Эста тинь, виензафне и кельгомаса кемокстафне, сембе иняру ломаттнень мархта карматада шарьхкодемонза сянь, мезе стамсь кувалмось и келесь, сересь и крхкалмось,19и содамонза Христость кельгоманц, конань серец ётнесы эрь кодама шарьхкодемать. И тяфта тинь эряфонте пяшкоди Шкаень пяшксешиса.20Шкайсь, минь эсонк покоди вийть коряс, машты тиемс ламодонга лама сянь коряс, мезе минь анатама али мезень колга арьсетяма.21Улеза Тейнза шнама кемаень пуромксса Христос Иисусть мархта улемать вельде юромста юромс сембе пинкнень! Аминь.


предыдущая глава Глава 3 следующая глава