Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Нового Завета

предыдущая главаследующая главас русским текстом

ПАВЕЛОНЬ ОМБОЦЕ СЁРМАЦ КОРИНФ ОШЕНЬ КЕМАЙХНЕНДИ

Глава 12

Павелонь няйфксонза и Шкайть эзда максф панжеманза

1Тейне тага сави шнамс прязень, хуш лезксовок тя аф канды. Тяни пшкядян няйфксненди и Азорть эзда максф панжематненди.2Содан Христости кемай ломань, кона кемнилие кизода инголи кепотьфоль инь вяри, мянь колмоце менельть самс. Кодамкс сон тоза повсь: ронгса али ронгфтома – аф содаса, Шкайсь тянь содасы.34Мон содаса, тя ломанць ётафтфоль раи. Аньцек аф содаса, ронгса али ронгфтома – Шкайсь тянь содасы. Тоса сон кульсь стама валхт, конат ломанти аф азовихть и конатнень аф мярьгондеви азондомс.5Тяфтама ломаньца шнаса прязень, но эсь прязень мархта аф шнаса, аньцек лафчашинень мархта.

6А кда сандяряль мялезе шнамс пря, эстонга афолень уле ёньфтомокс, сяс мес азолине видеть. Но мон тянь аф тиса: афоль арьсе кие-бди колган сяда цебярьста сянь коряс, кодамкс няйсамань и кульсамань.7Шкайсь тейне максозень тяшка оцю панжематнень. И сяс: афолине кепсе прязень, Шкайсь пезфтась монь ронгозон сарда – Сатанань ангел, кона монь эсон маятафни: афолине кепсе прязень.8Колмоксть пшкятькшнень Шкайти, энялькшнень таргамс сардть.9Но Сон мярьгсь тейне: «Тейть саты Монь пароказнедон. Монь виезе сембода лац няфневи лафчашиса». И сяс мон кенярдезь шнаян пря лафчашинень мархта, улеза-эряза эсон Христость виец.10Сяс монь пара мялезон, мзярда мон лафчан али монь сялдсамазь Христость инкса, мзярда инксонза повондан стакашис, панцемас, люпштамас! Вдь мзярда мон лафчан, эста вииян.

Павел кельгсы Коринфонь кемаень пуромксть

11Мон ёньда лисень прянь шнамаса, но тя тинь монь тянди пачфтемасть! Тя тейнть эряволь монь шнакшнемс! Виде, мон кивок ашан, но мон мезьсонга аф сяда кальдяван ся пефтома цебярь апостолонтень коряс.12Мон куватьс кирдемшка мархта тиень тинь ширесонт лама тяштькста, дивань и вии тевда, конат няфтьсазь: мон афкуксонь апостолан.13Ина мезе тейнть апак макстоль лия кемаень пуромкснень коряс? Улема, аньцек тякось: монць ашень уле тейнть сталмокс? Нолдасть тейне тя муворшить!

14Вага, мон тяни колмоцеда срхкан ширезонт, и тянинге аф улян тейнть сталмокс. Вдь тейне аф эрявихть тинь ярмаконте-уликсшинте, тейне эряфтада тинь тинць! Аф иттне кочксесазь уликс-пароть тядяснонды-аляснонды, меколанкт, тядясна-алясна – иттненди.15Тинь инксонт мон оцю мяльса максса сембозень, мезезе ули, мянь эсь прязеньге. Тянь тиса, сяс мес пяк кельктядязь тинь, но мес тинь тяшкава кржа кельгсамасть монь?16Кода ба афоль уле, мон ашень уле тейнть сталмокс, но, пади, конат-конат сембе сяка арьсихть, кле, мон тинь васькафтодязь и, улемок ёжукс, сяводязь тинь эсь кядялон?17Эста азость, пади мон усксень кядьстонт ярмакт ся ломаттнень вельде, конатнень кучсине ширезонт?18Мон эняльдень Титонди молемс ширезонт и кучине мархтонза нинге фкя кемай ялганьконь. Пади Тит усксесь кядьстонт ярмакт? Кали аф фкя ваймопожфса минь тиеме тев? Кали аф фкя киге якаме?

19Тинь, улема, кунаркиге арьсетяда, бта минь ёратама араламс эсь пряньконь инголент. Аф! Минь корхтатама Шкайть сельминголе Христость мяленц коряс. Сембось тя, монь кельгомне, тинь касфтомантень-кемокстамантень инкса.20Тейнть самста пелян няйхтядязь тинь аф стамкс, кодамкс мялезе няемс. И тиньге няйсамасть монь аф стамкс, кодамкс мяленте. Мон пелян няемс тинь ширесонт сялондомат, сельмонь каямат, кяжиямат, пялькстомат-явомат, фкя-фкянь лангс васькафнемат, корхтафтомат, прянь няемат, аф ладямат.21Пелян, кода ба оду самстон Шкаезе тага афолемань прафта монь визькс шамас тинь инксонт, и эста кода ба афоль сав тейне авардемс ламотнень инкса, конат прасть пежес и тянемс ашесть каенда эсь аф арушисост, усксевомасост и ронгонь туткотксснон топафнемасост.


*а 12:2 Тяса Павел корхтай эсь колганза. Сон тяфта корхтай, сяс мес аш мялец тянь мархта шнафтомс прянц.


предыдущая глава Глава 12 следующая глава