Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Нового Завета

предыдущая главаследующая главас русским текстом

ПАВЕЛОНЬ ОМБОЦЕ СЁРМАЦ КОРИНФ ОШЕНЬ КЕМАЙХНЕНДИ

Глава 13

Варжасть эсь прянтень

1Мон тяни колмоцеда срхкан самс тейнть, сяс мес эрь муворгофтомась эряви кемокстамс кафта али колма тевонь содайхнень-няихнень валсост, кода тонафты Сёрматфкссь.2Мзярда мон омбоцеда улень ширесонт, эста ни корхтань сятненди, конат тисть пежет. А вага тяни, улемок ичкозе, мон тага весть корхтан тейст и сембе лиятнендиге: колмоцеда самстон аф ужяльттядязь.3Эста тинь, вешфксонтень коряс, эсь сельмосонт няйсасть и содасасть: монь вельден корхтай Христоссь. Христость тевонза тинь эряфсонт аф лафчт, Сон афкукс няфнесы Эсь виенц тинь ётксонт.4Виде, Сонь эськодезь крёзти, мзярда Сон ульсь лафча, но Сон эряй Шкайть виенц вельде. Миньге Христость лаца лафчтама, но Сонь мархтонза карматама эряма Шкайть виенц вельде, и тяфта покодема тейнть.

5Кизефтесть эсь прянтень: тинь афкукс эрятада кемамать коряс? Варжасть эсь прянтень. Кали тинь аф содасасть: тинь эсонт эряй Иисус Христос. Но кда Сон аш эсонт, эста тейнть ашезь кирдев варчсемась.6Минь колганк, надиян, карматада содама: минь сят, кинди кирдевсь варчсемась.7Минь озонттама инксонт Шкайти, афоледе тие кодамавок кальдяв. Минь озонттама тяфта прокс аф прянь няфтеманкса, кода варчсемань кирдихне, а сянь инкса: тиенделеде тинь цебярьста. А ломаттнень сельмоса катк минь ульхтяма мянь кода варчсемань аф кирдихть.8Вдь минь мезевок аф машттама тиемс видешить каршес, меколанкт, семботь тиендьсаськ видешить инкса.9Минь кеняртькшнетяма, мзярда минь лафчтама, а тинь виихтяда. Сяс минь и озонттама тинь эряфонтень петеманкса.10Тяни, улемок ширеса эздонт, мон сёрмадса тянь вага мезенкса: самстон афоль сав казямста нолдамс тевс тинь лангсонт азорксшизень. Вдь Азорсь максозе тейне тя азорксшить тинь ваймонтень касфтоманкса-кемокстаманкса, а аф срафтоманкса.

Мекольце пряс путоматне и пара валонь пачфтематне

11Меколи, кемай ялгат, мярьган: кеняртькшнеда, петнесть-ладясть эсь эряфонтень, ваймафтода-кемокстада фкя-фкянь, уледа сембе фкя мяльса, ладяда фкя-фкянь мархта – и Шкайсь, кельгомань и сетьмошинь лихтибрясь, ули мархтонт.12Шумбракснеда фкя-фкянь мархта иняру паламаса. Пара валхт тейнть кучихть тястонь сембе Шкаень ломаттне!

13Иисус Христос Азороньконь пароказнец, Шкай Алять кельгомац и Иняру Ваймопожфть мархта соткссь фалу улест сембонь тинь мархтонт. Аминь.


предыдущая глава Глава 13 следующая глава